പുതുപ്പള്ളി തെരഞ്ഞെടുപ്പിന് ശേഷം മംഗലാപുരം – കോട്ടയം റൂട്ടിൽ സർവീസ് നടത്തുന്നതിനുള്ള ട്രെയിൻ ചെന്നൈയിൽ നിന്നും പുറപ്പെടുമെന്നാണ് റിപ്പോർട്ട്. നിലവിൽ ബേസിൻ ബ്രിഡ്ജ് യാർഡിലാണ് ഈ വന്ദേ ഭാരതുള്ളത്. റൂട്ട് സംബന്ധിച്ച് തീരുമാനമാകാത്തതിനാലാണ് ട്രെയിൻ ഇവിടെ നിന്നും പുറപ്പെടാതിരുന്നതെന്നായിരുന്നു റിപ്പോർട്ടുകൾ. ട്രെയിൻ ഗോവയിലേക്ക് കൊണ്ടുപോകാൻ ശ്രമം നടക്കുന്നതായും റിപ്പോർട്ടുകളുണ്ടായിരുന്നു.
Meenmutty Waterfalls: വിതുര കല്ലാർ – മീൻമൂട്ടിയിൽ വിനോദ സഞ്ചാരികൾ കുടുങ്ങി കിടക്കുന്നു
മംഗളൂരു സെൻട്രൽ സ്റ്റേഷനിൽ വന്ദേ ഭാരത് ട്രെയിനിനായുള്ള അറ്റകുറ്റപ്പണികൾക്കുവേണ്ട വൈദ്യുതീകരണ ജോലി നേരത്തെ തന്നെ പൂർത്തിയായിട്ടുണ്ട്. സ്റ്റേഷനിൽവേണ്ട സജ്ജീകരണങ്ങളെല്ലാം പൂർത്തിയായിട്ടും ചെന്നൈയിൽനിന്ന് ട്രെയിൻ കൊണ്ടുവരാത്തത് റൂട്ട് സംബന്ധിച്ച അനിശ്ചിതത്വത്തെ തുടർന്നാണെന്നാണ് ഇന്നലെ പുറത്തുവന്ന റിപ്പോർട്ട്. സർവീസ് ഉദ്ഘാടനത്തിന് പ്രധാനമന്ത്രിയുടെ തീയതി ലഭിക്കാത്തതും ട്രെയിൻ ചെന്നൈയിൽ തുടരാനുള്ള കാരണമായി പറഞ്ഞിരുന്നു.
മംഗളൂരുവിൽനിന്ന് രാവിലെ പുറപ്പെട്ട് 10ന് മുൻപു എറണാകുളത്ത് എത്തുന്ന സർവീസ് ആരംഭിച്ചാൽ മികച്ച പ്രതികരണമാകും ഈ സർവീസിന് ലഭിക്കുക. എറണാകുളത്ത് പ്ലാറ്റ്ഫോം ഒഴിവില്ലാത്തതിനാൽ സർവീസ് കോട്ടയത്തേക്ക് നീട്ടണമെന്ന് തോമസ് ചാഴിക്കാടൻ എംപി ആവശ്യപ്പെടുകയും ചെയ്തിരുന്നു. അഞ്ച് പ്ലാറ്റ്ഫോമുകൾ ഉള്ള കോട്ടയത്തേക്ക് വന്ദേ ഭാരത് നീട്ടുന്നതോടെ ഈ പ്രശ്നങ്ങൾ പരിഹരിക്കാൻ കഴിയും.
ചെന്നൈയിൽനിന്ന് കേരളത്തിലേക്ക് വന്ദേ ഭാരത് ട്രെയിൻ പുതുപ്പള്ളി തെരഞ്ഞെടുപ്പിന് പിന്നാലെ എത്തിക്കുമെന്നാണ് പുതിയ റിപ്പോർട്ടുകൾ. ഇതിന് പിന്നാലെ പരീക്ഷണ ഓട്ടം നടത്തുന്നതോടെ സ്റ്റോപ്പും സമയവും സംബന്ധിച്ച ധാരണ ലഭിക്കും.
ലിജിൻ കടുക്കാരം നെ കുറിച്ച്
ലിജിൻ കടുക്കാരം സീനിയർ ഡിജിറ്റൽ കണ്ടൻ്റ് പ്രൊഡ്യൂസർ
സമയം മലയാളം വാർത്താ വിഭാഗത്തിൽ സീനിയർ ഡിജിറ്റൽ കണ്ടൻ്റ് പ്രൊഡ്യൂസറാണ് ലിജിൻ കടുക്കാരം. കണ്ണൂർ യൂണിവേഴ്സിറ്റിയിൽ നിന്ന് ഇംഗ്ലീഷിൽ ബിരുദവും കാലിക്കറ്റ് യൂണിവേഴ്സിറ്റിയിൽ നിന്ന് ജേണലിസത്തിൽ ബിരുദാനന്തര ബിരുദവും പൂർത്തിയാക്കി. 2016 മുതൽ മാധ്യമപ്രവർത്തനത്തിൽ സജീവം. ഓൺലൈൻ മാധ്യമമായ ഡൂൾ ന്യൂസിലാണ് തുടക്കം. പിന്നീട് ന്യൂസ് 18 മലയാളത്തിൽ ജനറൽ ന്യൂസിനൊപ്പം സ്പോർട്സ് സെക്ഷനും കൈകാര്യം ചെയ്തു. 2019ലാണ് സമയം മലയാളത്തിൻ്റെ ഭാഗമായത്. നിലവിൽ രാഷ്ട്രീയ, സാമൂഹിക വിഷയങ്ങളിൽ ലേഖനങ്ങൾ എഴുതുന്നു.Read More
