സ്തനാർബുദ സാധ്യത കുറയ്ക്കാൻ മികച്ച യോഗാസനങ്ങൾ

ലോകത്തിലെ ഏറ്റവും സാധാരണമായ മൂന്ന് തരം കാൻസറുകളിൽ ഒന്നാണ് സ്തനാർബുദം. ലോകാരോഗ്യ സംഘടന പ്രസിദ്ധീകരിക്കുന്ന റിപ്പോർട്ടുകൾ പ്രകാരം ഓരോ വർഷവും ഏകദേശം 1.38 ദശലക്ഷം കാൻസർ കേസുകൾ റിപ്പോർട്ട് ചെയ്യപ്പെടുന്നു. ഇന്ത്യയിൽ മാത്രം, നഗരങ്ങളിൽ ജീവിക്കുന്ന ഓരോ 20 സ്ത്രീകളിലൊരാൾക്കും സ്തനാർബുദം ഉണ്ടെന്ന് കണ്ടെത്തിയിട്ടുണ്ട്. സ്തനാർബുദ കേസുകളുടെ എണ്ണത്തിൽ വളരെ വർദ്ധനവുണ്ടായതായി സമീപകാല പഠനങ്ങൾ തെളിയിച്ചിട്ടുണ്ട്. അതുകൊണ്ട് തന്നെ ഇതിനെ പ്രധാനമായും ഒരു പ്രധാന ആരോഗ്യ വിപത്തായി കണക്കാക്കാം. ജീവിതശൈലിയിലെ മാറ്റങ്ങൾ, പ്രത്യുൽപാദന മുൻഗണനകൾ, ഹോർമോൺ അസന്തുലിതാവസ്ഥ എന്നിവയാണ് സ്തനാർബുദ കേസുകളുടെ വർദ്ധനവിനുള്ള മറ്റ് കാരണങ്ങൾ.

ക്യാൻസറിനെ തടയുന്നതിനോ രോഗലക്ഷണങ്ങൾ നിയന്ത്രിക്കുന്നതിനോ ചികിത്സയെ പിന്തുണയ്ക്കുന്നതിനോ യോഗയ്ക്ക് ഒരു സമഗ്ര പരിഹാരമായി പ്രവർത്തിക്കാൻ കഴിയും. ഭാവങ്ങൾ, പ്രാണായാമം എന്നറിയപ്പെടുന്ന ശ്വസന വ്യായാമങ്ങൾ, ധ്യാനരീതികൾ, മുദ്രകൾ, മന്ത്രോച്ചാരണങ്ങൾ എന്നിവ ഉൾപ്പെടെയുള്ള പല ഘടകങ്ങളും യോഗയിൽ ഉൾക്കൊള്ളുന്നു. യോഗാസനങ്ങൾ ശരീരത്തിൽ ഗുണകരമായി പ്രവർത്തിക്കുകയും, അതേസമയം ശ്വസന രീതികൾ വികാരങ്ങളെ നിയന്ത്രിക്കാനും മാനസികാവസ്ഥയെ ഉയർത്താനും സഹായിക്കുന്നു. മനസുഖമുള്ള ജീവിതത്തിനായി മനസ്സിനെയും ശരീരത്തെയും ബന്ധിപ്പിക്കുന്നതിന് യോഗ ഫലപ്രദമായി പ്രവർത്തിക്കുന്നു.

യോഗ തെറാപ്പി അഥവാ യോഗ ചികിത്സ



നിങ്ങളുടെ ഡോക്ടറുമായി ആലോചിച്ച ശേഷം ഇനിപ്പറയുന്ന യോഗാസനങ്ങൾ പരിശീലിക്കുക. പരിശീലനം ലഭിച്ച യോഗാധ്യാപകന്റെ മാർഗനിർദേശത്തിലോ മേൽനോട്ടത്തിലോ ആയിരിക്കണം നിങ്ങൾ ഈ വ്യായാമങ്ങൾ നടത്തുന്നത് എന്ന് പ്രത്യേകം ഉറപ്പാക്കുക.

എല്ലാം മറന്ന് ചിരിക്കൂ… രോഗങ്ങളെ അകറ്റാൻ ചിരി യോഗ

നൗകാസനം അഥവാ ബോട്ട് പോസ്



കാലുകൾ മുന്നോട്ട് നീട്ടിക്കൊണ്ട് നിങ്ങളുടെ പായയിൽ ഇരിക്കുക, നിങ്ങളുടെ പുറം നേരെ വയ്ക്കുക. ശ്വാസം അകത്തേക്ക് എടുത്തുകൊണ്ട് കാലുകൾ 30 മുതൽ 45 ഡിഗ്രി വരെ ഉയർത്തിപ്പിടിക്കുക. നടുഭാഗം കൂനിക്കൂടി ഇരിക്കാതെ, നേരെ ഇരിക്കുവാൻ പ്രത്യേകം ശ്രദ്ധിക്കേണ്ടതാണ്. ഒറ്റ നോട്ടത്തിൽ ഒരു വഞ്ചി പോലെയായിരിക്കണം നിങ്ങൾ എന്നതാണ് ഇതുകൊണ്ട് ഉദ്ദേശിക്കുന്നത്

സുഖാസനം



നിങ്ങളുടെ പുറകുവശം നേരെപിടിച്ച് ചമ്രം പടിഞ്ഞ് ഇരിക്കുക. കൈകൾ നേരെ പിടിച്ച്, കാൽമുട്ടുകളിൽ കൈപ്പത്തികൾ വച്ച്, ധ്യാനിക്കുന്നത് പോലെ ഇരിക്കുക, ശ്വാസം പതിയെ ശ്രദ്ധയോടെ അകത്തേക്കും പുറത്തെക്കും എടുക്കുകയും കളയുകയും ചെയ്യുക.

സർപാസനം



കമിഴ്ന്ന് കിടന്ന് വിരലുകൾ നിങ്ങളുടെ പുറകിൽ കെട്ടി പരസ്പരം ബന്ധിപ്പിക്കുക. ശ്വാസം ഉള്ളിലേക്ക് എടുത്തുകൊണ്ട് നിങ്ങളുടെ അരയ്ക്ക് മുകൾഭാഗം മുകളിലേക്ക് ഉയർത്തി നിങ്ങളുടെ കൈകൾ പിന്നിലേക്ക് വലിച്ചു നീട്ടുക. നിങ്ങളുടെ കാലുകൾ തറയിൽ നിന്ന് ഉയർത്താൻ അനുവദിക്കരുത്.

ശലഭാസനം



നിങ്ങളുടെ തോളിന് താഴെ കൈപ്പത്തികൾ വച്ച്, കമിഴ്ന്ന് കിടക്കുക. നിങ്ങളുടെ കാൽപ്പാദങ്ങൾ ഒരുമിച്ച് ചേർത്ത്, കാൽവിരലുകൾ പുറത്തേക്ക് വയ്ക്കുക. ശ്വാസം അകത്തേക്ക് എടുത്തുകൊണ്ട് വലതു കൈ മുകളിലേക്ക് ഉയർത്തുകയും ഇടത് കാൽ പിന്നിലേക്ക് ഉയർത്തുകയും ചെയ്യുക. നിങ്ങളുടെ തലയും നെഞ്ചും മുകളിലേക്ക് ഉയർത്തുമ്പോൾ കാൽമുട്ടുകൾ നേരെയാക്കുക. നിങ്ങളുടെ ശരീരം താഴേക്കിറങ്ങുമ്പോൾ ശ്വാസം സാവധാനം പുറത്തേക്ക് വിടുക. മറുവശത്ത് ഇത് പോലെ തന്നെ ആവർത്തിക്കുക. ഈ പോസ് 10-15 സെക്കൻഡ് പിടിക്കുക.

അശ്വസഞ്ചലനാസനം



നിങ്ങളുടെ കാലുകൾ ഒന്നിച്ച് ചേർന്ന് നിൽക്കുന്ന സമസ്തിതി സ്ഥാനത്ത് ആരംഭിക്കുക, നിങ്ങളുടെ തോളുകൾ അയച്ചിടുക. ഇവിടെ നിന്ന് നിങ്ങളുടെ വലതു കാൽ പിന്നോട്ട് കൊണ്ടുപോയി വലത് കാൽമുട്ട് താഴേക്ക് വയ്ക്കുക. നിങ്ങളുടെ ഇടത് കാൽമുട്ടും കണങ്കാലും 90 ഡിഗ്രിയിൽ വിന്യസിച്ചിട്ടുണ്ടെന്ന് ഉറപ്പുവരുത്തി, നിങ്ങളുടെ പുറംഭാഗം നേരെ വയ്ക്കുക. നിങ്ങളുടെ ഹൃദയ ചക്രത്തിൽ കൈപ്പത്തി ചേർത്തുകൊണ്ട്, മുന്നോട്ട് നോക്കുക. മറുവശത്ത് ഇതുപോലെ തന്നെ ആവർത്തിക്കുക.

യോഗയുടെയും ആത്മീയതയുടെയും സഹായത്താൽ മനസ്സിനും ശരീരത്തിനും ആത്മാവിനും ഒരുപാട് നേട്ടങ്ങൾ കൈവരിക്കാൻ കഴിയും. ആത്മീയ പരിശീലനങ്ങളായ സിദ്ധോഹം ക്രിയ, ധ്യാനരീതികളായ ഭവിഗത ധ്യാനം, നമഹോ ഹിമാലയ മന്ത്രം എന്നിവ നല്ല ശുഭകരമായ ഊർജ്ജം നമ്മിൽ സൃഷ്ടിക്കുന്നു. ഈ രീതികൾ വൈബ്രേഷനുകൾ വർദ്ധിപ്പിക്കുകയും സ്തനാർബുദം ബാധിച്ചവരിൽ പുനരുജ്ജീവനം, ചികിത്സാ പ്രക്രിയ എന്നിവ വേഗത്തിലാക്കാൻ സഹായിക്കുകയും ചെയ്യുന്നു.