2023 ജൂൺ മാസത്തിൽ സെന്റർ ഫോർ മാനേജ്മെന്റ് ഡവലപ്മെന്റ് പുറത്തിറക്കിയ സാമൂഹികാഘാത പഠനത്തിന്റെ ഫൈനൽ റിപ്പോർട്ടിൽ നിർദ്ദിഷ്ട സൈക്ലിങ് പാത ഉണ്ടാക്കാൻ പോകുന്ന വ്യത്യാസം പറയുന്നുണ്ട്. വിദേശ-സ്വദേശ ടൂറിസ്റ്റുകളെ ആകർഷിക്കുന്ന ഒരു പ്രധാന ഘടകമായി സൈക്ലിങ് പാത മാറുമെന്ന് പഠനം ചൂണ്ടിക്കാട്ടുന്നു.
സൈക്കിൾ ട്രാക്കുള്ള ഏറ്റവും വലിയ ഹൈവേ
സൈക്കിൾ ട്രാക്കോടുകൂടിയ, ലോകത്തിലെ ഏറ്റവും വലിയ ഹൈവേയായിരിക്കും തീരദേശപാതയെന്ന് ഫോർ മാനേജ്മെന്റ് ഡവലപ്മെന്റ് പുറത്തിറക്കിയ സാമൂഹികാഘാത പഠനത്തിൽ പറയുന്നു. എൻഎച്ച് 66ന് സമാന്തരമായാണ് ഈ പാത കടന്നുപോകുന്നത് എന്നതിനാൽത്തന്നെ വലിയതോതിൽ ട്രാഫിക് കുരുക്കുകൾ ഒഴിവായിക്കിട്ടും. ഇതോടൊപ്പം നിലവിലുള്ള ചെറിയചെറിയ തുറമുഖങ്ങൾ പുതുക്കുക കൂടി ചെയ്താൽ തീരം ഉണരുമെന്നുറപ്പ്.
ആകെ 14 മീറ്ററിലാണ് രണ്ടുവരിപ്പാതയുടെ നിർമ്മാണം. ഇതിൽ 7 മീറ്ററിലാണ് 0.75 മീറ്റർ വീതിയിലായിരിക്കും. ഈ ഭാഗംകൂടി ചേർത്താൽ പാതയുടെ വീതി 8.8 മീറ്റർ വരും. ഇവയുടെ ഇരുവശത്തുമായി വരുന്ന ഷോൾഡർ . ഒന്നരമീറ്ററിൽ ഫൂട്പാത്തും ഡ്രെയിനും ഇരുവശത്തുമുണ്ടാകും. രണ്ടര മീറ്റർ വീതിയിലായിരിക്കും സൈക്ലിങ് ട്രാക്ക്. തീരദേശത്തെ നിലവിലുള്ള പാതകളുടെ വീതികൂട്ടിയും കൂട്ടിയോജിപ്പിച്ചുമാണ് ഹൈവേ വിഭാവനം ചെയ്തിരിക്കുന്നത്.
ഇന്ത്യൻ റോഡ് കോൺഗ്രസ് മാനദണ്ഡങ്ങൾ
സൈക്കിൾ ട്രാക്ക് നിർമ്മിക്കുക 2015ലെ ഇന്ത്യൻ റോഡ് കോൺഗ്രസ്സ് അംഗീകരിച്ച രീതിയിലായിരിക്കും. സുരക്ഷിതത്വം, ആകർഷകത്വം, സുഖസൗകര്യം തുടങ്ങിയ മാനദണ്ഡങ്ങളും ഈ കോൺഗ്രസ്സിൽ മുമ്പോട്ടുവെച്ചിട്ടുണ്ട്. സൈക്കിളുകൾക്ക് സഞ്ചരിക്കാൻ സുഖകരമായ പ്രതലമാണ് ഉണ്ടാക്കേണ്ടത്. ഈ പ്രതലത്തിന് പ്രത്യേക നിറം നൽകുകയും വേണം. കൃത്യമായ മാർക്കിങ് ആവശ്യമാണ്.
അപകടരഹിതമായി കേരളത്തിന്റെ ഒരറ്റംമുതൽ മറ്റേയറ്റം വരെ സഞ്ചരിക്കാൻ ആഗ്രഹിക്കുന്നവർക്ക് ഈ പാത വലിയ ആഹ്ലാദം പകരും. സൈക്ലിസ്റ്റുകൾക്കു വേണ്ടിയുള്ള ഷോപ്പുകളും മറ്റ് വ്യാപാര സ്ഥാപനങ്ങളും പാതയിലുടനീളം വരും. ഇത് ചെറുകിട കച്ചവടക്കാർക്കാണ് ഏറെ ഉപകാരപ്പെടുകയെന്ന് നിസ്സംശയം പറയാം. ചെറിയചെറിയ കഫെകൾക്കും ഭക്ഷണശാലകൾക്കും മറ്റും പാതയിലുടനീളം നല്ല സ്വീകാര്യത ലഭിക്കും.
2015ലെ ഇന്ത്യൻ റോഡ് കോൺഗ്രസ്സിൽ അംഗീകരിച്ച മാനദണ്ഡങ്ങളിൽ സൈക്ലിങ് ട്രാക്കിന് രണ്ടര മുതൽ അഞ്ചുവരെ വീതിയാണ് ആവശ്യം. കേരളത്തിലെ തീരദേശപാതയിൽ രണ്ടര മീറ്ററായിരിക്കും ട്രാക്കിന്റെ വീതി. പഠനങ്ങൾ പ്രകാരം രണ്ടര മീറ്റർ സൈക്ലിങ് ട്രാക്കിന് ഒരു ദിശയിലേക്ക് മണിക്കൂറിൽ 2000 സൈക്കിളുകളുടെ ഒഴുക്കിനെ ഉൾക്കൊള്ളാൻ സാധിക്കും.
കുറഞ്ഞത് അഞ്ച് കിലോമീറ്ററെങ്കിലും ഇടമുറിയാതെ ട്രാക്കുകളുണ്ടാകും. സൈക്കിൾ ട്രാക്കുകളിലേക്ക് മറ്റ് വാഹനങ്ങൾ കയറാതിരിക്കാൻ ബൊള്ളാർഡ്സ് ഇടവിട്ട് സ്ഥാപിക്കും. സൈക്കിൾ ട്രാക്കുകൾക്ക് പ്രത്യേക വാണിങ് സൈനുകളും ഉണ്ടായിരിക്കും.
ലോകത്തെമ്പാടും സൈക്ലിങ് ടൂറിസം കാര്യമായ വളർച്ച നേടിയിട്ടുണ്ട്. പാരിസ്ഥിതിക പ്രശ്നങ്ങളുണ്ടാക്കാത്ത ടൂറിസം സമീപനമെന്ന നിലയിൽ ഇത് ഏറെ പ്രോത്സാഹിപ്പിക്കപ്പെടുന്നുമുണ്ട്. ഒരു സുസ്ഥിര ഗതാഗത സംവിധാനമെന്ന നിലയിലും നിരവധി രാജ്യങ്ങൾ സൈക്ലിങ്ങിനെ പ്രോത്സാഹിപ്പിക്കുന്നുണ്ട്. പുതിയ പാത വരുന്നതോടെ സൈക്ലിങ് മാരത്തോൺ പോലെയുള്ള പരിപാടികൾ സംഘടിപ്പിക്കാനും അതിന് അന്തർദ്ദേശീയ തലത്തിൽ തന്നെ പ്രചാരണം നൽകാനും നമുക്ക് സാധിക്കും. കൂടാതെ നിര്‍ദ്ദിഷ് മാനദണ്ഡങ്ങൾ പ്രകാരം വഴിയിലൂടനീളം ‘സ്ട്രീറ്റ് ഫർണിച്ചറു’കൾ സജ്ജീകരിക്കേണ്ടതുണ്ട് എന്നത് പ്രത്യേകം ശ്രദ്ധിക്കണം. സൈക്കിൾ ചവിട്ടി ക്ഷീണിക്കുമ്പോൾ വിശ്രമിക്കാൻ ഇവ ആവശ്യമാണ്. ഇത്തരം കേന്ദ്രങ്ങളിൽ അതത് പ്രദേശത്തുള്ളവർക്ക് ഷോപ്പുകൾ തുറക്കുകയും മറ്റുമാകാം. ഇത് നല്ലൊരു വരുമാനമാർഗ്ഗമാകും തദ്ദേശീയർക്ക്.
യൂറോപ്യൻ യൂണിയനിൽ സൈക്ലിങ് പ്രോത്സാഹിപ്പിക്കുന്നതിനായി പ്രത്യേക ടൂറിസം യൂണിറ്റ് തന്നെ സ്ഥാപിച്ചിട്ടുണ്ട്. തീരദേശ പ്രോജക്ടിന്റെ ഭാഗമായി സൃഷ്ടിക്കപ്പെടുന്ന സൈക്ലിങ് വേ അന്തർദ്ദേശീയ തലത്തിൽ ശ്രദ്ധിക്കപ്പെടുമെന്ന കാര്യത്തിൽ സംശയിക്കേണ്ടതില്ല.
