ഇത് തയ്യാറാക്കാൻ
ഇത് തയ്യാറാക്കാൻ നന്നായി വേവിച്ച ചോറ് മൂന്ന് ടേബിൾസ്പൂൺ എടുക്കുക. ചോറ് നിങ്ങളുടെ വീട്ടിൽ ഏതാണോ വെക്കുന്നത്, അത് നിങ്ങൾക്ക് ഉപയോഗിക്കാവുന്നതാണ്. ഇതിലയ്ക്ക് നിങ്ങൾ ഒരു സ്പൂൺ പഞ്ചസ്സാരയും അതുപോലെ രണ്ട് തുള്ളി തേനും ചേർത്ത് നന്നായി കൈ കൊണ്ട് ഞെരടി എടുക്കണം. എല്ലാം യോജിപ്പിച്ച് നല്ല ഒരു പേസ്റ്റ് രൂപത്തിൽ തയ്യാറാക്കിയെടുക്കുക. ഇത് മുഖം നന്നായി കഴുകിയതിന് ശേഷം നിങ്ങൾക്ക് മുഖത്ത് നന്നായി തേച്ച് പുരട്ടാവുന്നതാണ്.
ഇത് പുരട്ടുമ്പോൾ സാവധാനത്തിൽ വട്ടത്തിൽ മസാജ് ചെയ്ത് കൊടുക്കാൻ മറക്കരുത്. ഇത്തരത്തിൽ മസാജ് ചെയ്യുന്നത് കൂടുതൽ റിസൾട്ട് നൽകാൻ സഹായിക്കുന്നതാണ്. മുഖത്തെ രക്തയോട്ടം കൂട്ടാനും ഇങ്ങനെ മസ്സാജ് ചെയ്യുന്നത് സഹായിക്കും. ഇത് മുഖത്ത് ഇട്ടതിന് ശേഷം ഒരു 15 മിനിറ്റ് കഴിയുമ്പോൾ സാധാരണ വെള്ളത്തിൽ കഴുകി കളയുക. ഇത്തരത്തിൽ ആഴ്ച്ചയിൽ രണ്ട് തവണ വെച്ച് അടുപ്പിച്ച് ചെയ്താൽ മുഖത്ത് നിന്നും മുഖക്കുരുവും കറുത്ത പാടുകളും മാറി കിട്ടുന്നതാണ്.
ഇതിന്റെ ഗുണങ്ങൾ
മുഖക്കുരു മാറ്റാൻ മാത്രമല്ല, ചർമ്മം നല്ല ക്രിസ്റ്റൽ ക്ലിയറാക്കി നിലനിർത്താൻ ഈ ഫേയ്‌സ്പാക്ക് നിങ്ങളെ സഹായിക്കുന്നതാണ്. ഇതിൽ ചോറും പഞ്ചസ്സാരയും ചേർത്തിരിക്കുന്നതിനാൽ തന്നെ ഇത് ചർമ്മത്തെ നല്ലപോലെ ടൈറ്റാക്കി വെക്കാനും ചർമ്മത്തിന് നല്ലപോലെ യുവത്വം നൽകാനും സഹായിക്കുന്നു. അതുപോലെ, വരണ്ട ചർമ്മം മാറ്റി ചർമ്മം മോയ്‌സ്ച്വർ ചെയ്ത് നിലനിർത്താനും ഈ ഫേസ് പാക്ക് ഉപയോഗിക്കുന്നത് നല്ലതാണ്.
ഇതിൽ തേൻ ചേർത്തിരിക്കുന്നതിനാൽ തന്നെ, നിങ്ങൾക്ക് ഇനി മുഖക്കുരു വരാനുള്ള സാധ്യതയും ഇത് കുറയ്ക്കുന്നു. ഇത് കൂടാതെ, മുഖം നല്ലപോലെ സോഫ്റ്റായി ലഭിക്കുന്നതിനും മുഖത്തിന് നല്ല തിളക്കം ലഭിക്കുന്നതിനും ഈ ഫേയ്‌സ്പാക്ക് ഉപയോഗിക്കുന്നത് നല്ലതാണ്.
ചോറ് ഉണ്ടെങ്കിൽ ഫെയ്‌സ് പാക്ക് തയ്യറാക്കാം
ശ്രദ്ധിക്കേണ്ട കാര്യങ്ങൾ
നിങ്ങൾ ഇത്തരം നാച്വറൽ ഫേയ്‌സ്പാക്ക് ഉപയോഗിക്കുമ്പോൾ ആയാൽ പോലും 15 മിനിറ്റിൽ കൂടുതൽ മുഖത്ത് വെക്കാതിരിക്കാൻ ശ്രദ്ധിക്കണം. അധിക സമയം ഇരുന്നാൽ ഇത് ചർമ്മത്തിൽ ചുളിവുകൾ വീഴ്ത്തുന്നതിലേയ്ക്കും അതുപോലെ തന്നെ ചർമ്മം അമിതമായി വരണ്ട് പോകുന്നതിലേയ്ക്കും ഇത് നയിച്ചേക്കാം. അതുപോലെ തന്നെ അമിതമായി സ്‌ക്രബ് ചെയ്യാതെ ശ്രദ്ധിക്കണം. അമിതമായി സ്‌ക്രബ് ചെയ്യുന്നത് മുഖത്ത് പോറലുകൾവീഴാൻ കാരണമാകും. ഇതും ചർമ്മത്തിന്റെ ആരോഗ്യം നശിപ്പിക്കുന്നു.
അതുപോലെ മുഖം മസാജ് ചെയ്ത് കൊടുക്കുമ്പോൾ വട്ടത്തിൽ മസാജ് ചെയ്ത് നൽകുക. അകത്ത് നിന്ന് പുറത്തേയ്ക്ക് എന്ന രീതിയിൽ വേണം മസ്സാജ് ചെയ്യാൻ. അതും വളരെ മൃദുവായി. ഇത് രക്തോട്ടം വർദ്ധിപ്പിക്കാനും മുഖത്തിന് നല്ല തിളക്കം ലഭിക്കാനും സഹായിക്കും. അതുപോലെ അമിതമായി അമർത്തി മസാജ് ചെയ്യരുത്. ഇത് ചർമ്മത്തിൽ വേഗത്തിൽ ചുളിവുകൾ വീഴുന്നതിന് കാരണമാണ്.
ചില ടിപ്‌സ്
നിങ്ങൾ ഏതൊരു നാച്വറൽ ഫേയ്‌സ്പാക്ക് ഉപയോഗിക്കുന്നതിന്റെ കൂടെയും നല്ലപോലെ വെള്ളം കുടിക്കുന്നത് മുഖത്ത് നിന്നും അണുക്കളും അഴുകും ഇല്ലാതാക്കാൻ സഹായിക്കുകയും മുഖത്തിന് നല്ല തിളക്കം ലഭിക്കാൻ സഹായിക്കുകയും ചെയ്യും. മുഖത്തിന് മാത്രമല്ല, നിങ്ങളുടെ മൊത്തം ചർമ്മത്തെയും ആരോഗ്യത്തോടെ സംരക്ഷിക്കാൻ ധാരാളം വെള്ളം കുടിക്കുന്നുണ്ടെന്ന് ഉറപ്പാക്കുക. അതുപോലെ തന്നെ, നല്ല ഹെൽത്തിയായിട്ടുള്ള ആഹാരം കഴിക്കാൻ ശ്രദ്ധിക്കേണ്ടത് അനിവാര്യമാണ്. പ്രത്യേകിച്ച് നല്ലപോലെ പ്രോട്ടീൻ അടങ്ങിയ ആഹാരം കഴിക്കുന്നത് ചർമ്മ പേശികൾക്ക് നല്ലതാണ്. അതുപോലെ, നല്ല പഴം പച്ചക്കറികൾ കഴിക്കുന്നത് ചർമ്മത്തിന്റെ ആരോഗ്യം നിലനിർത്താനും ചർമ്മത്തിന് നല്ല തിളക്കം ലഭിക്കാനും നിങ്ങളെ സഹായിക്കുന്നതാണ്. അതിനാൽ, ആഹാര കാര്യത്തിൽ കുറച്ചധികം ശ്രദ്ധിക്കാം.
ചിലർക്ക് ഹോർമോൺവ്യതിയാനം മൂലം മുഖത്ത് മുഖക്കുരു പ്രത്യക്ഷപ്പെട്ടെന്ന് വരാം. ഇത്തരം പ്രശ്‌നം ഉണ്ടെങ്കിൽ ഡോക്ടറെ കാണേണ്ടത് അനിവാര്യമാണ്. ഇതിന് മരുന്ന് കഴിച്ചാൽ മാത്രമാണ് കുറവ് ഉണ്ടാവുക എന്നതും ശ്രദ്ധിക്കുക.
അഞ്ജലി എം സി നെ കുറിച്ച്
അഞ്ജലി എം സി ഡിജിറ്റൽ കണ്ടൻ്റ് പ്രൊഡ്യൂസർ
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.Read More
