കരുവാളിപ്പ് മാറ്റിയെടുക്കാം ഈ വീട്ടു വൈദ്യത്തിലൂടെ
കാല്‍പാദങ്ങള്‍ വരണ്ട് പോകുന്നതിന് പിന്നില്‍
നമ്മളുടെ ശരീരത്തില്‍ മോയ്‌സ്ച്വര്‍ കണ്ടന്റ് കുറയുന്നതിനനുസരിച്ചാണ് കാല്‍പാങ്ങളിലായാലും ശരീരത്തിലും വരള്‍ച്ച കൂടുന്നത്. അതുപോലെ, ചര്‍മ്മം വരണ്ട്, കൃത്യമായി പരിപാലിക്കാതെ വരുമ്പോള്‍ മൃതകോശങ്ങള്‍ അടിഞ്ഞ് കൂടുകയും, കാല്‍പാദത്തിന് കട്ടി വെക്കുകയും ചെയ്യുന്നത് കാണാം. ചിലരില്‍ കാല്‍ വരണ്ട്, മൊരി വരിക, കാല്‍പാദങ്ങളില്‍ വിള്ളല്‍ എന്നീ പ്രശ്‌നങ്ങളും കണ്ട് വരുന്നുണ്ട്. ഇതെല്ലാം തന്നെ മോയ്‌സ്ചര്‍ കണ്ടന്റ് കുറയുന്നതിന്റേയും നിര്‍ജലീകരണത്തിന്റേയും ലക്ഷണങ്ങളാണ്.
ഇവ കൂടാതെ, ചില ചര്‍മ്മ പ്രശ്‌നങ്ങള്‍ ഉള്ളവരിലും അതുപോലെ തന്നെ ചൂട് വെള്ളത്തില്‍ പതിവായി കുളിക്കുന്നവരിലും ഇത്തരത്തില്‍ വരണ്ട ചര്‍മ്മം കണ്ട് വരാറുണ്ട്. അതുപോലെ, പ്രായമാകുന്നതിനനുസരിച്ചും നമ്മള്‍ ധരിക്കുന്ന ചെരിപ്പ് മെറ്റീരിയല്‍ ചര്‍മ്മത്തിന് ചേരാത്തത് ആണെങ്കിലും കാലാവസ്ഥാ വ്യതിയാനവുമെല്ലാം തന്നെ ചര്‍മ്മത്തെ വരണ്ടതാക്കുന്നു.
കാലിലെ വരള്‍ച്ചയും തഴമ്പും മാറ്റാന്‍
കാലിലെ വരള്‍ച്ചയും തഴമ്പും കുറയ്ക്കാന്‍ നിങ്ങള്‍ക്ക് വീട്ടില്‍ തന്നെ ചെയ്യാവുന്നതും ഏറ്റവും ഫലപ്രദമായ മാര്‍ഗ്ഗവുമാണ് പരിചയപ്പെടുത്തുന്നത്. ഇതിനായി നിങ്ങള്‍ക്ക് റോസ് വാട്ടറും ഗ്ലിസറിനും തുല്ല്യ അളവില്‍ എടുത്ത് മിക്‌സ് ചെയ്ത് കാലിലും കാല്‍പാദങ്ങളിലും പുരട്ടാവുന്നതാണ്. ഇത്തരത്തില്‍ പതിവായി പുരട്ടിയാല്‍ കാലിലെ തഴമ്പ് മാറി സോഫ്റ്റാവുകയും അതുപോലെ, കാല്‍ വരണ്ട് പോകുന്നത് തടഞ്ഞ് മോയ്‌സച്വര്‍ ചെയ്ത് നിലനിര്‍ത്താനും ഇത് സഹായിക്കുന്നുണ്ട്.
ഇതല്ലെങ്കില്‍ കറ്റാര്‍വാഴ ഒരു ടീസ്പൂണ്‍ കറ്റാര്‍വാഴ ജെല്ലില്‍ മൂന്ന് തുള്ളി ഗ്ലിസറിനും ചേര്‍ത്ത് ദിവസേന കാലില്‍ പുരട്ടുന്നതും കാല്‍പാദങ്ങള്‍ സോഫ്റ്റായിരിക്കുന്നതിനും വരള്‍ച്ച മാറ്റുന്നതിനും സഹായിക്കുന്നുണ്ട്. ഇതുമല്ലെങ്കില്‍ കറ്റാര്‍വാഴ ജെല്‍ വെറുതേ കാലില്‍ രണ്ട് അല്ലെങ്കില്‍ മൂന്ന് നേരം പുരട്ടുന്നതും കാല്‍ നല്ല സോഫ്റ്റായിരിക്കാനും കാലിലെ തഴമ്പ് മാറ്റി കിട്ടാനും സഹായിക്കുന്നതാണ്.
പുരട്ടുമ്പോള്‍ ശ്രദ്ധിക്കേണ്ടത്
ഇവ പുരട്ടുന്നതിന് മുന്‍പ് കാല്‍പാദങ്ങള്‍ ചെറുചൂടുവെള്ളത്തില്‍ കഴുകി എടുക്കുക. അതിന് ശേഷം ഒന്ന് സ്‌ക്രബ് ചെയ്ത് വൃത്തിയാക്കി തുടച്ചെടുക്കുന്നത് മൃതകോശങ്ങള്‍ നീക്കം ചെയ്യാന്‍ സഹായിക്കും. ഇത്തരത്തില്‍ കാല്‍ ഒന്ന് കഴുകിയതിന് ശേഷം റോസ് വാട്ടറും ഗ്ലിസറിനും കറ്റാര്‍വാഴയുമെല്ലാം കാലില്‍ പുരട്ടുമ്പോള്‍ നല്ല ഫലം ലഭിക്കുന്നതിനും അതിലെ ഗുണങ്ങള്‍ വേണ്ട വിധത്തില്‍ ആഗിരണം ചെയ്യപ്പെടുന്നതിനും ഇത് സഹായിക്കുന്നുണ്ട്.
രാത്രിയില്‍ കിടക്കുന്നതിന് മുന്‍പ് കാല്‍പാദങ്ങളില്‍ ഇവ പുരട്ടുന്നത് നല്ലതാണ്. നന്നായി പുരട്ടി രണ്ട് മിനിറ്റ് ഒന്ന് മസാജ് ചെയ്ത് കൊടുത്തതിന് ശേഷം സോക്‌സ് ധരിച്ച് കിടക്കുന്നത് കാല്‍പാദങ്ങളിലെ മോയ്‌സ്ച്വര്‍ കണ്ടന്റ് വേഗത്തില്‍ പോകാതിരിക്കാന്‍ സഹായിക്കും. അതുപോലെ തന്നെ രാവിലെ എഴുന്നേറ്റ് കാല്‍ പാദങ്ങള്‍ കഴുകി വീണ്ടും ഈ നാച്വറല്‍ ചേരുവകള്‍ കാലില്‍ പുരട്ടാവുന്നതാണ്.
ശ്രദ്ധിക്കേണ്ട മറ്റ് കാര്യങ്ങള്‍
കാല്‍പാദങ്ങളില്‍ മോയ്‌സ്ച്വര്‍ കണ്ടന്റ് ഉള്ള സോപ്പ് ഉപയോഗിക്കാന്‍ ശ്രദ്ധിക്കേണ്ടത് അനിവാര്യമാണ്. അതുപോലെ തന്നെ അധികസമയം ഒരിക്കലും കുളിക്കാന്‍ എടുക്കരുത്. നിങ്ങള്‍ കുറേ നേരം കുളിക്കുമ്പോള്‍, അത് ചര്‍മ്മത്തിലെ മോയ്‌സ്ച്വര്‍ കണ്ടന്റ് ഇല്ലാതാകുന്നതിലേയ്ക്കും അതുപോലെ, ചര്‍മ്മം വല്ലാതെ വരണ്ട് പോകുന്നതിനും കാരണമാകുന്നുണ്ട്.
ഇവ കൂടാതെ, നല്ല ഹെല്‍ത്തിയായിട്ടുള്ള ആഹാരം കഴിക്കാന്‍ നിങ്ങള്‍ മറക്കാന്‍ പാടുള്ളതല്ല. ശരീരത്തിന് അമിതമായി ചൂട് നല്‍കുന്നതും ദഹന പ്രശ്‌നങ്ങള്‍ ഉണ്ടാക്കുന്നതുമായ ആഹാരങ്ങള്‍ കഴിക്കുന്നത് സത്യത്തില്‍ ചര്‍മ്മം വരണ്ടതാക്കും. അതിനാല്‍ നല്ലപോലെ പഴം പച്ചക്കറികള്‍ കഴിക്കുക. ദിവസേന മൂന്ന് ലിറ്റര്‍ വെള്ളം കുടിക്കാന്‍ ശ്രദ്ധിക്കുന്നതും ചര്‍മ്മം നല്ല ഹെല്‍ത്തിയാക്കി സോഫ്റ്റാക്കാന്‍ സഹായിക്കും.
അഞ്ജലി എം സി നെ കുറിച്ച്
അഞ്ജലി എം സി ഡിജിറ്റൽ കണ്ടൻ്റ് പ്രൊഡ്യൂസർ
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.Read More
