Edited by ലിജിൻ കടുക്കാരം | Samayam Malayalam | Updated: 29 Aug 2023, 8:51 am
പെരുമാറ്റച്ചട്ടം നിലവിലുണ്ടെങ്കിലും പുതുപ്പള്ളിയിൽ ഓണക്കിറ്റ് വിതരണം ചെയ്യാമെന്ന് ഇന്നലെ വൈകീട്ടായിരുന്നു തെരഞ്ഞെടുപ്പ് കമ്മീഷൻ അറിയിച്ചത്. രാഷ്ട്രീയ മുതലെടുപ്പിന് കിറ്റ് വിതരണം അവസരമാക്കരുതെന്ന് കമ്മീഷൻ നിർദേശം നൽകിയിരുന്നു
ഹൈലൈറ്റ്:
- അടുത്തദിവസവും കിറ്റ് വാങ്ങാം
- അഞ്ചുലക്ഷത്തോളം വിതരണം ചെയ്തു
- ഇന്നലെ കൈപ്പറ്റിയത് 241000 പേർ
രാത്രി എട്ടുമണിവെര ഓണക്കിറ്റ് കൈപ്പറ്റാൻ സൗകര്യമൊരുക്കണമെന്ന്‌ സർക്കാർ നിർദേശമുണ്ടായിരുന്നിട്ടും ഒരുവിഭാഗം റേഷൻ കടയുടമകൾ വേണ്ടരീതിയിൽ പ്രതികരിച്ചില്ലെന്ന് മന്ത്രി വിമർശിച്ചു. 14 ഇനങ്ങളടങ്ങിയ ഓണക്കിറ്റ് എഎവൈ കാർഡുടമകൾക്കം ക്ഷേമസ്ഥാപനങ്ങളിലെ അന്തേവാസികൾക്കും നൽകാനായിരുന്നു സർക്കാർ തീരുമാനം.
തിരുവോണദിനത്തിൽ ഇടിയോടുകൂടിയ മഴയെത്തും; സാധ്യത ഈ ജില്ലകളിൽ
Vintage Cars: പഴയകാല വാഹന ശേഖരവുമായി ചേർത്തലക്കാരുടെ സ്വന്തം ചന്ദ്രേട്ടൻ
5,87,691 എഎവൈ കാർഡുകാർക്കും ക്ഷേമസ്ഥാപനങ്ങളിലെ 20,000 അന്തേവാസികൾക്കുമായിരുന്നു കിറ്റ് നൽകാൻ തീരുമാനിച്ചിരുന്നത്. അതേസമയം കിറ്റ് വിതരണം വൈകിയത് ജനങ്ങളിൽ ആശങ്കയുണ്ടാക്കിയിരുന്നു. ഇതുമറികടക്കാനാണ് ഇന്നലെ ഇടവേളകളില്ലാതെ റേഷൻ കടകൾ തുറന്ന് പ്രവർത്തിച്ചത്.
പുതുപ്പള്ളി ഉപതെരഞ്ഞെടുപ്പിന്‍റെ പശ്ചാത്തലത്തിൽ കോട്ടയം ജില്ലയിലെ 37031 എഎഐ കാർഡുകൾക്ക് കിറ്റ് നൽകുന്നതിൽ തടസമുണ്ടായിരുന്നു. ഇന്നലെ രാത്രി ഏഴുമണിക്ക് ശേഷമാണ് ഇതിൽ തീർപ്പുണ്ടായത്. ഇവയൊഴികെയുള്ള കാർഡുകളിൽ 90 ശതമാനത്തോളം പൂർത്തിയായെന്നാണ് പുറത്തുവരുന്ന റിപ്പോർട്ട്.
അതേസമയം മന്ത്രിമാർ ഉൾപ്പെടെയുള്ള ജനപ്രതിനിധികൾക്ക് സ്പെഷ്യൽ കിറ്റുകൾ നൽകിയെന്ന പ്രചാരണം ശരിയല്ലെന്ന്‌ മന്ത്രി ജിആർ അനിൽ പറഞ്ഞു. ശബരി ഉൽപ്പന്നങ്ങളുടെ പാക്കിങ് കവറുകൾ പുതിയ നിറത്തിൽ പുതിയ എംബ്ലവും ഉൾപ്പെടുത്തി പുറത്തിറക്കിയത് പരിചയപ്പെടുത്തുന്നതിന്‍റെ ഭാഗമായി ഗിഫ്റ്റ് പായ്ക്കറ്റ് നൽകിയതാണ്. എല്ലാക്കാലത്തും ഇങ്ങനെ ചെയ്യാറുണ്ടെന്നും മന്ത്രി പറഞ്ഞു.
ഗ്രീൻഫീൽഡ് പാതകൾ ഉൾപ്പെടെ 27 റോഡുകൾ; ദേശീയപാത വികസനത്തിൽ കേരളത്തിൽ 70,113 കോടിയുടെ പദ്ധതികൾ
ഓണത്തെ സർക്കാർ അവതാളത്തിലാക്കിയെന്ന് കെ സുരേന്ദ്രൻ
മലയാളികളുടെ ദേശീയോത്സവമായ ഓണത്തെ പിണറായി സർക്കാർ അവതാളത്തിലാക്കിയെന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ ആരോപിച്ചു. എല്ലാം ശരിയാക്കുമെന്ന് പറ‍ഞ്ഞ് അധികാരത്തിൽ വന്ന പിണറായി സർക്കാർ ഒടുവിൽ ഓണത്തെയും ശരിയാക്കിയിരിക്കുകയാണ്. അതിദരിദ്രർക്ക് മാത്രം കൊടുക്കുന്ന കിറ്റ് വിതരണം പോലും കൃത്യമായി നൽകാതെ പാവങ്ങൾ ഓണം ഉണ്ണുന്നത് പോലും മുടക്കിയിരിക്കുകയാണ് സംസ്ഥാന സർക്കാരെന്നും അദ്ദേഹം പറഞ്ഞു.
ലിജിൻ കടുക്കാരം നെ കുറിച്ച്
ലിജിൻ കടുക്കാരം സീനിയർ ഡിജിറ്റൽ കണ്ടൻ്റ് പ്രൊഡ്യൂസർ
സമയം മലയാളം വാർത്താ വിഭാഗത്തിൽ സീനിയർ ഡിജിറ്റൽ കണ്ടൻ്റ് പ്രൊഡ്യൂസറാണ് ലിജിൻ കടുക്കാരം. കണ്ണൂർ യൂണിവേഴ്സിറ്റിയിൽ നിന്ന് ഇംഗ്ലീഷിൽ ബിരുദവും കാലിക്കറ്റ് യൂണിവേഴ്സിറ്റിയിൽ നിന്ന് ജേണലിസത്തിൽ ബിരുദാനന്തര ബിരുദവും പൂർത്തിയാക്കി. 2016 മുതൽ മാധ്യമപ്രവർത്തനത്തിൽ സജീവം. ഓൺലൈൻ മാധ്യമമായ ഡൂൾ ന്യൂസിലാണ് തുടക്കം. പിന്നീട് ന്യൂസ് 18 മലയാളത്തിൽ ജനറൽ ന്യൂസിനൊപ്പം സ്പോർട്സ് സെക്ഷനും കൈകാര്യം ചെയ്തു. 2019ലാണ് സമയം മലയാളത്തിൻ്റെ ഭാഗമായത്. നിലവിൽ രാഷ്ട്രീയ, സാമൂഹിക വിഷയങ്ങളിൽ ലേഖനങ്ങൾ എഴുതുന്നു.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
