Samayam Malayalam | Updated: 31 Aug 2023, 5:31 pm
പൊതുജനാരോഗ്യവുമായി ബന്ധപ്പെടുന്ന ഇത്തരം ജോലികളില്‍ ഏര്‍പ്പെട്ടിരിക്കുന്ന തൊഴിലാളികള്‍ക്ക് സാധുതയുള്ള ആരോഗ്യ സര്‍ട്ടിഫിക്കറ്റുകള്‍ ഉണ്ടെന്ന് ഉറപ്പുവരുത്തുന്നതിനും കച്ചവട സ്ഥാപനങ്ങള്‍, റോഡുകള്‍ തുടങ്ങിയ പൊതുഇടങ്ങളില്‍ ശുചിത്വം ഉറപ്പാക്കുന്നതിനുമാണ് ഈ പിഴകള്‍ ലക്ഷ്യമിടുന്നതെന്ന് മുനിസിപ്പല്‍ മന്ത്രാലയം അറിയിച്ചു.
ഹൈലൈറ്റ്:
- ഹോട്ടലില്‍ വൃത്തിയില്ലെങ്കില്‍ 4,000 റിയാല്‍ വരെ പിഴ ഈടാക്കും
- 18 വയസ്സിന് താഴെയുള്ളവര്‍ക്ക് സിഗരറ്റ് നല്‍കിയാല്‍ 5,000 റിയാല്‍ വരെ പിഴ
- നിര്‍മാണ കരാറുകാരുടെ നിയമലംഘനങ്ങള്‍ക്ക് 50,000 റിയാല്‍ വരെ പിഴ ചുമത്താം
- ലൈസന്‍സില്ലാതെ കച്ചവടം ചെയ്താല്‍ 50,000 റിയാല്‍ വരെ പിഴ
പൊതുജനാരോഗ്യവുമായി ബന്ധപ്പെടുന്ന ഇത്തരം ജോലികളില്‍ ഏര്‍പ്പെട്ടിരിക്കുന്ന തൊഴിലാളികള്‍ക്ക് സാധുതയുള്ള ആരോഗ്യ സര്‍ട്ടിഫിക്കറ്റുകള്‍ ഉണ്ടെന്ന് ഉറപ്പുവരുത്തുന്നതിനും കച്ചവട സ്ഥാപനങ്ങള്‍, റോഡുകള്‍ തുടങ്ങിയ പൊതുഇടങ്ങളില്‍ ശുചിത്വം ഉറപ്പാക്കുന്നതിനുമാണ് ഈ പിഴകള്‍ ലക്ഷ്യമിടുന്നതെന്ന് മുനിസിപ്പല്‍ മന്ത്രാലയം അറിയിച്ചു.
പുതിയ നിയന്ത്രണത്തില്‍ നിന്നുള്ള പ്രധാന പോയിന്റുകള്‍ ചുവടെ:
Toshakhana Case Details: ഇമ്രാനെ ജയിലിലേക്കയച്ച തോഷഖാന കേസ് എന്താണ്
റെസ്റ്റോറന്റുകളിലെയും സമാനമായ മറ്റ് സ്ഥാപനങ്ങളിലെയും ശുചിത്വം
- മൂക്കില്‍ വിരലിടുകയോ തുപ്പുകയോ വായില്‍ സ്പര്‍ശിക്കുകയോ വ്യക്തിശുചിത്വം പാലിക്കാതിരിക്കുകയോ ചെയ്താല്‍ പിടിക്കപ്പെടുന്ന ജീവനക്കാരില്‍ നിന്ന് 400 മുതല്‍ 2000 റിയാല്‍ വരെ പിഴ ഈടാക്കും.
- അസുഖം, മുറിവുകള്‍ അല്ലെങ്കില്‍ പൊള്ളിയതുപോലുള്ള കുമിളകള്‍ എന്നിവയുള്ളപ്പോള്‍ ജോലിചെയ്താലും 400 മുതല്‍ 2,000 റിയാല്‍ വരെ പിഴ ചുമത്തും.
- ആരോഗ്യ സര്‍ട്ടിഫിക്കറ്റ് ഇല്ലാതെയോ കാലഹരണപ്പെട്ട ആരോഗ്യ സര്‍ട്ടിഫിക്കറ്റുമായോ തൊഴിലാളി ജോലി ചെയ്താല്‍ 200 മുതല്‍ 2,000 റിയാല്‍ വരെ പിഴ ഈടാക്കും.
- ടോയ്‌ലറ്റുകളിലെ ശുചിത്വ നിലവാരം, കീടങ്ങളുടെ സാന്നിധ്യം, വൃത്തിഹീനമായ ഉപകരണങ്ങള്‍, അണുവിമുക്തമാക്കാത്ത ഉപകരണങ്ങള്‍ എന്നിവയ്ക്കും 200 മുതല്‍ 4,000 റിയാല്‍ വരെയാണ് പിഴ.
യുഎഇയിലെത്തുന്ന ഇന്ത്യക്കാര്‍ക്ക് 14 ദിവസത്തെ വിസ എങ്ങനെ ലഭിക്കും? വിസ കാലാവധി നീട്ടാനുള്ള മാര്‍ഗങ്ങളും ഫീസ് ഘടനയും അറിയാം
ലൈസന്‍സും ബിസിനസ് നിയന്ത്രണങ്ങളും
- മുനിസിപ്പല്‍ ലൈസന്‍സ് ലഭിക്കാതെ കച്ചവടം ചെയ്താല്‍ 10,000 മുതല്‍ 50,000 റിയാല്‍ വരെ പിഴ ഈടാക്കാം.
- ലൈസന്‍സില്‍ വ്യവസ്ഥ ചെയ്തതിനു പുറത്തുള്ള വ്യാപാര പ്രവര്‍ത്തനങ്ങള്‍ക്ക് 400 മുതല്‍ 5,000 റിയാല്‍ വരെയാണ് പിഴ.
പൊതുസ്ഥലങ്ങളിലെ നിര്‍മാണ കരാറുകാരുടെ ലംഘനങ്ങള്‍
- കുഴിയെടുക്കല്‍ (ഡ്രില്ലിങ്), മാലിന്യനിര്‍മാര്‍ജനം, പൊതുസ്വത്ത് എന്നിവയുമായി ബന്ധപ്പെട്ട നിയന്ത്രണങ്ങള്‍ പാലിക്കുന്നതില്‍ പരാജയപ്പെടുന്ന കരാറുകാര്‍ക്ക് കുറ്റകൃത്യത്തിന്റെ തീവ്രതയനുസരിച്ച് 200 മുതല്‍ 50,000 റിയാല്‍ വരെ പിഴ ചുമത്താം.
കെട്ടിട നിര്‍മാണ ലംഘനങ്ങള്‍
- ലൈസന്‍സില്ലാതെ നിര്‍മാണം ആരംഭിക്കുകയോ പൊളിക്കുകയോ ചെയ്യുകയോ ബില്‍ഡിങ് പെര്‍മിറ്റ് പരിധി അവസാനിക്കുകയോ ചെയ്താല്‍ 50,000 റിയാല്‍ വരെ പിഴ ഈടാക്കാം.
അംബരചുംബികള്‍ മാത്രമല്ല, മാന്ത്രികചെപ്പിലൊളിപ്പിച്ച വിസ്മയങ്ങള്‍ നിരവധി; ദുബായില്‍ മാത്രം അനുഭവിക്കാന്‍ കഴിയുന്ന അഞ്ച് കാര്യങ്ങള്‍
പെട്രോള്‍ പമ്പുകളും പെട്രോളിയം നിയമലംഘനങ്ങളും
- മാനദണ്ഡങ്ങള്‍ പാലിക്കാത്തതോ മായംകലര്‍ത്തിയതോ ആയ ഇന്ധനങ്ങള്‍ വില്‍ക്കുകയാണെങ്കില്‍ 1,000 മുതല്‍ 10,000 റിയാല്‍ വരെ പിഴ ഈടാക്കാം.
പുകയില വില്‍പ്പന ലംഘനങ്ങള്‍
- 18 വയസ്സിന് താഴെയുള്ള വ്യക്തികള്‍ക്ക് പുകയില ഉല്‍പന്നങ്ങള്‍ നല്‍കുകയോ ലൈസന്‍സില്ലാതെ ഈ ഉല്‍പന്നങ്ങള്‍ വില്‍ക്കുകയോ ചെയ്താല്‍ 1,000 മുതല്‍ 5,000 റിയാല്‍ വരെയാണ് പിഴ.
മെഡിക്കല്‍ സൗകര്യങ്ങളും ആരോഗ്യപ്രവര്‍ത്തകരും
- ആരോഗ്യ മാനദണ്ഡങ്ങള്‍ ലംഘിക്കുകയോ മെഡിക്കല്‍ മാലിന്യങ്ങള്‍ തെറ്റായി കൈകാര്യം ചെയ്യുകയോ മെഡിക്കല്‍ ഉപകരണങ്ങള്‍ ദുരുപയോഗം ചെയ്യുകയോ ചെയ്താല്‍ 2,000 മുതല്‍ 50,000 റിയാല്‍ വരെ കനത്ത പിഴ ഈടാക്കാം.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
