ചിക്കന്‍ കഴിക്കാന്‍ കൊതിയുള്ളവരാണോ? എങ്കില്‍ ഇത് വായിച്ചോളൂ
Authored by അഞ്ജലി എം സി | Samayam Malayalam | Updated: 31 Aug 2023, 4:55 pm
ചിക്കന്‍ കഴിക്കാനുള്ള പ്രിയം മിക്കവര്‍ക്കും ഉണ്ട്. എന്നാല്‍, ഈ പ്രിയം അമിതമായാല്‍ ചല ആരോഗ്യ പ്രശ്‌നങ്ങള്‍ നിങ്ങളെ പിടികൂടാം. അവ എന്തെല്ലാമെന്ന് നോക്കാം.
കൊളസ്‌ട്രോള്‍
ചിക്കന്‍ അമിതമായി കഴിച്ചാല്‍ അതുപോലെ, ചിക്കന്‍ പതിവായി കഴിക്കുന്നവരാണ് നിങ്ങള്‍ എങ്കില്‍ നിങ്ങള്‍ക്ക് കൊളസ്‌ട്രോള്‍ വര്‍ദ്ധിക്കാന്‍ സാധ്യത വളരെയധികം കൂടുതലാണ്. ചിലര്‍ ചിക്കന്‍ വാങ്ങി പൊരിച്ചായിരിക്കും കഴിക്കുക. ചിലര്‍ ചിക്കന്‍ വറുത്ത് വരട്ടി കഴിക്കും. അല്ലെങ്കില്‍ സാധാ പോലെ വേവിച്ച് കഴിക്കുന്നവരും ഉണ്ട്. എന്തായാലും ചിക്കന്‍ നിങ്ങള്‍ എങ്ങിനെ കഴിക്കുന്നു എന്നതിനനുസരിച്ചാണ് ശരീരത്തില്‍ കൊളസ്‌ട്രോള്‍ വര്‍ദ്ധിക്കുന്നതും. ചിക്കനില്‍കൊഴുപ്പുണ്ട്. അത് കൂടാതെ, പൊരിച്ചും വറുത്തും കഴിക്കുമ്പോള്‍ കൊഴുപ്പിന്റെ അളവ് വര്‍ദ്ധിക്കുന്നു. ഇത് കഴിക്കുന്ന ആളുടെ ശരീരത്തില്‍ കൊഴുപ്പ് കൂട്ടുന്നതിന് ഒരു കാരണമാണ്. പ്രത്യേകിച്ച് ഇത് നമ്മളുടെ ശരീരത്തിലെ ചീത്ത കൊളസ്‌ട്രോളിന്റെ അളവ് വര്‍ദ്ധിപ്പിക്കുന്നു.
ശരീരത്തില്‍ ചീത്ത കൊളസ്‌ട്രോള്‍ വന്നാല്‍, അത് ഹൃദയത്തിന്റെ ആരോഗ്യത്തെ കാര്യമായി ബാധിക്കുന്നുണ്ട്. ഇവര്‍ക്ക് ഹൃദയാഘാതം വരാനുള്ള സാധ്യത വളരെ കൂടുതലാണ്. ഇത് മാത്രമല്ല, ചീത്ത കൊളസ്‌ട്രോള്‍ വര്‍ദ്ധിക്കുന്നത് ശരീരഭാരം വര്‍ദ്ധിക്കുന്നതിനും കാരണമാകുന്നു.
കുട്ടികളിലെ തലകറക്കം കാരണം
കുട്ടികളിലെ തലകറക്കം മാതാപിതാക്കള്‍ ശ്രദ്ധിക്കാതെ പോകരുത്
ബോഡി ഹീറ്റ് കൂട്ടുന്നു
നമ്മളുടെ ശരീരത്തില്‍ നല്ലപോലെ ചൂട് കൂട്ടുന്നതിന് ചിക്കന്റെ അമിതമായിട്ടുള്ള ഉപയോഗം കാരണമാണ്. ബോഡി ഹീറ്റ് കൂടുന്നത് തലവേദന വരുന്നതിന്, നിര്‍ജലീകരണം സംഭവിക്കുന്നതിന്, അതുപോലെ തന്നെ മുടി കൊഴിച്ചില്‍ വരുന്നതിനെല്ലാം തന്നെ കാരണമാണ്. അതുപോലെ മലബന്ധ പ്രശ്‌നങ്ങള്‍ വരാനും അമിതമായി ബോഡിഹീറ്റ് വര്‍ദ്ധിക്കുന്നത് ഒരു കാരണമാണ്. അതിനാല്‍, ചിക്കന്‍ സ്ഥിരമായി കഴിക്കാതിരിക്കുന്നതാണ് നല്ലത്.
മൂത്രാശയ അണുബാധ
നമ്മളുടെയെല്ലാം ശരീരത്തില്‍ ഉള്ള ഒരു ബാക്ടീരിയ ആണ് ഈ കോളി. എന്നാല്‍, ഇതിന്റെ അളവ് വര്‍ദ്ധിക്കുന്നത് മൂത്രാശയ അണുബാധയ്ക്ക് കാരണമാണ്. ഇത് UTI പോലെയുള്ള അസുഖങ്ങളിലേയ്ക്ക് നയിക്കുന്നുണ്ട്. അമേരിക്കന്‍ സോസൈറ്റി ഫോര്‍ മൈക്രോബയോളജി ജേണല്‍ പ്രസിദ്ധീകരിച്ച ഒരു പഠനം പ്രകാരം മാംസ വിഭവങ്ങളില്‍ 80 ശതമാനം ഈ കോളി ബാക്ടീരിയയുടെ സാന്നിധ്യം ഉണ്ട്. ഇത് നമ്മള്‍ കഴിക്കുമ്പോള്‍ നമ്മളുടെ ശരീരത്തില്‍ ഇതിന്റെ ളവ് വര്‍ദ്ധിക്കുന്നു. ഇത് മൂത്രാശയ അണുബാധയക്ക് കാരണമാണ്. അതിനാല്‍ ചിക്കന്‍ കഴിക്രുമ്പോള്‍ നാടന്‍ കോഴി കഴിക്കുന്നത് കുറച്ചും കൂടെ നല്ലതായിരിക്കും. അല്ലെങ്കില്‍ ആന്റിബയോട്ടിക്‌സ് നല്‍കാത്ത കോഴികളെ കഴിക്കാന്‍ തിരഞ്ഞെടുക്കുന്നതാണ് നല്ലത്.
കോഴി കഴിക്കേണ്ട രീതി
ജിമ്മില്‍ പോയി മസില്‍ ബില്‍ഡിംഗ് നടത്തുന്നവര്‍ അല്ലെങ്കില്‍ കായികപരമായി ജോലിയില്‍ ഏര്‍പ്പെടുന്നവര്‍ ചിക്കന്‍ പതിവായി കഴിച്ചെന്ന് വരാം. എന്നാല്‍ ഇത്തരത്തില്‍ പതിവായി ചിക്കന്‍ കഴിക്കുമ്പോള്‍ ഇവയില്‍ അമിതമായി കൊഴുപ്പുള്ള എണ്ണ ചേര്‍ക്കാതിരിക്കാന്‍ ശ്രദ്ധിക്കാവുന്നതാണ്. അതുപോലെ വെറുതേ ഉപ്പും മഞ്ഞള്‍പ്പൊടിയും കുരുമുളകും ചേര്‍ത്ത് കഴിക്കാന്‍ സാധിക്കുകയാണെങ്കില്‍ അത് നല്ലതാണ്. അല്ലെങ്കില്‍ നല്ല സാലഡ് തയ്യാറാക്കി അതിന്റെ കൂടെ നിങ്ങള്‍ക്ക് ചിക്കന്‍ ചേര്‍ത്ത് കഴിക്കാവുന്നതാണ്.
ചിക്കന്‍ കഴിച്ചിട്ടുള്ള ശാരീരിക ബുദ്ധിമുട്ടുകള്‍ കുറയ്ക്കാന്‍ പച്ചക്കറികള്‍ പഴങ്ങള്‍ എന്നിവ നന്നായി കഴിക്കാവുന്നതാണ്. അതുപോലെ തന്നെ നന്നായി വെള്ളം കുടിക്കാനും മറക്കരുത്. എന്നാല്‍ മാത്രമാണ് ശരീരത്തിലെ ചൂട് കുറയ്ക്കാന്‍ സാധിക്കുക. ചിലര്‍ക്ക് ചിക്കന്‍ കഴിച്ചാല്‍ മലബന്ധ പ്രശ്‌നങ്ങള്‍ വരുന്നത് കാണാം. ഇത് കുറയ്ക്കാന്‍ നന്നായി വെള്ളം കുടിക്കുന്നതും പച്ചക്കറികള്‍ കഴിക്കുന്നതും നല്ലതാണ്. അതുപോലെ സ്ഥിരമായി ചിക്കന്‍ കഴിക്കാതിരിക്കാനും ശ്രദ്ധിക്കുക. ഇടയ്ക്ക് മാത്രം കഴിക്കുക.
അഞ്ജലി എം സി നെ കുറിച്ച്
അഞ്ജലി എം സി ഡിജിറ്റൽ കണ്ടൻ്റ് പ്രൊഡ്യൂസർ
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
