പെട്ടെന്ന് പ്രായമായി പോകുന്ന പോലെ തോന്നാറുണ്ടോ? ജീവിതശൈലിയിൽ ഈ മാറ്റങ്ങൾ വരുത്തി നോക്കൂ

ശരിയായ ഭക്ഷണശൈലി

ഫാസ്റ്റ് ഫുഡിൻ്റെയും പ്രോസസ്ഡ് ഫുഡിൻ്റെയും കാലമാണിത്. അതുകൊണ്ട് തന്നെ പലർക്കും പെട്ടെന്ന് രോഗം പിടിപ്പെടാറുണ്ട്. ദൈനംദിനത്തിൽ സമീകൃതാഹാരം കഴിക്കാൻ ശ്രദ്ധിക്കേണ്ടത് ഏറെ പ്രധാനമാണ്. നല്ല ഭക്ഷണശൈലി പല രോഗങ്ങളെയും ഇല്ലാതാക്കും. നല്ല ആരോഗ്യത്തിന് 80 % ഭക്ഷണവും 20 % വ്യായാമവും വളരെ പ്രധാനമാണ്. ധാന്യങ്ങളും പഴങ്ങളും പച്ചക്കറികളുമൊക്കെ അടങ്ങിയ നല്ലൊരു ഭക്ഷണശൈലി എപ്പോഴും പിന്തുടരാൻ ശ്രമിക്കുക. അതുപോലെ നല്ല പ്രോട്ടീനുകളും ഭക്ഷണത്തിൽ ഉൾപ്പെടുത്തണം.

Health Video: വെള്ളം കുടിക്കേണ്ട മികച്ച സമയം ഇതാണ്

​

​

വെള്ളം കുടിക്കുക

മൊത്തത്തിലുള്ള ശരീരത്തിൻ്റെ പ്രവർത്തനം മികച്ചതാക്കാൻ വെള്ളം കുടിക്കേണ്ടത് വളരെ അത്യാവശ്യമാണ്. ധാരാളം വെള്ളം കുടിക്കാൻ ശ്രദ്ധിക്കുക. ദിവസവും എട്ട് ഗ്ലാസ് വെള്ളമെങ്കിലും കുടിക്കേണ്ടത് വളരെ പ്രധാനമാണ്. ശരീരത്തിലെ താപനില നിലനിർത്താനും അതുപോലെ വിഷാംശങ്ങൾ പുറന്തള്ളാനും ഏറെ നല്ലതാണ് വെള്ളം കുടിക്കുന്നത്. കോശങ്ങളിലേക്ക് പോഷകങ്ങൾ എത്തിക്കാനും വെള്ളം കുടിക്കുന്നത് സഹായിക്കും.

നല്ല ഉറക്കം

ദിവസവം കുറഞ്ഞത് ഏഴ് മണിക്കൂറെങ്കിലും ഉറങ്ങാൻ ശ്രമിക്കുക. കാരണം ശരീരത്തിൻ്റെ എല്ലാ പ്രവർത്തനങ്ങൾക്കും ഉറക്കം വളരെ പ്രധാനമാണ്. ജീവിതശൈലി രോഗങ്ങളായ പ്രമേഹം, ഹൃദ്രോഗം, അമിതവണ്ണം, ഡിപ്രഷൻ എന്നിവയെല്ലാം കുറയ്ക്കാൻ നല്ല ഉറക്കം കിട്ടേണ്ടത് ഏറെ പ്രധാനമാണ്. ദിവസവും ഉറങ്ങുന്നതിന് കൃത്യസമയം പിന്തുടരാനും ശ്രമിക്കേണ്ടത് ഏറെ പ്രധാനമാണ്. ഉറങ്ങുന്നതിന് ഒരു മണിക്കൂർ മുൻപ് തന്നെ സ്മാർട്ട് ഫോണുകളും മറ്റ് ഗാഡ്ജെറ്റുകളും മാറ്റി വയ്ക്കേണ്ടതും ഏറെ പ്രധാനമാണ്.

മെഡിറ്റേഷൻ

വ്യായാമം പോലെ തന്നെ പ്രധാനമാണ് ധ്യാനമുറകളും. മനസ് ശാന്തമാക്കാനും അതുപോലെ സമ്മർദ്ദങ്ങൾ കുറയ്ക്കാനും മെഡിറ്റേഷൻ ഏറെ നല്ലതാണ്. വീടിന് അകത്തും പുറത്തും മെഡിറ്റേഷൻ ചെയ്യാവുന്നതാണ്. ദിവസവും കുറച്ച് സമയം മെഡിറ്റേഷന് വേണ്ടി മാറ്റി വയ്ക്കുന്നത് രക്തസമ്മർദ്ദം, മാനസിക സമ്മർദ്ദം എന്നിവയൊക്കെ കുറയ്ക്കാൻ ഏറെ നല്ലതാണ്.

വ്യായാമം

എപ്പോഴും ആരോഗ്യത്തോടിരിക്കണമെങ്കിൽ ശരീരത്തിന് ആവശ്യമായ വ്യായാമം ചെയ്യാൻ മറക്കാതിരിക്കേണ്ടത് ഏറെ പ്രധാനമാണ്. ചെറുപ്പവും ആരോഗ്യവും നിലനിർത്താൻ വ്യായാമം വളരെ പ്രധാനമാണ്. ലളിതമായ കാർഡിയോ അല്ലെങ്കിൽ സ്ട്രെങ്ങത്ത് ട്രെയിനിങ്ങ് വ്യായാമങ്ങൾ ദിവസവും ചെയ്യാൻ ശ്രമിക്കുക. ഒരു പ്രൊഫഷണലിൻ്റെ സഹായത്തോടെ മാത്രം വ്യായാമം ചെയ്യാൻ ശ്രമിക്കേണ്ടതും വളരെ പ്രധാനമാണ്.