തെറ്റായ രോഗ നിർണയം, ഇടത് വൃഷ്ണം ശസ്ത്രക്രിയയിലൂടെ നീക്കം ചെയ്തു; ചികിത്സ നൽകുന്നതിൽ വീഴ്ച്ച വരുത്തിയ ഡോക്ടർ കുറ്റക്കാരനാണെന്ന് നാഷനൽ ഹെൽത്ത് റെഗുലേറ്ററി അതോറിറ്റി

ഛർദ്ദി, കടുത്ത വയറുവേദന, തുടങ്ങിയവ കാരണമാണ് കുട്ടിയെ മാതാപിതാക്കൾ ആശുപത്രിയിൽ പ്രവേശിപ്പിക്കുന്നത്. പരിശോധിച്ചതിനു ശേഷം വേദനസംഹാരി കുട്ടിക്ക് നൽകി. അതുമതിയെന്നാണ് ഡോക്ടർ ആദ്യം നിർദ്ദേശം നൽകിയത് . എന്നാൽ തൊട്ടടുത്ത ദിവസം അസഹ്യമായ വേദന അനുഭവപ്പെട്ടതിനെ തുടർന്ന് കുട്ടിയെ സൽമാനിയ മെഡിക്കൽ കോംപ്ലക്സിലെ എമർജൻസി വാർഡിലേക്ക് കൊണ്ടുപോയി. അവിടെ ഡോക്ടറുടെ നിർദ്ദേശപ്രകാരം കുട്ടിയെ ആശുപത്രിയിൽ പ്രവേശിപ്പിച്ചു. എക്സ്-റേ, മറ്റ് വിദഗ്ധ മെഡിക്കൽ നടപടിക്രമങ്ങൾ നടത്തി പരിശോധന നടത്തിയപ്പോൾ ആണ് കുട്ടിയുടെ വൃഷ്ണത്തിന് കേടുപാടുണ്ടെന്ന് ഡോകടർ പറയുന്നത്.

Also Read: പരീക്ഷയില്‍ പരാജയപ്പെട്ടതിനെ തുടര്‍ന്ന് ഹൃദയാഘാതം മൂലം വിദ്യാര്‍ത്ഥിനി മരിച്ചു; സോഷ്യൽ മീഡിയയിൽ പ്രചരിച്ച പോസ്റ്റിൽ പ്രതികരിച്ച് സ്‌കൂള്‍ അധികൃതർ
വൃഷ്ണത്തിലേക്കുള്ള രക്തത്തിൽ ചില പ്രശ്നങ്ങൾ കാണുന്നു. ഇതിനാൽ ഡോക്ടറുടെ നിർദേശം അനുസരിച്ച് ഇടത് വൃഷ്ണം ശസ്ത്രക്രിയയിലൂടെ നീക്കം ചെയ്തു. പിന്നീട് ഗുളികകൾ ആയി ഡോക്ടർ വേദനസംഹാരികൾ മാത്രം രോഗിക്ക് നൽകി. ശരിയായ പരിശോധന നടത്തി വ്യക്തമായ രോഗം കണ്ടെത്തുകയാണെങ്കിൽ ശസ്ത്രക്രിയുടെ ആവശ്യം വേണ്ടി വരില്ലെന്നാണ് കുട്ടിയുടെ പിതാവിന്റെ വാദം. മെഡിക്കൽ കോളേജിലെ വിദഗ്ധ ഡോക്ടർമാരെ കൊണ്ട് പിതാവ് കുട്ടിയെ പരിശോധന നടത്തി. ഇതിൽ നിന്നും ലഭിച്ച വിവരത്തിന്റെ അടിസ്ഥാനത്തിലാണ് കുട്ടിയുടെ പിതാവ് കേസ് കൊടുത്തിരിക്കുന്നത്. തെറ്റായ രോഗനിർണയവും രോഗിയെ കൈകാര്യം ചെയ്യുന്നതിൽ ഉണ്ടായ വീഴ്ചയും കുട്ടിയുടെ വൃഷ്ണം നീക്കം ചെയ്യുന്നതിൽ വരെയെത്തി.

നാഷനൽ ഹെൽത്ത് റെഗുലേറ്ററി അതോറിറ്റിക്ക് കുട്ടിയുടെ പിതാവാണ് പരാതി നൽകിയത്. സൽമാനിയ മെഡിക്കൽ കോംപ്ലക്സിലെ ഡോക്ടർമാരുടെ പെട്ടെന്നുള്ള ഇടപെടൽ ആണ് വലിയ വഴിതിരിവായത്. രണ്ട് വർഷത്തിലേറെ നീണ്ട അന്വേഷണത്തിനൊടുവിൽ ആണ് ഡോക്ടർക്ക് ചികിത്സയിൽ പിഴവ് സംഭിച്ചെന്ന് സ്‌ഥിരീകരിക്കുന്നത്.

Read Latest Gulf News and Malayalam News