റയൽ മാഡ്രിഡിന് ഇരട്ട സന്തോഷം; ചാമ്പ്യൻസ് ലീഗ് കിരീടത്തിന് പിന്നാലെ സൂപ്പർതാരം ടീമിലെന്ന് റിപ്പോർട്ട്

എംബാപ്പെ ഇന്ന് കരാർ നടപടികൾ പൂർത്തിയാക്കിയെന്നും അടുത്ത ആഴ്ച റയൽ മാഡ്രിഡ് ഇക്കാര്യം ഔദ്യോഗികമായി സ്ഥിരീകരിക്കുമെന്നും ഫാബ്രിസിയോ റൊമാനോവാണ് സ്ഥിരീകരിച്ചിരിക്കുന്നത്

UEFA Nations League, Kylian Mbappé — മുൻ ലോക ചാമ്പ്യന്മാരായ ഫ്രാൻസിനെ കഴിഞ്ഞ തവണ ഫൈനലിലും എത്തിക്കാൻ എംബാപ്പെയ്ക്ക് സാധിച്ചിരുന്നു

ഫ്രഞ്ച് സൂപ്പർതാരം കിലിയൻ എംബാപ്പെ റയൽ മാഡ്രിഡുമായി കരാറിലെത്തിയെന്ന് സൂചന. പ്രശസ്ത ഫുട്ബോൾ നിരീക്ഷകനായ ഫാബ്രിസിയോ റൊമാനോവാണ് ഇക്കാര്യം സ്ഥിരീകരിച്ചിരിക്കുന്നത്. എംബാപ്പെ ഇന്ന് കരാർ നടപടികൾ പൂർത്തിയാക്കിയെന്നും അടുത്ത ആഴ്ച റയൽ മാഡ്രിഡ് ഇക്കാര്യം ഔദ്യോഗികമായി സ്ഥിരീകരിക്കുമെന്നും അദ്ദേഹം ട്വീറ്റ് ചെയ്തു.

“കിലിയൻ എംബാപ്പെ റയൽ മാഡ്രിഡിലേക്ക്, ഇതാ ഞങ്ങൾ പോകുന്നു. എല്ലാ രേഖകളും ഒപ്പിട്ടു. കരാർ സീൽ ചെയ്ത് പൂർത്തീകരിച്ചു. റയൽ മാഡ്രിഡ്, ചാമ്പ്യൻസ് ലീഗ് നേടിയതിന് ശേഷം എംബാപ്പെയെ അടുത്ത ആഴ്ച പുതിയ സൈനിംഗായി പ്രഖ്യാപിക്കും. എംബാപ്പെ ഫെബ്രുവരിയിൽ തൻ്റെ തീരുമാനം എടുത്തിരുന്നു. എംബാപ്പെയെ ഇപ്പോൾ മുതൽ റയൽ കളിക്കാരനായി കണക്കാക്കാം,” റൊമാനോ ട്വീറ്റ് ചെയ്തു.

🚨⚪️ Kylian Mbappé to Real Madrid, HERE WE GO! Every document has been signed, sealed and completed.

Real Madrid, set to announce Mbappé as new signing next week after winning the Champions League.

Mbappé made his decision in February; he can now be considered new Real player. pic.twitter.com/MMqEp1C0pK

— Fabrizio Romano (@FabrizioRomano) June 2, 2024

ലയണൽ മെസ്സി ഇന്റർ മയാമിയിലേക്ക് പോകുമെന്ന വിവരം ആദ്യം പുറംലോകത്ത് എത്തിച്ചത് ഫാബ്രിസിയോ റൊമാനോ ആയിരുന്നു. അതേസമയം, ചാമ്പ്യൻസ് ലീഗ് ജേതാക്കളായ റയൽ മാഡ്രിഡ് എംബാപ്പെയുമായി കരാറിലെത്തിയ വിവരം ഇതുവരെയും സ്ഥിരീകരിച്ചിട്ടില്ല.

Kylian Mbappe, here we go! pic.twitter.com/VXAsR2wOOX

— TC (@totalcristiano) June 2, 2024

മുൻ ലോക ചാമ്പ്യന്മാരായ ഫ്രാൻസിനെ കഴിഞ്ഞ തവണ ഫൈനലിലും എത്തിക്കാൻ എംബാപ്പെയ്ക്ക് സാധിച്ചിരുന്നു. അടുത്തിടെയാണ് പാരീസ് സെന്റ് ജർമ്മെയ്നിൽ നിന്ന് വിടവാങ്ങുന്നതായി താരം പ്രഖ്യാപിച്ചത്. ക്ലബ്ബുമായുള്ള കരാർ അവസാനിച്ചതോടെ ഫ്രീ ഏജന്റായിട്ടാണ് എംബാപ്പെ സ്വന്തം തട്ടകം വിട്ടത്.