ആവശ്യക്കാരേറെ, ടിക്കറ്റ് കിട്ടാനുമില്ല; എന്നുവരും എറണാകുളം – ബെം​ഗളൂരു വന്ദേ ഭാരത്? പ്രതീക്ഷയോടെ യാത്രക്കാർ; സാധ്യതകൾ

വൈദ്യുതി നിയന്ത്രണം തൽക്കാലമില്ല; ജനം സഹകരിച്ചാൽ ലോഡ് ഷെഡിങും പവർകട്ടും ഏർപ്പെടുത്താതെ മുന്നോട്ട് പോകാനാകും: മന്ത്രി കെ കൃഷ്ണൻകുട്ടി

നിലവിൽ എറണാകുളത്തുനിന്ന് ബാംഗ്ലൂരിലേക്ക് സർവീസ് നടത്തുന്ന ട്രെയിനുകളിലെല്ലാം വൻ തിരക്കാണ് അനുഭവപ്പെടുന്നത്. ട്രെയിനിന് പുറമെ ഈ റൂട്ടിൽ നിരവധി സ്വകാര്യ ബസുകളും സർവീസ് നടത്തുന്നുണ്ട്. കെഎസ്ആർടിസി സ്വിഫ്റ്റിന്‍റെ സർവീസിന് പുറമെയാണ് ഐടി നഗരത്തിലേക്ക് സ്വകാര്യ ബസുകൾ സർവീസ് നടത്തുന്നത്. ഇവയെല്ലാം നിറയെ യാത്രക്കാരുമായാണ് പോകുന്നത്. ഈ റൂട്ടിൽ വന്ദേ ഭാരത് സർവീസ് ആരംഭിക്കുകയാണെങ്കിൽ യാത്രക്കാർ ഇരുകൈയും നീട്ടി ഇതിനെ സ്വീകരിക്കുമെന്ന് ഉറപ്പാണ്. ഒന്നാമത്തെ വന്ദേ ഭാരതിനെ പോലെ ഹിറ്റാകുന്ന സർവീസായി ഇതും മാറും.

ബെംഗളൂരു – എറണാകുളം റൂട്ടിൽ നിലവിൽ 11 മണിക്കൂറോളമാണ് വിവിധ ട്രെയിനുകൾ ഓടിയെത്താൻ എടുക്കുന്ന സമയം. വന്ദേ ഭാരതിന് ഇതിലും വേഗത്തിൽ സർവീസ് നടത്താൻ ആകുമെന്നിരിക്കെ ഈ റൂട്ടിൽ ട്രെയിൻ വേണമെന്ന ആവശ്യം ശക്തമാണ്. ബെംഗളൂരു – എറണാകുളം റൂട്ടിൽ വന്ദേ ഭാരത് അനുവദിക്കണമെന്ന് കേരള ട്രെയിൻ യൂസേഴ്സ് ഫോറം ഉൾപ്പെടെയുള്ളവർ നേരത്തെ ആവശ്യപ്പെട്ടിരുന്നു. സംസ്ഥാനത്തെ ഏറ്റവും തിരക്കുള്ള റൂട്ടാണെന്ന് ചൂണ്ടിക്കാട്ടിയായിരുന്നു ഈ ആവശ്യം.

ചന്ദ്രൻ കഴിഞ്ഞു, ഇനി സൂര്യൻ; ഇസ്രോയുടെ ആദിത്യ-എൽ1 മിഷനെ കുറിച്ച് അറിയേണ്ടതെല്ലാം

ഈ സാമ്പത്തികവർഷം 50 വന്ദേ ഭാരത് സർവീസുകൾകൂടി ആരംഭിക്കുമെന്ന് റെയിൽവേ വ്യക്തമാക്കിയിട്ടുണ്ട്. അതുകൊണ്ട് തന്നെ എറണാകുളം – ബെംഗളൂരു റൂട്ടിലേക്കായി കേരളത്തിന് വൈകാതെ മൂന്നാമത്തെ വന്ദേ ഭാരത് കൂടി ലഭിക്കുമെന്നാണ് യാത്രക്കാർ പ്രതീക്ഷിക്കുന്നത്.