സ്വദേശത്ത് മാത്രമല്ല, വിദേശത്തുപോയും പെണ്‍കുട്ടികള്‍ പഠിക്കേണ്ടതില്ലെന്ന നിര്‍ദേശം മറകടന്നാണ് പെണ്‍കുട്ടികള്‍ ദുബായിലെത്തിയത്. കുറഞ്ഞത് 100 സ്ത്രീ അഫ്ഗാന്‍ വിദ്യാര്‍ഥിനികളെ ദുബായിലേക്ക് കൊണ്ടുവരാന്‍ സഹായിക്കുമെന്ന് ഡിസംബറില്‍ ഖലാഫ് അല്‍ ഹബ്തൂര്‍ അറിയിച്ചിരുന്നു.
കളേഴ്സ് ഓഫ് ഭാരത്: പട്ടികയിൽ ഇടം പിടിച്ച് കൊല്ലങ്കോടും; രാജ്യത്തെ സുന്ദരമായ ഗ്രാമങ്ങളിലൊന്ന്
ഖലാഫ് അല്‍ ഹബ്തൂര്‍ യുഎഇയിലെത്തിയ മൂന്ന് അഫ്ഗാന്‍ വിദ്യാര്‍ഥിനികളെ കാണുകയും അവര്‍ക്ക് സുരക്ഷിതമായ ജീവിതവും വിദ്യാഭ്യാസവും ഉറപ്പുനല്‍കുകയും ചെയ്തു. പെണ്‍കുട്ടികളെ സ്വീകരിക്കുന്ന വീഡിയോയും സോഷ്യല്‍ മീഡിയയില്‍ പങ്കിട്ടു. യുഎഇയില്‍ അവര്‍ക്ക് വിദ്യാഭ്യാസ സ്‌കോളര്‍ഷിപ്പ് നല്‍കുമെന്ന് വ്യവസായി അറിയിച്ചു. ‘നിങ്ങളെ എന്റെ പെണ്‍മക്കളെപ്പോലെ ഞാന്‍ കരുതുന്നു’എന്ന് അദ്ദേഹം പറയുന്നതും വീഡിയോയിലുണ്ട്. യുഎഇയാണ് ലോകത്തിലെ ഏറ്റവും സുരക്ഷിതമായ രാജ്യമെന്നും രാജ്യത്തിനകത്തെ ഏറ്റവും സുരക്ഷിതമായ സ്ഥലങ്ങളിലൊന്നിലാണിതെന്നും അദ്ദേഹം പെണ്‍കുട്ടികളെ സമാധാനിപ്പിച്ചു.
‘ഇന്ന് രാവിലെ, അല്‍ ഹബ്തൂര്‍ ഗ്രൂപ്പിലെ മാനേജ്‌മെന്റ് ടീമും ഞാനും ചേര്‍ന്ന് ഡോ. ഇസ്സ അല്‍ ബസ്തകിന്റെ സാന്നിധ്യത്തില്‍ മൂന്ന് അഫ്ഗാന്‍ വിദ്യാര്‍ഥിനികളെ കണ്ടുമുട്ടി. അവര്‍ സുരക്ഷിതമായി ദുബായില്‍ എത്തിച്ചേര്‍ന്നതാണ്. ഞാന്‍ നല്‍കിയ സമഗ്രമായ സ്‌കോളര്‍ഷിപ്പ് ലഭിച്ചവരില്‍ അവരും ഉള്‍പ്പെടുന്നു. ദുബായ് യൂണിവേഴ്‌സിറ്റിയുമായി സഹകരിച്ചാണ് അവരുടെ തുടര്‍പഠനങ്ങള്‍’-അല്‍ ഹബ്തൂര്‍ എക്‌സ് പ്ലാറ്റ്‌ഫോമിലെ പോസ്റ്റില്‍ പറഞ്ഞു.
മദ്യലഹരിയില്‍ കാറോടിച്ച് രണ്ടുപേരുടെ മരണം: കുവൈറ്റ് ഫാഷനിസ്റ്റ് ഫാത്തിമക്കെതിരേ നെറ്റിസണ്‍സിന്റെ പ്രതിഷേധം. കസ്റ്റഡിയിലെന്ന് പോലീസ്
‘ലോകത്തിലെ ഏറ്റവും സുരക്ഷിതമായ രാജ്യത്തേക്ക് ഞാന്‍ അവരെ സ്വാഗതം ചെയ്തു. ഞാന്‍ പറഞ്ഞതുപോലെ, അവരുടെ പഠനം, പാര്‍പ്പിടം, ഗതാഗതം, ആരോഗ്യ ഇന്‍ഷുറന്‍സ് തുടങ്ങിയ വിപുലമായ സേവനങ്ങള്‍ നിറവേറ്റുന്നതുള്‍പ്പെടെ, അവരുടെ സുഖവും സുരക്ഷയും ഉറപ്പാക്കാനുള്ള പൂര്‍ണ ഉത്തരവാദിത്തം എനിക്കുണ്ട്. അവരുടെ സഹപാഠികളെ ഉടന്‍ ദുബായില്‍ കാണാന്‍ കഴിയുമെന്ന് ഞങ്ങള്‍ പ്രതീക്ഷിക്കുന്നു’ -അദ്ദേഹം കൂട്ടിച്ചേര്‍ത്തു.
പെണ്‍കുട്ടികള്‍ക്കായി ഏറ്റവും മികച്ച സര്‍വകലാശാലയാണ് തിരഞ്ഞെടുത്തതെന്ന് അദ്ദേഹം ചൂണ്ടിക്കാട്ടി. നിങ്ങള്‍ ഇപ്പോള്‍ ലോകത്തിലെ ഏറ്റവും സുരക്ഷിതമായ രാജ്യത്ത് ഏറ്റവും സുരക്ഷിതരായ ആളുകള്‍ക്കൊപ്പമാണ്. ജീവിതത്തിലെ അച്ചടക്കമാണ് ഏറ്റവും പ്രധാനം. നിങ്ങള്‍ മഹത്തായ ലക്ഷ്യത്തിനാണ് ഇവിടെ വന്നിരിക്കുന്നതെന്നും അദ്ദേഹം വിദ്യാര്‍ഥികളോട് പറഞ്ഞു.
നിര്‍മിതബുദ്ധി ഗള്‍ഫ് രാജ്യങ്ങളിലെ തൊഴിലവസരങ്ങളെ ബാധിക്കുമോ? തൊഴില്‍ വിപണിയിലെ മാറുന്ന പ്രവണതകള്‍ അറിയാം
ദുബായ് യൂണിവേഴ്‌സിറ്റി പ്രസിഡന്റ് ഡോ. ഇസ്സ അല്‍ ബസ്തകിയും പെണ്‍കുട്ടികളോട് സംസാരിക്കുകയും മികച്ച വിദ്യാഭ്യാസം അവര്‍ക്ക് ഉറപ്പുനല്‍കുകയും ചെയ്തു. അവസരങ്ങളുടെയും അവകാശങ്ങളുടെയും വിദ്യാഭ്യാസത്തിന്റെയും കാര്യത്തില്‍ പുരുഷന്മാരും സ്ത്രീകളും തമ്മില്‍ വ്യത്യാസമില്ലെന്നും അദ്ദേഹം അഭിപ്രായപ്പെട്ടു. പക്കൊയി ഏറ്റവും മികച്ച സര്‍വകലാശാല തിരഞ്ഞെടുത്തു.
