നാമനിര്‍ദേശ പത്രിക സമര്‍പ്പിച്ചവര്‍ക്കെതിരേ എന്തെങ്കിലും ആക്ഷേപങ്ങളോ പരാതികലോ ഉണ്ടെങ്കില്‍ അറിയിക്കുന്നതിനുള്ള സമയപരിധി അവസാനിച്ചതോടെ ദേശീയ തെരഞ്ഞെടുപ്പ് കമ്മീഷന്‍ സ്ഥാനാര്‍ത്ഥി പട്ടികയക്ക് അംഗീകാരം നല്‍കുകയായിരുന്നു.
പ്രാഥമിക പട്ടികക്കെതിരെ പരാതി സമര്‍പ്പിക്കാനുള്ള സമയം ആഗസ്റ്റ് 26 മുതല്‍ 28 വരെ ആയിരുന്നു. ഒരു സ്ഥാനാര്‍ഥിക്കെതിരേയും പരാതി സമര്‍പ്പിക്കപ്പെട്ടിരുന്നില്ല. പരാതികളിന്‍മേല്‍ ദേശീയ തിരഞ്ഞെടുപ്പ് കമ്മിറ്റി തീരുമാനമെടുക്കാനുള്ള സമയം ഓഗസ്റ്റ് 29 മുതല്‍ 31 വരെയായിരുന്നു. ഇതിനു പിന്നാലെയാണ് അന്തിമ പട്ടിക തെരഞ്ഞെടുപ്പ് കമ്മിറ്റി അംഗീകരിച്ചത്.
GMUP School Areacode: സംസ്ഥാനത്തെ മികച്ച പിടിഎ കമ്മിറ്റിക്കുള്ള അവാർഡ് നേടി അരീക്കോട് ജിഎംയുപി സ്കൂൾ
തിരഞ്ഞെടുപ്പ് പ്രചാരണത്തിന് 23 ദിവസം അനുവദിച്ചിട്ടുണ്ട്. സെപ്റ്റംബര്‍ 11ന് പ്രചാരണം ആരംഭിക്കും. സെപ്തംബര്‍ 26 ആണ് സ്ഥാനാര്‍ത്ഥികള്‍ക്ക് പത്രിക പിന്‍വലിക്കാനുള്ള അവസാന ദിവസം. വോട്ടര്‍ പട്ടികയില്‍ പേരുള്ള യുഎഇ പൗരന്‍മാര്‍ക്കെല്ലാം വോട്ടവകാശമുണ്ട്.
സപ്തംബര്‍ രണ്ടിന് അംഗീകാരം നല്‍കിയ സ്ഥാനാര്‍ത്ഥികളുടെ അന്തിമ പട്ടിക ദേശീയ തിരഞ്ഞെടുപ്പ് കമ്മിറ്റി വെബ്‌സൈറ്റില്‍ ലഭ്യമാണ്. മല്‍സരിക്കുന്ന 309 പേരുടെ മൂന്നിലൊന്നും ഏറ്റവും കൂടുതല്‍ ജനങ്ങള്‍ അധിവസിക്കുന്ന അബൂദാബി എമിറേറ്റില്‍ നിന്നാണ്. ദുബായില്‍ 57 പേരും ഷാര്‍ജയില്‍ 50 പേരും മല്‍സരരംഗത്തുണ്ട്. അജ്മാന്‍, റാസല്‍ഖൈമ, ഉമ്മുല്‍ ഖുവൈന്‍, ഫുജൈറ എന്നിവിടങ്ങളില്‍ യഥാക്രമം 21, 34, 14, 15 എന്നിങ്ങനെയാണ് സ്ഥാനാര്‍ത്ഥികള്‍.
യുഎഇയിലെത്തുന്ന ഇന്ത്യക്കാര്‍ക്ക് 14 ദിവസത്തെ വിസ എങ്ങനെ ലഭിക്കും? വിസ കാലാവധി നീട്ടാനുള്ള മാര്‍ഗങ്ങളും ഫീസ് ഘടനയും അറിയാം
നാമനിര്‍ദേശ പത്രിക സമര്‍പ്പിച്ചവരില്‍ 128 പേര്‍ വനിതകളാണ്. ആകെ സ്ഥാനാര്‍ത്ഥികളില്‍ 41 ശതമാനം വതികളുണ്ട്. അബുദാബിയില്‍ 54 പേരും ദുബായില്‍ 27 പേരും വനിതകളാണ്. ഷാര്‍ജയില്‍ 19, അജ്മാനില്‍ 12, റാസല്‍ഖൈമയിലും ഉമ്മുല്‍ഖുവൈനിലും അഞ്ച് വീതം, ഫുജൈറയില്‍ ആറ് എന്നിങ്ങനെയാണ് വനിതകള്‍. 2019ല്‍ 479 സ്ഥാനാര്‍ത്ഥികളുണ്ടായിരുന്നു. ഇവരില്‍ 182 പേര്‍ വനിതകളായിരുന്നു. 36 സ്ഥാനാര്‍ത്ഥികള്‍ (11 ശതമാനം) 25നും 35നും ഇടയില്‍ പ്രായമുള്ളവരാണ്. 35 വയസ്സിനു മുകളിലുള്ള 273 പേരുണ്ട്.
അംബരചുംബികള്‍ മാത്രമല്ല, മാന്ത്രികചെപ്പിലൊളിപ്പിച്ച വിസ്മയങ്ങള്‍ നിരവധി; ദുബായില്‍ മാത്രം അനുഭവിക്കാന്‍ കഴിയുന്ന അഞ്ച് കാര്യങ്ങള്‍
40 അംഗങ്ങളുള്ള യുഎഇ നാഷണല്‍ കൗണ്‍സിലില്‍ 20 പേരെയാണ് വോട്ടെടുപ്പിലൂടെ കണ്ടെത്തുന്നത്. ബാക്കിയുള്ള 20 പ്രതിനിധികളെ ഓരോ എമിറേറ്റിലെയും ഭരണാധികാരികള്‍ നാമനിര്‍ദേശം ചെയ്യും. ജനസംഖ്യാനുസൃതമായാണ് ഓരോ എമിറേറ്റിലെയും പ്രാതിനിധ്യം. അബുദാബി, ദുബായ് എമിറേറ്റുകള്‍ക്ക് നാലു സീറ്റ് വീതവും ഷാര്‍ജ, റാസല്‍ഖൈമ എന്നിവിടങ്ങളില്‍ മൂന്നു വീതവും അജ്മാന്‍, ഫുജൈറ, ഉമ്മുല്‍ഖുവൈന്‍ എന്നിവിടങ്ങളില്‍ രണ്ട് വീതവും അംഗങ്ങളാണുള്ളത്. രാഷ്ട്രത്തിന്റെ നയരൂപീകരണത്തില്‍ മുഖ്യപങ്ക് വഹിക്കുന്ന എഫ്എന്‍സി വിവിധ എമിറേറ്റുകളിലെ ജനങ്ങളുടെ പ്രാതിനിധ്യം ദേശീയ തലത്തില്‍ ഉറപ്പാക്കുന്നതിലും നിര്‍ണായക പങ്ക് വഹിക്കുന്നു.
