ഭൂപടം ഇറങ്ങിയതിന് പിന്നാലെ ഇതിനെച്ചൊല്ലി ചർച്ചകളും സജീവമായിരിക്കുകയാണ്. ദക്ഷിണാഫ്രിക്കയിൽ ബ്രിക്സ് ഉച്ചകോടിക്കിടെ പ്രധാനമന്ത്രി നരേന്ദ്ര മോദിയും ചൈനീസ് പ്രസിഡന്‍റ് ഷി ജിൻപിങ്ങും തമ്മിൽ അതിർത്തി വിഷയത്തിൽ സമവായത്തിലെത്തിയെന്ന റിപ്പോർട്ടുകൾക്കിടെയാണ് പുതിയ ഭൂപടം ഇറങ്ങിയിരിക്കുന്നത്.
Vintage Cars: പഴയകാല വാഹന ശേഖരവുമായി ചേർത്തലക്കാരുടെ സ്വന്തം ചന്ദ്രേട്ടൻ
സർവേയിങ്ങും മാപ്പിങ്ങും ഭൂമിശാസ്ത്രപരമായ വിവരങ്ങളും രാജ്യത്തിന്‍റെ വികസനത്തിന് കരുത്തേകുന്നതിലും ജീവിതത്തിന്‍റെ എല്ലാ മേഖലകളുടെയും ആവശ്യങ്ങൾ നിറവേറ്റുന്നതിലും പരിസ്ഥിതിപരമായി പ്രധാന പങ്ക് വഹിക്കുന്നുണ്ടെന്നാണ് മന്ത്രാലയത്തിന്‍റെ ചീഫ് പ്ലാനർ വു വെൻഷോംഗ് പറയുന്നത്.
മന്ത്രാലയത്തിന്‍റെ സ്റ്റാൻഡേർഡ് മാപ്പ് വെബ്‌സൈറ്റിലാണ് പുതിയ ഭൂപടം പ്രസിദ്ധീകരിച്ചിരിക്കുന്നത്. ഇന്ത്യയും ചൈനയും തമ്മിൽ ദീർഘകാലമായി അഭിപ്രായവ്യത്യാസം തുടരുന്ന അരുണാചൽ പ്രദേശ്, അക്സായി ചിൻ എന്നീ പ്രദേശങ്ങൾ ഉൾപ്പെടുത്തിയാണ് ചൈനയുടെ പുതിയ ഭൂപടമെന്നത് വരുംദിവസങ്ങളിൽ അന്താരാഷ്ട്ര തലത്തിൽതന്നെ ചർച്ചയായേക്കും.
ബ്രിക്സ് ഉച്ചകോടിക്കിടെ നടന്ന ചർച്ചയിൽ സേനാപിന്മാറ്റം ഊർജിതമാക്കാൻ ഉദ്യോഗസ്ഥരോടു നിർദേശിക്കാൻ ധാരണയായെന്ന റിപ്പോർട്ടുകൾ നേരത്തെ പുറത്തുവന്നിരുന്നു ഇന്ത്യൻ വിദേശകാര്യ സെക്രട്ടറിയാണ് ഇക്കാര്യം അറിയിച്ചത്. സേനാപിന്മാറ്റത്തെക്കുറിച്ച് ഇന്ത്യൻ വിദേശകാര്യമന്ത്രാലയം പ്രതികരിച്ചിരുന്നെങ്കിലും ചൈനയുടെ ഭാഗത്തുനിന്ന് ഇക്കാര്യത്തിൽ വ്യക്തമായ പ്രതികരണമുണ്ടായിരുന്നില്ല. ഇതിനുപിന്നാലെയാണ് ഭൂപടവും പുറത്തിറക്കിയത്.
തിരുവോണദിനത്തിൽ ഇടിയോടുകൂടിയ മഴയെത്തും; സാധ്യത ഈ ജില്ലകളിൽ
ഉഭയകക്ഷിബന്ധവും അതിർത്തിത്തർക്കവും രണ്ടാണെന്ന നിലപാടായിരുന്നു ബ്രിക്സിലെ ചർച്ചയെക്കുറിച്ചു ചൈന പുറത്തിറക്കിയ പത്രക്കുറിപ്പിൽ ഉണ്ടായിരുന്നത്. ചൈനയുടെ വിദേശകാര്യ വക്താവ് നടത്തിയ വാർത്താസമ്മേളനത്തിലും ഇക്കാര്യം ആവർത്തിച്ചിരുന്നു. ഉഭയകക്ഷി ബന്ധത്തെ അതിർത്തിത്തർക്കം ബാധിക്കരുതെന്നും ചൈന പറഞ്ഞിരുന്നു. ജി20 ഉച്ചകോടിക്കായി ചൈനീസ് പ്രസിഡന്‍റ് ഷി ജിൻപിങ് ഡൽഹിയിലേക്ക് വരുന്നുണ്ട്. സെപ്റ്റംബർ എട്ടിനാണ് അദ്ദേഹം ഡൽഹിയിലെത്തുക. പ്രധാനമന്ത്രി നരേന്ദ്ര മോദിയുമായി അതിർത്തി വിഷയത്തിൽ കൂടുതൽ ചർച്ചകളുണ്ടാകുമോയെന്ന് വരുംദിവസങ്ങളിൽ വ്യക്തമാകും.
