നാലാം ടെസ്റ്റ് വിജയം; പൊയിന്റ് പട്ടികയിൽ സ്ഥാനം മെച്ചപ്പെടുത്തി ഇന്ത്യ

ദർമശാലയിൽ മാർച്ച് 7 മുതൽ 11 വരെയാണ് ഇംഗ്ലണ്ടിനെതിരായ പരമ്പരയിലെ അവസാന മത്സരം

Rohit Sharma Test — നിലവിലെ ചാമ്പ്യൻമാരായ ഓസ്ട്രേലിയ 55 പൊയിന്റുകളുമായി മുന്നാം സ്ഥാനത്താണ്

റാഞ്ചിയിൽ ഇംഗ്ലണ്ടിനെതിരെ നടന്ന നാലാം ടെസ്റ്റ് മത്സര വിജയത്തോടെ ഐസിസി വേൾഡ് ടെസ്റ്റ് ചാമ്പ്യൻഷിപ്പ് 2023-25 പൊയിൻ്റ് പട്ടികയിൽ സ്ഥാനം മെച്ചപ്പെടുത്തി ടീം ഇന്ത്യ. ജെഎസ്‌സിഎ സ്റ്റേഡിയത്തിൽ നടന്ന മത്സരത്തിൽ 5 വിക്കറ്റിന്റെ ശ്രദ്ധേയമായ വിജയമാണ് ഇന്ത്യ നേടിയത്.

ഒരു മത്സരം കൂടി അവശേഷിക്കുന്ന പരമ്പരയിൽ, ഇംഗ്ലണ്ടിനെതിരെ 3-1 ന് അപരാജിത ലീഡ് നേടാനും വിജയം ഇന്ത്യയെ സഹായിച്ചു. 8 മത്സരങ്ങളിൽ 5 വിജയവും 2 തോൽവിയും 1 സമനിലയുമായി 64.58 പൊയിന്റ് പെർസന്റേജാണ് (പിസിറ്റി) ഇന്ത്യ നേടിയത്. രണ്ടാം സ്ഥാനത്താണ് ഇന്ത്യ. നാല് ടെസ്റ്റുകൾക്ക് ശേഷം 75 പൊയിൻ്റുമായി (പിസിടി) ന്യൂസിലാൻഡാണ് പട്ടികയിൽ മുന്നിൽ. നിലവിലെ ചാമ്പ്യൻമാരായ ഓസ്ട്രേലിയ 55 പൊയിന്റുകളുമായി മുന്നാം സ്ഥാനത്താണ്.

നാലാം ഇന്നിംഗ്‌സിൽ 192 റൺസ് വിജയലക്ഷ്യം പിന്തുടർന്ന ഇന്ത്യ വിക്കറ്റ് നഷ്ടമില്ലാതെ 40 റൺസ് എന്ന നിലയിലാണ് കളി ആരംഭിച്ചത്. ക്യാപ്റ്റൻ രോഹിത് ശർമ്മ അർദ്ധ സെഞ്ച്വറി നേടിയ ടോപ് ഓർഡറിനെ ഉറപ്പിച്ചു. മൂന്നാം നമ്പർ ബാറ്റ്‌സ്മാൻ ശുഭ്‌മാൻ ഗില്ലും ധ്രുവ് ജുറലും ചേർന്ന് പടുത്തുയർത്തിയ ആറാം വിക്കറ്റിലെ മികച്ച കൂട്ടുകെട്ടാണ് ഇന്ത്യക്ക് കരുത്തേകിയത്.

— BCCI (@BCCI) February 26, 2024

ഓഫ് സ്പിന്നർ ഷൊയ്ബ് ബഷീറിനെ തുടർച്ചയായി സിക്‌സറു പായിച്ച ഗിൽ അർധസെഞ്ചുറി നേടി. ഈ സൈക്കിളിലെ ഏഴു മത്സരങ്ങളിലെ അഞ്ചാം വിജമായിരുന്നു ഇന്ത്യ നേടിയത്. അതേസമയം, ആറാം തോൽവിക്ക് ശേഷം പൊയിന്റ് പട്ടികയിൽ എട്ടാം സ്ഥാനത്താണ് ഇംഗ്ലണ്ട്. സ്ലോ ഓവർ-റേറ്റിനെ തുടർന്ന് 19 പൊയിന്റുകളും ഇംഗ്ലണ്ടിന് നഷ്ടപ്പെട്ടിരുന്നു. രണ്ട് മത്സരങ്ങളിൽ നിന്ന് രണ്ട് തോൽവികളോടെ, പൊയിൻ്റ് പട്ടികയിൽ അവസാന സ്ഥാനത്തുള്ളത് ശ്രീലങ്കയാണ്.

പത്തു ദിവസത്തെ ഇടവേളയ്ക്ക് ശേഷമായിരിക്കും ഇരു ടീമുകളും അവസാന മത്സരത്തിനിറങ്ങുക. മാർച്ച് 7 മുതൽ 11 വരെ ദർമശാലയിലാണ് പരമ്പരയിലെ അവസാന ടെസ്റ്റ് മത്സരം നടക്കുക.