വാട്ട് ഈസ് യുവർ നെയിം ?
“ഐ ആം ഇന്ത്യ”.
ഞാൻ പറഞ്ഞില്ലേ സമയത്ത് സ്കൂളിൽ ചേർത്തില്ലെങ്കിൽ വരുന്ന പ്രശ്നം കണ്ടല്ലോ?. സ്വന്തം പേര് ചോദിച്ചാൽ രാജ്യത്തിൻ്റെ പേരാ പറയുക?
“നോ സർ, മൈ നെയിം ഈസ് ഇന്ത്യ.. “
വിനയ് ഫോർട്ട് നായകനാകുന്ന ‘സോമൻ്റെ കൃതാവ്’ സിനിമയിലെ പുതിയ ടീസർ സോഷ്യൽ മീഡിയയിൽ ശ്രദ്ദേയമായി. മകളെ സ്കൂളിൽ ചേർക്കാൻ കൊണ്ടു പോകുന്ന സോമനും ഭാര്യയും പ്രധാനാധ്യാപകനുമായി നടത്തുന്ന സംഭാഷണമാണ് ടീസറിൽ. നരേന്ദ്ര മോദി സർക്കാറിനെതിരായി രൂപപ്പെട്ട ‘ഇന്ത്യ’ മുന്നണി രൂപീകരണത്തിൻ്റെ പശ്ചാത്തലത്തിൽ രാജ്യത്തിൻ്റെ പേര് ‘ഭാരതം’ എന്നാക്കാനുള്ള കേന്ദ്ര സർക്കാർ നീക്കത്തിൻ്റെ പശ്ചാത്തലത്തിലാണ് ചിത്രത്തിലെ ‘ഇന്ത്യ ‘ പ്രയോഗം കൗതുകമായത്. ഇതിലും വെറൈറ്റി പേരായ ക്രിമുഹി (ക്രിസ്ത്യൻ മുസ്ലിം ഹിന്ദു ) എന്നാണ് ആദ്യം മകൾക്ക് ഇടാനിരുന്നത് എന്നും നായിക പറയുന്നു. ചൊവ്വാഴ്ച വൈകിട്ടാണ് പിന്നണി പ്രവർത്തകർ ചിത്രത്തിൻ്റെ പുതിയ ടീസർ പുറത്ത് വിട്ടത്.
ചിത്രത്തിൽ കൃഷി ഓഫീസറായിട്ടാണ്‌ വിനയ് വേഷമിടുന്നത്‌. കക്ഷി അമ്മിണിപ്പിള്ള, ഫേസ്‌, ഡൈവേഴ്‌സ്‌ എന്നീ ചിത്രങ്ങളിലൂടെ ശ്രദ്ധേയയായ ഫറ ഷിബിലയാണ്‌ നായിക. രോഹിത്‌ നാരായണൻ ആണ്‌ സംവിധാനം. തിരക്കഥാകൃത്ത്‌ ബിപിൻ ചന്ദ്രൻ, മനു ജോസഫ്‌, ജയൻ ചേർതതല, നിയാസ്‌ നർമ്മകല, സീമ ജി നായർ എന്നിവരാണ്‌ പ്രധാന കഥാപാത്രങ്ങളെ അവതരിപ്പിച്ചത്‌. പതിനാറോളം പുതുമുഖങ്ങളും ചിത്രത്തിൽ അണിനിരക്കുന്നുണ്ട്‌.
ഓൺ സ്‌റ്റേജ്‌ സിനിമാസ്‌ അവതരിപ്പിക്കുന്ന ചിത്രം മാസ്‌റ്റർ വർക്‌സ്‌ സ്‌റ്റുഡിയോസ്‌ , രാഗം മൂവീസ്‌, രാജു മല്ല്യത്ത് എന്നിവർ ചേർന്നാണ്‌ നിർമ്മിച്ചത്‌. സൂപ്പർ ശരണ്യ, ഉണ്ട എന്നീ ചിത്രങ്ങളിൽ ഛായാഗ്രഹണം നിർവഹിച്ച സുജിത്ത്‌ പുരുഷൻ ആണ്‌ ഛായാഗ്രഹണം.രഞ്ജിത്ത്‌ കെ ഹരിദാസ്‌ കഥയും തിരക്കഥയും സംഭാഷണവും എഴുതുന്നു. സംഗീതം: പി എസ്‌ ജയഹരി, എഡിറ്റർ: ബിജീഷ്‌ ബാലകൃഷ്‌ണൻ.
പ്രൊഡക്ഷൻ കൺട്രോളർ: ഷബീർ മലവെട്ടത്ത്‌. കല: അനീഷ്‌ ഗോപാൽ, മേക്കപ്പ്‌: ജയൻ പൂങ്കുളം, വസ്‌ത്രാലങ്കാരം: അനിൽ ചെമ്പൂർ, സ്‌റ്റിൽസ്‌: രാഹുൽ എം സത്യൻ, ചീഫ്‌ അസോസിയേറ്റ്‌ ഡയറക്ടർ: റൈറ്റസ്‌ അലക്‌സാണ്ടർ, അസോസിയേറ്റ്‌ ഡയറക്ടർ: റെനിറ്റ്‌ രാജ്‌, അസിസ്‌റ്റന്റ്‌ ഡയറക്ടർ: പ്രശോഭ്‌ ബാലൻ, പ്രദീപ്‌ രാജ്‌, സുഖിൽ സാഗ്‌, അസോസിയേറ്റ്‌ ക്യാമറാമാൻ: ക്ലിന്റോ ആന്റണി. പ്രൊഡക്ഷൻ എക്‌സിക്യുട്ടീവ്‌: അനിൽ നമ്പ്യാർ, ബർണാഡ്‌ തോമസ്‌, പിആർഒ: എ എസ്‌ ദിനേശ്‌. ചിത്രം ഉടൻ തിയേറ്ററിലെത്തും.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
