ദുബായ് > സൗദി അറേബ്യയുടെ 93-ാമത് ദേശീയ ദിനത്തിൽ സൗദിയെ അഭിനന്ദിച്ച് യുഎഇ. യുഎഇ പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ തന്റെ ഔദ്യോഗിക എക്‌സ് അക്കൗണ്ടിലൂടെയാണ് സൗദി അറേബ്യക്ക് അഭിനന്ദന സന്ദേശങ്ങൾ അയച്ചത്.
രണ്ട് വിശുദ്ധ മസ്ജിദുകളുടെ സൂക്ഷിപ്പുകാരൻ രാജാവ് സൽമാൻ ബിൻ അബ്ദുൽ അസീസ് അൽ സൗദ്, കിരീടാവകാശി മുഹമ്മദ് ബിൻ സൽമാൻ അൽ സൗദ് എന്നിവരെ അഭിനന്ദിക്കുകയും രാജ്യത്തിന്റെ തുടർച്ചയായ പുരോഗതിക്കും സമൃദ്ധിക്കും ആശംസിക്കുകയും ചെയ്യുന്നതായി ഷെയ്ഖ് മുഹമ്മദ് കുറിച്ചു.
യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം തന്റെ ഔദ്യോഗിക സോഷ്യൽ മീഡിയയിൽ സമാനമായ സന്ദേശം പോസ്റ്റ് ചെയ്തു, യുഎഇയും സൗദി അറേബ്യയും തമ്മിലുള്ള ശക്തമായ ബന്ധത്തിനും അവരുടെ തുടർച്ചയായ വികസനത്തിനും സമൃദ്ധിക്കും വേണ്ടി പ്രാർത്ഥിക്കുന്നതായി അദ്ദേഹം അറിയിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
