ദാരുണമായ റോഡപകടത്തില്‍ രണ്ട് മരണങ്ങളും രണ്ട് പരിക്കുകളും ഉണ്ടായതായി മന്ത്രാലയം സ്ഥിരീകരിച്ചു. എക്‌സ് പ്ലാറ്റ്‌ഫോമിലൂടെയാണ് (പഴയ ട്വിറ്റര്‍) ‘രഹസ്യസ്വഭാവം കാത്തുസൂക്ഷിക്കേണ്ടതുണ്ട്’ എന്ന് മന്ത്രാലയം വ്യക്തമാക്കിയത്.
കളേഴ്സ് ഓഫ് ഭാരത്: പട്ടികയിൽ ഇടം പിടിച്ച് കൊല്ലങ്കോടും; രാജ്യത്തെ സുന്ദരമായ ഗ്രാമങ്ങളിലൊന്ന്
‘അടുത്തിടെ, കുവൈറ്റിലെ ഒരു തെരുവില്‍ രണ്ട് വാഹനങ്ങള്‍ തമ്മില്‍ കൂട്ടിയിടിച്ച വീഡിയോ റെക്കോര്‍ഡിങ് സോഷ്യല്‍ മീഡിയയില്‍ പ്രചരിച്ചു. കേസ് നടപടിക്രമങ്ങളുടെ രഹസ്യസ്വഭാവം കാത്തുസൂക്ഷിക്കുന്നതിലും കേസുകളുമായി ബന്ധപ്പെട്ട എല്ലാ തെളിവുകളും സംരക്ഷിക്കുന്നതിലും അപകടത്തില്‍പെട്ട കക്ഷികളുടെ കുടുംബാംഗങ്ങളുടെ വികാരങ്ങള്‍ കണക്കിലെടുക്കുന്നതിലും വളരെ ജാഗ്രതപാലിക്കേണ്ടതുണ്ടെന്ന് ആഭ്യന്തര മന്ത്രാലയം വ്യക്തമാക്കുന്നു. അപകടത്തിന്റെ വിവരങ്ങള്‍ ചോര്‍ന്നതിനെ കുറിച്ചും അത് പ്രചരിക്കാന്‍ കാരണമായതിനെ കുറിച്ചും അന്വേഷിച്ച് ഉത്തരവാദികളായവര്‍ക്കെതിരെ എല്ലാ നടപടികളും സ്വീകരിക്കുന്നതിനുമുള്ള പ്രവര്‍ത്തനങ്ങള്‍ നടന്നുവരികയാണ്’- എന്നാണ് മന്ത്രാലയത്തിന്റെ പോസ്റ്റില്‍ പറയുന്നത്.
മദ്യലഹരിയില്‍ കാറോടിച്ച് രണ്ടുപേരുടെ മരണം: കുവൈറ്റ് ഫാഷനിസ്റ്റ് ഫാത്തിമക്കെതിരേ നെറ്റിസണ്‍സിന്റെ പ്രതിഷേധം. കസ്റ്റഡിയിലെന്ന് പോലീസ്
വ്യാഴാഴ്ച പുലര്‍ച്ചെ 3.17നാണ് ഇരുഭാഗത്തുനിന്നുമെത്തിയ രണ്ട് വാഹനങ്ങള്‍ തമ്മില്‍ കൂട്ടിയിടിച്ചതെന്ന് മന്ത്രാലയത്തിന്റെ പ്രസ്താവനയില്‍ പറയുന്നു. അപകടത്തില്‍പ്പെട്ട നാലുപേരെ ഉടന്‍ ആശുപത്രിയിലേക്ക് മാറ്റി. രണ്ടു പേര് മരണപ്പെട്ടു. പരിക്കേറ്റ രണ്ടുപേര്‍ ചികിത്സയിലാണ്.
പരിക്കേറ്റ ഡ്രൈവറും യാത്രക്കാരും ലഹരിയിലായിരുന്നുവെന്നും അമിതവേഗതയിലെത്തി ചുവന്ന ലൈറ്റ് മറികടന്നതാണ് അപകട കാരണമെന്നും കണ്ടെത്തിയതായി മന്ത്രാലയം നേരത്തെയുള്ള പ്രസ്താവനയില്‍ വെളിപ്പെടുത്തിയിരുന്നു.
നിര്‍മിതബുദ്ധി ഗള്‍ഫ് രാജ്യങ്ങളിലെ തൊഴിലവസരങ്ങളെ ബാധിക്കുമോ? തൊഴില്‍ വിപണിയിലെ മാറുന്ന പ്രവണതകള്‍ അറിയാം
പ്രതിയുടെ പേര് ആഭ്യന്തര വകുപ്പ് വെളിപ്പെടുത്തിയിട്ടില്ലെങ്കിലും കുവൈറ്റ് ഫാഷനിസ്റ്റ എന്ന പേരില്‍ അറിയപ്പെടുന്ന സൗന്ദര്യ വിദഗ്ധയും ഫാഷന്‍ മോഡലും സോഷ്യല്‍ മീഡിയ ഇന്‍ഫഌവന്‍സറുമായ ഫാത്തിമ അല്‍ മൗമെന്‍ (30) ആണ് അപകടംവരുത്തിവെച്ചതെന്ന് നേരത്തേ റിപ്പോര്‍ട്ടുകള്‍ വന്നിരുന്നു. മദ്യലഹരിയില്‍ ചുവപ്പ് സിഗ്നല്‍ മറികടന്ന് വാഹനമോടിച്ചതാണ് രണ്ടു പേരുടെ മരണത്തിനിടയാക്കിയതെന്ന വിവരങ്ങളും പുറത്തുവന്നു. നാല് പേര് സഞ്ചരിച്ചിരുന്ന മറ്റൊരു കാറില്‍ ഫാത്തിമിയുടെ കാര്‍ ഇടിച്ചുകയറുകയായിരുന്നുവെന്ന് മാധ്യമങ്ങള്‍ റിപ്പോര്‍ട്ട് ചെയ്തിരുന്നു.
എന്നാല്‍ കസ്റ്റഡിയിലെടുത്ത ഫാത്തിമയെ പോലീസ് വിട്ടയച്ചെന്ന സോഷ്യല്‍ മീഡിയ റിപ്പോര്‍ട്ടുകള്‍ വന്നതോടെ നെറ്റിസണ്‍സ് ശക്തമായ പ്രതിഷേധവുമായി രംഗത്തെത്തിയിരുന്നു. താരത്തെ അറസ്റ്റ് ചെയ്ത് നിയമം അനുശാസിക്കുന്ന ശിക്ഷ നല്‍കണമെന്ന് അവര്‍ ആവശ്യപ്പെട്ടു. ഇതോടെ അന്വേഷണ വിധേയമായി പ്രതിയെ കസ്റ്റഡിയില്‍ സൂക്ഷിച്ചിരിക്കുകയാണെന്ന് പോലീസ് വിശദീകരണം നല്‍കുകയുണ്ടായി. മദ്യപിച്ച് വാഹനമോടിക്കുക, നരഹത്യ, റെഡ് ലൈറ്റ് മറികടന്ന് വാഹനം ഓടിക്കുക എന്നീ കുറ്റങ്ങളാണ് ഫാത്തിമ നേരിടുന്നത്.
