റോസ് വാട്ടര്‍ തയ്യാറാക്കുന്ന രീതി
നല്ല ഫ്രഷ് ആയിട്ടുള്ളതും നല്ല മണമുള്ളതുമായ റോസാപ്പൂക്കളാണ് റോസ് വാട്ടര്‍ തയ്യാറാക്കാനായി എല്ലായ്‌പ്പോഴും തിരഞ്ഞെടുക്കുക. ഇത് അല്ലികള്‍ അടര്‍ത്തി മാറ്റി നല്ല തിളച്ച വെള്ളത്തില്‍ ഈ റാേസ് ഇതളുകള്‍ ചേര്‍ത്ത് വെള്ളത്തിലേയ്ക്ക് റോസിന്റെ നീര് മൊത്തം ചേരുന്നത് വരെ തിളപ്പിക്കുന്നു. പിന്നീട് അരിച്ച് മാറ്റി ചൂടാറിയതിന് ശേഷം കുപ്പികളിലാക്കി ഉപയോഗിക്കുന്നതാണ് റോസ് വാട്ടര്‍. ഇത് നമ്മള്‍ക്ക് വീടുകളില്‍ തന്നെ തയ്യാറാക്കി എടുക്കാവുന്നതാണ്. നല്ല നാടന്‍ റോസ് ലഭിക്കുകയാണെങ്കില്‍ അതിന് ഗുണവും അതുപോലെ തന്നെ മണവും ഉണ്ടായിരിക്കും.
ചുണ്ടുകള്‍ ഭംഗിയുള്ളതാക്കാന്‍
ചുണ്ടുകൾക്ക് നിറം നൽകും ഈ നാച്വറൽ ലിപ് മാസ്ക്
വ്യാജനെ തിരിച്ചറിയാന്‍
ഇന്ന് പലപേരുകളില്‍ പല കമ്പിനികള്‍ റോസ് വാട്ടര്‍ വിപണിയില്‍ ത്തെിക്കുന്നുണ്ട്. ചിലര്‍ റോസ് മണം ചേര്‍ത്ത വെള്ളം റോസ് വാട്ടര്‍ എന്ന പേരില്‍ വില്‍ക്കുന്നുണ്ട്. അതുപോലെ ചില റോസ് വാട്ടറിന്റെ നിറത്തില്‍ ചില വയത്യാസം കാണാം. എന്തായാലും റോസ് വാട്ടര്‍ യഥാര്‍ത്ഥത്തില്‍ എന്താണ് എന്ന് മനസ്സിലാക്കാന്‍ താഴെ പറയുന്ന കാര്യങ്ങള്‍ ഒന്ന് ചെയ്ത് നോക്കാം.
ആദ്യം തന്നെ നിങ്ങള്‍ കടയില്‍ ചെന്ന് റോസ് വാട്ടര്‍ നോക്കുമ്പോള്‍ അതിന്റെ നിറം നല്ല പച്ചവെള്ളം പോലെയാണോ എന്ന് പരിശോധിക്കുക. റോസ് വാട്ടര്‍ എല്ലായ്‌പ്പോഴും നല്ല സുതാര്യമായ നിറത്തിലാണ് കാണപ്പെടുക. അതുപോലെ റോസ് വാട്ടര്‍ കുപ്പി ഒന്ന് കുലുക്കി നോക്കുക. നല്ലപോലെ പതഞ്ഞ് വരുന്നുണ്ടെങ്കില്‍ അത് ശുദ്ധമായ റോസ് വാട്ടര്‍ അല്ല എന്നാണ് അര്‍ത്ഥം.
റോസ് വാട്ടറിന് നല്ല റോസാപ്പൂവിന്റെ മണം ഉണ്ടായിരിക്കും. പക്ഷേ, മിതമായ അളവില്‍ മാത്രമാണ് ഈ ഗന്ധം ഉണ്ടാവുക. എന്നാല്‍, കെമിക്കലി നിര്‍മ്മിച്ച റോസ് വാട്ടറിന് നല്ല മണം ഉണ്ടായിരിക്കും. പ്രത്യേകിച്ച് ഒരു പെര്‍ഫ്യൂം അടിക്കുമ്പോള്‍ ഉണ്ടാകുന്ന മണം പോലെ ഇതിന്റെ മണം നിങ്ങള്‍ക്ക് അനുഭവിക്കാം. അതിനാല്‍, അമിതമായി റോസ് മണം ഉള്ളവ വിശ്വസിച്ച് വാങ്ങാതിരിക്കാന്‍ ശ്രദ്ധിക്കാം.
അലര്‍ജി
നിങ്ങള്‍ക്ക് റോസ് വാട്ടര്‍ ഉപയോഗിക്കുമ്പോള്‍ ചര്‍മ്മത്തില്‍ ചൊറിച്ചില്‍ വരിക, അതുപോലെ, എന്തെങ്കിലും തരത്തില്‍ അസ്വസ്ഥതകള്‍ അനുഭവപ്പെടുന്നുണ്ടെങ്കില്‍ അത് കെമിക്കല്‍സ് ചേര്‍ത്ത റോസ് വാട്ടര്‍ ആണെന്ന് മനസ്സിലാക്കണം. നല്ല ശുദ്ധമായ റോസ് വാട്ടര്‍ ഒരിക്കലും അലര്‍ജി പ്രശ്‌നങ്ങള്‍ ഉണ്ടാക്കുകയില്ല. നമ്മളുടെ ചര്‍മ്മത്തെ കാത്ത് പരിപാലിക്കുകയാണ് ചെയ്യുക.
റോസ് വാട്ടര്‍ ഉപയോഗിച്ചാലുള്ള ഗുണം
റോസ് വാട്ടര്‍ സൗന്ദര്യ സംരക്ഷണത്തിന് വളരെ ഫലപ്രദമായ ഒരു ഉല്‍പ്പന്നമാണ്. ഇത് ചര്‍മ്മത്തെ ഹൈഡ്രേറ്റ് ചെയ്യാനും, അണുബാധയില്‍ നിന്ന് സംരക്ഷിക്കാനും, ചര്‍മ്മത്തിന്റെ പ്രായമാകല്‍ പ്രക്രിയ മന്ദഗതിയിലാക്കാനും സഹായിക്കുന്നു. റോസ് വാട്ടറില്‍ ജലം ധാരാളം അടങ്ങിയിട്ടുണ്ട്. ഇത് ചര്‍മ്മത്തെ ഹൈഡ്രേറ്റ് ചെയ്യാന്‍ സഹായിക്കുന്നു. അതുപോലെ ചര്‍മ്മം വരണ്ടതാകാതിരിക്കാനും, ചുളിവുകള്‍ വരാതിരിക്കാനും ഇത് വളരെയധികം സഹായിക്കുന്നു. റോസ് വാട്ടറില്‍ ആന്റി ബാക്ടീരിയല്‍, ആന്റി ഫംഗല്‍ ഗുണങ്ങളുണ്ട്. ഇത് ചര്‍മ്മത്തെ അണുബാധയില്‍ നിന്ന് സംരക്ഷിക്കാന്‍ സഹായിക്കുന്നു. ഇവ കൂടാതെ, മുഖക്കുരു, ചര്‍മ്മ പ്രശ്‌നങ്ങള്‍ എന്നിവയെ പ്രതിരോധിക്കാന്‍ ഇത് നല്ലതാണ്.
ആന്റി ഓക്സിഡന്റുകളാല്‍ സമ്പന്നമാണ് റോസ വാട്ടര്‍. ഇവ ചര്‍മ്മത്തെ ഫ്രീ റാഡിക്കലുകളില്‍ നിന്നും സംരക്ഷിക്കുകയും അതുപോലെ, കൊളാജീന്‍ ഉല്‍പാദനം ത്വരിതപ്പെടുത്തി ചര്‍മ്മത്തില്‍ ചുളിവുകള്‍ വീഴാതെ സംരക്ഷിക്കുകയും ചെയ്യുന്നു. ഇത് ചര്‍മ്മത്തിന് നല്ല യുവത്വം നല്‍കാന്‍ സഹായിക്കുന്നുണ്ട്. അതുപോലെ തന്നെ റോസ് വാട്ടര്‍ പതിവാക്കുന്നത് കറുത്ത പാടുകള്‍ അകറ്റാനും ചര്‍മ്മത്തിന്റെ നിറം മെച്ചപ്പെടുത്താനും സഹായിക്കുന്നു.
റോസ് വാട്ടറില്‍ ആന്റി ബാക്ടീരിയല്‍ ഗുണങ്ങളുള്ളതിനാല്‍ തന്നെ മുഖക്കുരു വരാതിരിക്കാനും ഇത് സഹായിക്കുന്നുണ്ട്.
ചര്‍മ്മ പരിപാലനത്തിന് റോസ് വാട്ടര്‍ എങ്ങിനെ ഉപയോഗിക്കാം
റോസ് വാട്ടര്‍ ഉപയോഗിച്ച് മുഖം കഴുകുന്നത് ചര്‍മ്മത്തെ ഹൈഡ്രേറ്റ് ചെയ്യുകയും, അണുബാധയില്‍ നിന്ന് സംരക്ഷിക്കുകയും ചെയ്യും. അതുപോലെ റോസ് വാട്ടര്‍ നിങ്ങള്‍ക്ക് നല്ലൊരു ടോണര്‍ ആയി ഉപയോഗിക്കാവുന്നതാണ്. ഇത് മുഖത്തെ അഴുക്കും എണ്ണയും നീക്കം ചെയ്യാന്‍ സഹായിക്കുന്നു.
റോസ് വാട്ടര്‍ മേക്കപ്പ് റീമൂവറായി ഉപയോഗിക്കാം. ഇത് മേക്കപ്പ് എളുപ്പത്തില്‍ നീക്കം ചെയ്യാന്‍ നല്ലതാണ്. റോസ് വാട്ടര്‍ ചേര്‍ത്ത മാസ്‌ക്കുകള്‍ ചര്‍മ്മത്തെ പോഷിപ്പിക്കാനും, തിളക്കം നല്‍കാനും സഹായിക്കുന്നുണ്ട്. അതിനാല്‍ റോസ് വാട്ടര്‍ ഫേയ്‌സ്മാസ്‌ക്ക് ഉപയോഗിക്കാം. അതുപോലെ റോസ് വാട്ടര്‍ ചേര്‍ത്ത മോയിസ്ചറൈസറുകള്‍ ചര്‍മ്മത്തെ ദീര്‍ഘനേരം ഹൈഡ്രേറ്റ് ചെയ്യാന്‍ സഹായിക്കുന്നു. അതിനാല്‍, ഇത് നല്ലൊരു മോയ്‌സ്ച്വറൈസര്‍ ആണെന്നും പറയാം.
അഞ്ജലി എം സി നെ കുറിച്ച്
അഞ്ജലി എം സി ഡിജിറ്റൽ കണ്ടൻ്റ് പ്രൊഡ്യൂസർ
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.Read More
