‘ചന്ദ്രയാൻ ലാൻഡർ ഡിസൈൻ ചെയ്തെന്ന് അവകാശവാദം, മാധ്യമങ്ങളിൽ അഭിമുഖം’; ട്യൂഷൻ അധ്യാപകൻ അറസ്റ്റിൽ
Edited by ജിബിൻ ജോർജ് | Samayam Malayalam | Updated: 30 Aug 2023, 8:29 pm
ചന്ദ്രയാൻ മൂന്ന് വിക്രം ലാൻഡർ രൂപകൽപ്പന ചെയ്ത വ്യക്തിയാണെന്ന് അവകാശപ്പെട്ട് മാധ്യമങ്ങൾക്ക് അഭിമുഖം നൽകുകയും വ്യാജ രേഖകൾ തയ്യാറാക്കുകയും ചെയ്ത ട്യൂഷൻ അധ്യാപകൻ അറസ്റ്റിൽ
ഹൈലൈറ്റ്:
- ഐഎസ്ആർഒ ശാസ്ത്രജ്ഞനെന്ന പേരിൽ തട്ടിപ്പ്.
- വ്യാജ രേഖകളുമായി മാധ്യമങ്ങൾക്ക് അഭിമുഖം നൽകി.
- ട്യൂഷൻ അധ്യാപകൻ അറസ്റ്റിൽ.
ഓണക്കാലത്ത് റെക്കോർഡ് വിൽപ്പനയുമായി കൺസ്യൂമർഫെഡ്; നടന്നത് 106 കോടിയുടെ വിൽപ്പനതൻ്റെ ട്യൂഷൻ ക്ലാസിലെക്ക് കൂടുതൽ വിദ്യാർഥികളെ ആകർഷിക്കാനാണ് വ്യാജ രേഖകളും മറ്റും തയ്യാറാക്കി ത്രിവേദി തട്ടിപ്പ് നടത്തിയത്. ഐഎസ്ആർഒയുടെ ആന്‍ഷ്യന്‍റ് സയൻസ് ആപ്ലിക്കേഷൻ ഡിപ്പാർട്ട്‌മെന്റിലെ അസിസ്റ്റന്റ് ചെയർമാനാണെന്നാണ് ഇയാൾ പറഞ്ഞിരുന്നത്. ഐഎസ്ആർഒയുടെ മെർക്കുറി പ്രൊജക്ടിൽ അംഗമാണെന്ന് ആളുകളെ വിശ്വസിപ്പിക്കുകയും ചെയ്തു. ഐഎസ്ആർഒയുടെ പേരിലുള്ള വ്യാജ കത്തുകളും നിയമന ഉത്തരവുകളും ഉപയോഗിച്ചായിരുന്നു തട്ടിപ്പ്.
‘ലക്ഷ്യം വച്ച് ആക്രമിക്കേണ്ടതുണ്ടോ?’; നൈല ഉഷ
ചന്ദ്രയാൻ 3 ചന്ദ്രനിൽ സോഫ്റ്റ് ലാൻഡിങ് നടത്തിയ ദിവസം മാധ്യമങ്ങൾക്ക് അഭിമുഖം നൽകിയ ത്രിവേദി ‘ഞങ്ങള്‍ ചന്ദ്രനിലെത്തി, ഇത് അഭിമാന നിമിഷം’ എന്ന പ്രസ്താവന നടത്തുകയും ചെയ്തു. കൈവശമുള്ള വ്യാജ രേഖകൾ മാധ്യമ പ്രവർത്തകരെ കാണിക്കുകയും ചെയ്തിരുന്നു. മാധ്യമങ്ങൾക്ക് മുന്നിൽ ത്രിവേദി എത്തിയതോടെ പ്രസ്താവനയിൽ അന്വേഷണം വേണമെന്നാവശ്യപ്പെട്ട് പരാതി ലഭിക്കുകയായിരുന്നുവെന്ന് സൂററ്റ് അഡീഷണൽ പോലീസ് കമ്മീഷണർ ശരദ് സിംഗാൾ പറഞ്ഞു.
പോലീസ് ചോദ്യം ചെയ്തതോടെ ത്രിവേദി കുറ്റം സമ്മതിച്ചു. വ്യാജ രേഖകൾ താൻ സൃഷ്ടിച്ചതാണെന്ന് പോലീസിനോട് പറഞ്ഞു. ത്രിവേദിയുടെ കൈവശമുള്ള കത്ത് വ്യാജമാണെന്നും അത്തരമൊരു കത്ത് നൽകിയിട്ടില്ലെന്നും ഐഎസ്ആർഒ ക്രൈംബ്രാഞ്ചിനെ അറിയിച്ചു. ഐഎസ്ആർഒയുമായി ബന്ധപ്പെടുത്തി ഹാജരാക്കിയ രേഖകൾ വ്യാജമാണെന്ന് അന്വേഷണ സംഘത്തോട് ഇയാൾ പറഞ്ഞു.
വിവാഹവാർഷികത്തിൽ ഭാര്യയ്ക്ക് എകെ 47 തോക്ക് സമ്മാനം; തൃണമൂൽ മുൻ നേതാവ് വിവാദത്തിൽ, കളിത്തോക്കെന്ന് റിയാസുൽ
ബി.കോം, എം.കോം ബിരുദം ഉണ്ടെന്ന് ത്രിവേദി അവകാശപ്പെട്ടെങ്കിലും പോലീസ് സ്ഥിരീകരിച്ചിട്ടില്ല. ഐപിസി 465, 468, 471, 419 എന്നീ വകുപ്പുകൾ പ്രകാരമാണ് ത്രിവേദിക്കെതിരെ എഫ്‌ഐആർ രജിസ്റ്റർ ചെയ്തിരിക്കുന്നത്. വിശദമായ അന്വേഷണം തുടരുകയാണെന്ന് പോലീസ് അറിയിച്ചു. പ്ലസ്ടു മുതലുള്ള വിദ്യാർഥികൾക്കാണ് ത്രിവേദി ട്യൂഷൻ ക്ലാസ് എടുത്തിരുന്നത്.
Read Latest National News and Malayalam News
ജിബിൻ ജോർജ് നെ കുറിച്ച്
ജിബിൻ ജോർജ് ഡിജിറ്റൽ കണ്ടൻ്റ് പ്രൊഡ്യൂസർ
ജിബിൻ ജോർജ്. മലയാളം വിഭാഗം മാധ്യമപ്രവർത്തകൻ. 12 വർഷമായി മാധ്യമ രംഗത്ത് സജീവമായി പ്രവർത്തിക്കുന്നു. രാഷ്ട്രീയ – സാമൂഹിക വിഷയങ്ങളിൽ വാർത്തകൾ ചെയ്യുന്നു. ആദ്യഘട്ടത്തിൽ മംഗളത്തിൽ പ്രിൻ്റ് മീഡിയയിൽ ബ്യൂറോയിലും ഡെസ്ക്കിലുമായി പ്രവൃത്തിപരിചയം. 2014 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. ഓൺലൈൻ വിഭാഗത്തിൽ വെബ്ദുനിയയിൽ ആയിരുന്നു തുടക്കം. 2019ൽ ടൈംസ് ഓഫ് ഇന്ത്യയുടെ സമയം മലയാളത്തിൻ്റെ ഭാഗമായി. മംഗളം പ്രിൻ്റ് മീഡിയയുടെ ഭാഗമായ ഡിപ്ലോമ കോഴ്സ് (പഞ്ചാബ് ടെക്നിക്കൽ യൂണിവേഴ്സിറ്റി) പാസായി. ഡിഗ്രി ബി.എ പൊളിറ്റിക്കൽ സയൻസ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
