ജലദോഷ ലക്ഷണങ്ങൾ കുറയ്ക്കാൻ ഈ ചെറു ശീലങ്ങൾ മതി

മഴക്കാലമാകുന്നതോടെ പല തരം രോഗങ്ങൾ പിടിപെടുന്നവരുടെ എണ്ണവും കൂടും. ജലദോഷവും അത്തരത്തിലൊന്നാണ്. എന്നാൽ മഴക്കാലത്ത് മാത്രം പിടിപെടുന്ന പ്രശ്നവുമില്ല ഇത്. വർഷത്തിൽ ഏത് സമയത്ത് വേണമെങ്കിലും ജലദോഷം പിടിപെടാം. ഇതൊരു സാധാരണ ആരോഗ്യ പ്രശ്നമാണെങ്കിലും ജലദോഷം നൽകുന്ന അസ്വസ്ഥതകൾ തീരെ ചെറുതല്ല. മൂക്കടപ്പ്, ചുമ, തുമ്മൽ, തൊണ്ടവേദന തുടങ്ങിയ ലക്ഷണങ്ങളോടെ ജലദോഷം ഒരാഴ്ച മുതൽ പത്ത് ദിവസം വരെയൊക്കെ നീണ്ടു നിൽക്കാം. എന്നാൽ ജലദോഷത്തെ നിന്ന് ആശ്വാസം കിട്ടാൻ നാം ശ്രദ്ധിക്കേണ്ട ചില കാര്യങ്ങളുണ്ട്.

അമേരിക്കയിലെ സെന്റർസ് ഫോർ ഡിസീസ് കൺട്രോൾ ആൻഡ് പ്രിവൻഷൻ (സിഡിസി) 2018 ൽ നടത്തിയ സർവേ പ്രകാരം ഒരു മുതിർന്ന വ്യക്തിക്ക് ഒരു വർഷത്തിൽ 2-4 തവണ ജലദോഷം ബാധിക്കാം എന്നാണ് പറയുന്നത്. കുട്ടികളുടെ കാര്യത്തിൽ, ഈ എണ്ണം 6 മുതൽ 10 വരെ ആയി വർദ്ധിക്കുന്നു. ഒന്നിലധികം കുട്ടികളുള്ള കുടുംബങ്ങൾക്ക് ജലദോഷം പിടിപെടാനുള്ള സാധ്യത കൂടുതലാണ്.

ജലദോഷം ഏതെങ്കിലും പ്രത്യേക കാലാവസ്ഥയോ സീസണോ മൂലമല്ല ബാധിക്കുക, മാത്രമല്ല വർഷത്തിൽ ഏത് സമയത്തും ഇത് ഒരു വ്യക്തിയെ ബാധിക്കുകയും ചെയ്യും. സിഡിസി പറയുന്നതനുസരിച്ച്, വീടിനുള്ളിലെ വായു വരണ്ടാൽ വൈറസ് കൂടുതൽ വേഗത്തിൽ പടരുന്നു എന്നാണ്. പുറത്തുനിന്നുള്ള കാലാവസ്ഥയും അന്തരീക്ഷവും വൈറസിൽ വലിയ സ്വാധീനം ചെലുത്തുന്നില്ല.

ലക്ഷണങ്ങൾ



ജലദോഷം ഒരു വൈറസ് മൂലമാണ് ഉണ്ടാകുന്നത്, അതിനാൽ ഒരു മരുന്നും രോഗത്തിനെതിരെ പോരാടാൻ നിങ്ങളെ സഹായിക്കില്ല. ശരീരം നിങ്ങൾക്കായി വൈറസിനെ നേരിടും. രോഗത്തിൽ നിങ്ങളുടെ ശ്രദ്ധ കേന്ദ്രീകരിക്കുന്നതിനു പകരം, രോഗലക്ഷണങ്ങൾ കൈകാര്യം ചെയ്യുന്നതിൽ ശ്രദ്ധ കേന്ദ്രീകരിക്കുക. മൂക്കടപ്പ്, തൊണ്ടവേദന, ചുമ, കഫക്കെട്ട്, തലവേദന എന്നിവയെല്ലാം ജലദോഷത്തിന്റെ ലക്ഷണങ്ങളാണ്. ഈ അവസ്ഥ അപകടകരമല്ല, എന്നാൽ വളരെ അരോചകമാണ്. ഇതിന് ഒരു വ്യക്തിയെ വിഷമകരമായ അവസ്ഥയിൽ നിർത്താൻ കഴിയും. വൈറസ് മൂലമുള്ള രോഗലക്ഷണത്തിന്റെ ഫലങ്ങൾ കുറയ്ക്കുന്നതിന് നിങ്ങൾക്ക് ചില വീട്ടുവൈദ്യങ്ങൾ ഉപയോഗിക്കാം. രോഗലക്ഷണങ്ങൾ കൈകാര്യം ചെയ്യാൻ നിങ്ങൾക്ക് വേദന സംഹാരികൾ, ചുമയ്ക്കുള്ള കഫ് സിറപ്പുകൾ എന്നിവ പോലുള്ള മരുന്നുകൾ ഉപയോഗിക്കാം. ഇവ ഒരു ഡോക്ടറുടെ നിർദ്ദേശപ്രകാരം പിന്തുടരുന്നതാണ് അഭികാമ്യം.

മോണയിലെ രക്തസ്രാവം തടയാൻ വഴികൾ പലതുണ്ട്!

കൂടാതെ ജലദോഷം അനുഭവിക്കുമ്പോൾ ഇനി പറയുന്ന കാര്യങ്ങളും ശ്രദ്ധിക്കുക

ശരീരത്തിന് വേണം വിശ്രമം



ജാലദോഷം ഉള്ളപ്പോൾ നിങ്ങൾ കഴിയുന്നതും ഓഫീസിൽ പോവുന്നത് ഒഴിവാക്കി വീട്ടിൽ തന്നെ വിശ്രമിക്കുക. ആക്രമണാത്മക വൈറസിനെതിരെ പോരാടുന്ന തിരക്കിലായിരിക്കും നിങ്ങളുടെ ശരീരം. വിശ്രമം സമ്മർദ്ദം കുറയ്ക്കുകയും ശരീരത്തെ വൈറസിനെതിരായ പോരാട്ടത്തിൽ കൂടുതൽ കാര്യക്ഷമമായി സഹായിക്കുകയും ചെയ്യും. നിങ്ങൾ ജോലിക്ക് പോയാൽ, നിങ്ങളുടെ ശരീരം കൂടുതൽ പ്രവർത്തിക്കേണ്ടി വരികയും, അതേസമയം തന്നെ വൈറസിനെതിരെ പോരാടുകയും ചെയ്യേണ്ടി വരും. ഇത് നിങ്ങളുടെ രോഗപ്രതിരോധവ്യവസ്ഥയിൽ വിട്ടുവീഴ്ച ചെയ്യുകയും നിങ്ങളെ കൂടുതൽ ദുർബലമാക്കുകയും ചെയ്യും.

നിർജ്ജലീകരണം ഉണ്ടാകാതെ ശ്രദ്ധിക്കണം



പനി, കഫക്കെട്ട്, രോഗപ്രതിരോധ ശേഷിയിലെ കുറവ് എന്നിവ നിർജ്ജലീകരണ സാധ്യത വർദ്ധിപ്പിക്കും. നിർജ്ജലീകരണം ഒഴിവാക്കാൻ വെള്ളം, സൂപ്പ് അല്ലെങ്കിൽ ജ്യൂസ് എന്നിവ കുടിക്കുക. നിങ്ങളുടെ ശരീരം വൈറസിനെ നേരിടുന്ന തിരക്കിലാകുമ്പോൾ, നിർജ്ജലീകരണം അത് മന്ദഗതിയിലാക്കും. എന്നാൽ, മദ്യം, സോഡ അല്ലെങ്കിൽ കാപ്പി തുടങ്ങിയ പാനീയങ്ങൾ കുടിക്കരുത്. നിങ്ങളുടെ വയറിന് എളുപ്പമുള്ളതും ശരീരത്തിന് പോഷകങ്ങളും നൽകുന്നതുമായ എന്തെങ്കിലും പാനീയങ്ങൾ കുടിക്കുക.

ഉപ്പുവെള്ളം കവിൾ കൊള്ളുക



ജലദോഷത്തിന്റെ ആദ്യ അടയാളം തൊണ്ടവേദനയാണ്. ചെറുചൂടുള്ള ഉപ്പുവെള്ളം ഉപയോഗിച്ച് കവിൾക്കൊള്ളുന്നത് തൊണ്ടയിലെ വീക്കം, പ്രകോപനം എന്നിവ കുറയ്ക്കാൻ സഹായിക്കുന്നു. ഇത് അമിതമായ കഫവും തൊണ്ടയിലെ വരൾച്ചയും നീക്കം ചെയ്യുന്നു. അര ടീസ്പൂൺ ഉപ്പ് വെറും വെള്ളത്തിൽ കലർത്തി ചൂടാക്കി, കവിൾക്കൊള്ളുക. അതിൽ കൂടുതൽ ഉപ്പ് ഉപയോഗിക്കുന്നത് മറ്റ് ആരോഗ്യ പ്രശ്നങ്ങൾക്ക് കാരണമാകും എന്നത് പ്രത്യേകം ഓർമ്മിക്കുക.

പല്ലുവേദനയിൽ നിന്ന് ആശ്വാസം കിട്ടാൻ ഇതാ ചില പൊടിക്കൈകൾ

ആവി പിടിക്കുക



ആവി പിടിക്കുന്നത് വിവിധ സൈനസ് പോയിന്റുകളിൽ നിന്നുള്ള സമ്മർദ്ദം ഒഴിവാക്കാനും മൂക്കിലെ കഫവും മൂക്കടപ്പും കുറയ്ക്കാനും സഹായിക്കുന്നു. ഇത് ഒരു താൽക്കാലിക പരിഹാരമാണ്, ഒരു ദിവസത്തിൽ 2 തവണയെങ്കിലും ഇത് ആവർത്തിക്കണം. സുഗന്ധത്തിനായി ഏതെങ്കിലും അവശ്യ എണ്ണ (യൂക്കാലിപ്റ്റസ് എണ്ണ പോലുള്ളവ) വെള്ളത്തിൽ ചേർക്കാം. ആവി ശ്വസിക്കുമ്പോൾ, അസ്വസ്ഥതകയും പൊള്ളലും ഏൽക്കുന്നത് ഒഴിവാക്കാൻ, കണ്ണുകൾ അടച്ച് പിടിക്കുവാൻ ഓർമ്മിക്കുക.

ഹ്യുമിഡിഫയർ ഉപയോഗം



ജലദോഷം കാലാവസ്ഥയെ ആശ്രയിക്കുന്നില്ല. വർഷത്തിലെ ഏത് സമയത്തും ഇത് സംഭവിക്കാം. എന്നാൽ വായു വരണ്ടാൽ വൈറസ് കൂടുതൽ വേഗത്തിൽ പടരുന്നു. നിങ്ങൾ വീട്ടിൽ ഹ്യുമിഡിഫയർ ഓണാക്കുമ്പോൾ, നിങ്ങളുടെ ശ്വസനം എളുപ്പമാകും. വരണ്ട വായു തൊണ്ടവേദന, ചുമ, കഫക്കെട്ട് എന്നിവ മൂലമുണ്ടാകുന്ന പ്രകോപനം വർദ്ധിപ്പിക്കുന്നു. നിങ്ങളുടെ കുട്ടി ഉറങ്ങാൻ പോകുമ്പോൾ നിങ്ങൾക്ക് ഇത് ഓണാക്കാം, ഇത് അവനെ / അവളെ ഒരു നല്ല രാത്രി ഉറക്കം നേടാൻ സഹായിക്കുകയും അടുത്ത ദിവസം രാവിലെ എഴുന്നേൽക്കുമ്പോഴേക്കും ക്ഷീണവും തളർച്ചയും കുറയ്ക്കുകയും ചെയ്യും.