ടി20 ലോകകപ്പ്: യുഎസിലും ‘നായകൻ’ സഞ്ജു തന്നെ, തുടക്കം പന്തുകളിയോടെ

ക്യാപ്റ്റൻ രോഹിത് ശർമ്മയുടെ നേതൃത്വത്തിലുള്ള ഇന്ത്യൻ ടീം ലളിതമായ വ്യായാമങ്ങളിലാണ് ആദ്യ ദിനം ഏർപ്പെട്ടത്. വാമിങ് അപ് ചെയ്ത ശേഷം താരങ്ങൾ സ്ട്രെച്ചിങ് പരിശീലനങ്ങളിലും പിന്നീട് പന്തുകളിയിലും ഏർപ്പെട്ടു

Sanju Samson | playing football | Indian Cricket Team — വാമിങ് അപിന് ശേഷം താരങ്ങൾ സ്ട്രെച്ചിങ് പരിശീലനങ്ങളിലും പിന്നീട് പന്തുകളിയിലും ഏർപ്പെട്ടു (ഫൊട്ടോ: X/ ബിസിസിഐ, സ്ക്രീൻഗ്രാബ്)

ടി20 ലോകകപ്പിനായി യു.എസിലെത്തിയ ഇന്ത്യൻ ക്രിക്കറ്റ് ടീം ആദ്യ ദിവസത്തെ പരിശീലനം തുടങ്ങി. ക്യാപ്റ്റൻ രോഹിത് ശർമ്മയുടെ നേതൃത്വത്തിലുള്ള ഇന്ത്യൻ ടീം ലളിതമായ വ്യായാമങ്ങളിലാണ് ആദ്യ ദിനം ഏർപ്പെട്ടത്. വാമിങ് അപ് ചെയ്ത ശേഷം താരങ്ങൾ സ്ട്രെച്ചിങ് പരിശീലനങ്ങളിലും പിന്നീട് പന്തുകളിയിലും ഏർപ്പെട്ടു.

ഇന്ത്യൻ ക്രിക്കറ്റ് ടീമിൽ വിരാട് കോഹ്ലി ഒഴികെയുള്ള മുഴുവൻ താരങ്ങളും ഇതിനോടകം യു.എസിൽ എത്തിയിട്ടുണ്ട്. ഐപിഎല്ലിന് ശേഷം വിശ്രമം ആവശ്യപ്പെട്ട കോഹ്ലി സന്നാഹ മത്സരത്തിന് ശേഷമെ യു.എസിലെത്തൂ എന്നാണ് വിവരം.

Rohit Sharma lead Indian team in the practice session at New York 🇮🇳 pic.twitter.com/xcg5XxOVGA

— Johns. (@CricCrazyJohns) May 29, 2024

അതേസമയം, മലയാളി താരം സഞ്ജു സാംസണിന്റെ നേതൃത്വത്തിൽ ആദ്യ ദിനം ഫുട്ബോളാണ് ഇന്ത്യൻ ടീം പരിശീലനത്തിനായി തിരഞ്ഞെടുത്തത്.

— BCCI (@BCCI) May 29, 2024

രോഹിത് ശർമ്മ, ശുഭ്മാൻ ഗിൽ, സൂര്യകുമാർ യാദവ് എന്നിവർക്കൊപ്പമാണ് സഞ്ജു പാസിങ് ഗെയിം കളിച്ചത്. പന്തുകളിക്കാരനായ പിതാവിന്റെ പാരമ്പര്യം കാത്ത് മികച്ച പന്തടക്കവും തകർപ്പൻ ഷോട്ടുകളും സഞ്ജു ഇന്ത്യൻ ക്യാമ്പിൽ പുറത്തെടുത്തു.