​പതിവായി വെളിച്ചെണ്ണ തേച്ച് കുളിച്ചാലുള്ള ഗുണം​

​ചര്‍മ്മ സംരക്ഷണം​

ചര്‍മ്മത്തില്‍ അണുക്കള്‍ കയറിയാലും അത് നമ്മളുടെ ചര്‍മ്മത്തിന്റെ ആരോഗ്യത്തെ കാര്യമായി തന്നെ ബാധിക്കുന്നുണ്ട്. ചിലപ്പോള്‍ ചര്‍മ്മത്തില്‍ കുരുക്കള്‍ പൊന്താനും അതുപോലെ തന്നെ ചര്‍മ്മത്തില്‍ ഫംഗല്‍ ഇന്‍ഫക്ഷന്‍ വരാനുമെല്ലാം സാധ്യതകള്‍ വളരെ കൂടുതലാണ്. എന്നാല്‍, ഇവ ഇല്ലാതിരിക്കാന്‍ വെളിച്ചെണ്ണ വളരെയധികം സഹായിക്കുന്നുണ്ട്. വെളിച്ചെണ്ണയില്‍ അടങ്ങിയിരിക്കുന്ന ഫാറ്റി ആസിഡ് ചര്‍മ്മം നല്ല ആരോഗ്യത്തോടെ ഇരിക്കുന്നതിന് സഹായിക്കുന്നു. മുഖക്കുരു വരാതിരിക്കാനും ചര്‍മ്മത്തില്‍ അലര്‍ജികള്‍ വരുന്നത് കുറയ്ക്കാനും സഹായിക്കുന്നുണ്ട്.

കണ്ണിനടിയിലെ കറുപ്പകറ്റാന്‍

​

​

​മോയ്‌സ്ച്വര്‍ ചെയ്യുന്നു​

ചര്‍മ്മം അത്യാവശ്യം മോസ്ച്വര്‍ ചെയ്ത് നിന്നാല്‍ മാത്രമാണ് മുഖം വരണ്ട് പോകാതിരിക്കുക. അതുപോലെ ചര്‍മ്മത്തില്‍ വേഗത്തില്‍ ചുളിവുകള്‍ വീഴാതിരിക്കാനും ചര്‍മ്മത്തിന് നല്ല തിളക്കവും ഭംഗിയും ലഭിക്കണമെങ്കില്‍ ചര്‍മ്മം മോയ്‌സ്ച്വറൈസ് ചെയ്യേണ്ടത് അനിവാര്യമാണ്. ഇതിന് വെളിച്ചെണ്ണ നല്ലതാണ്. ചിലര്‍ രാത്രിയില്‍ മുഖത്ത് വെളിച്ചെണ്ണ പുരട്ടി മസാജ് ചെയ്യുന്നത് കാമാം. അതുപോലെ തന്നെ കുളിക്കുന്നതിന് മുന്‍പ് വെളിച്ചെണ്ണ മുഖത്ത് പുരട്ടി ഒന്ന് മസാജ് ചെയ്യുന്നത് ചര്‍മ്മം മോയ്‌സ്ച്വറൈസ് ചെയ്ത് നിലനില്‍ക്കാന്‍ സഹായിക്കുന്നതാണ്.

​യുവത്വം​

ചര്‍മ്മത്തിന് നല്ല യുവത്വം നല്‍കാനും ചര്‍മ്മത്തിലെ ചുളിവുകള്‍ മാറ്റി കൊളാജീന്‍ ഉല്‍പാദനം വര്‍ദ്ധിപ്പിക്കാനും വെളിച്ചെണ്ണ നല്ലതാണ്. അതുപോലെ തന്നെ വെളിച്ചെണ്ണ തേച്ച് കുളിക്കുന്നത് ചര്‍മ്മ പ്രശ്‌നങ്ങള്‍ കുറയ്ക്കാനും അതുപോലെ തന്നെ ചര്‍മ്മത്തില്‍ ഉണ്ടാകുന്ന കരുവാളിപ്പ് ഇല്ലാതാക്കാനും വെളിച്ചെണ്ണ തേച്ച്് കുളികുന്നത് സഹായിക്കുന്നുണ്ട്. ചര്‍മ്മത്തിന് നല്ല തുടിപ്പും നല്ല ക്ലിയര്‍ സ്‌കിന്‍ ലഭിക്കാനും വെളിച്ചെണ്ണ സഹായിക്കുന്നു. അതുപോലെ തന്നെ നല്ല ഈവണ്‍ ടോണ്‍ ലഭിക്കാനും ശരീരത്തില്‍ പല നിറങ്ങള്‍ ഇല്ലാതെ എല്ലാം ഒരേ നിറമാകാനും വെളിച്ചെണ്ണ നല്ലതാണ്.

​ഉപയോഗിക്കേണ്ട വിധം​

എന്നും കുളിക്കാന്‍ പോകുന്നതിന് മുന്‍പ് ദേഹത്തും മുഖത്തും വെളിച്ചെണ്ണ നന്നായി തേച്ച് പിടിപ്പിച്ച് ഒന്ന് മസാജ് ചെയ്ത് കൊടുത്ത് കുളിക്കുന്നത് നല്ലതാണ്. ചെറുചൂടുവെള്ളത്തില്‍ കുളിക്കുന്നത് കുറച്ചും കൂടെ നല്ലതായിരിക്കും. അതുമല്ലെങ്കില്‍ രാത്രിയില്‍ കിടക്കുന്നതിന് മുന്‍പ് മുഖത്ത് കുറച്ച് വെളിച്ചെണ്ണ തേച്ച് മസാജ് ചെയ്ത് കൊടുക്കുന്നത് നല്ലതാണ്. ഇതും സത്യത്തില്‍ ചര്‍മ്മം നല്ല സോഫ്റ്റാകാനും ചര്‍മ്മത്തില്‍ നിന്നും പാടുകള്‍ നീക്കം ചെയ്ത് ക്ലീനാക്കി എടുക്കാനും സഹായിക്കുന്നതാണ്.

​ശ്രദ്ധിക്കേണ്ട കാര്യങ്ങള്‍​

ചിലര്‍ക്ക് ചര്‍മ്മം നല്ല ഓയ്‌ലി ആയിരിക്കും. ഇത്തരത്തില്‍ നല്ലപോലെ ഓയ്്ലി സ്‌കിന്‍ ഉള്ളവര്‍ അമിതമായി വെളിച്ചെണ്ണ ഉപയോഗിക്കാതിരിക്കാന്‍ ശ്രദ്ധിക്കുക. അതുപോലെ, ഇവര്‍ ചെറിയ അളവില്‍ വെളിച്ചെണ്ണ എടുത്ത് മുഖത്ത് പുരട്ടി മസാജ് ചെയ്ത് കുറച്ച് സമയം കഴിഞ്ഞ് ഇത് കഴുകി കളയാവുന്നതാണ്. കഴുകാന്‍ നാച്വറല്‍ പ്രോഡക്ട്‌സ് ഉപയോഗിക്കുന്നത് നല്ലതാണ്.

അതുപോലെ മുഖത്ത് നിന്നും എണ്ണമയം കളയാന്‍ ഒരിക്കലും മറക്കരുത്. അമിതമായി എണ്ണമയം ഉള്ളത് മുഖത്ത് കുരുക്കള്‍ പൊന്താന്‍ കാരണമാകുന്നു. നല്ല ശുദ്ധമായ വെളിച്ചെണ്ണ തന്നെ എല്ലായ്‌പ്പോഴും ഉപയോഗിക്കാന്‍ ശ്രദ്ധിക്കുന്നതാണ് നല്ലത്. ഇത് നിങ്ങള്‍ക്ക് വീട്ടില്‍ തന്നെ തേങ്ങാപ്പാല്‍ വേവിച്ച് തയ്യാറാക്കി എടുക്കാവുന്നതാണ്. ഇത്തരത്തില്‍ തയ്യാറാക്കിയ എണ്ണ ഉപയോഗിച്ചാല്‍ കൂടുതല്‍ ഫലം ലഭിക്കും.