ചര്‍ച്ചിന് സ്ഥലം നല്‍കിയത് അബൂദാബി കിരീടാവകാശി
അബൂദാബി കിരീടാവകാശിയും യുഎഇ സായുധസേനാ ഡെപ്യൂട്ടി സുപ്രീം കമാന്‍ററുമായ ശെയ്ഖ് മുഹമ്മദ് ബിന്‍ സായിദ് അല്‍ നഹ്‌യാന്‍ ക്രിസ്ത്യന്‍ പള്ളി നിര്‍മാണത്തിനായി അബൂ മുറൈഖില്‍ അനുവദിച്ച 4.37 ഏക്കര്‍ സ്ഥലത്ത് നിര്‍മിക്കുന്ന ദേവാലയത്തിനാണ് അദ്ദേഹം ഒരു കോടിയിലേറെ രൂപ സഹായമായി നല്‍കിയത്. അബൂദാബി സിഎസ്‌ഐ പാരിഷ് വികാരി റവ. ലാല്‍ജി എം ഫിലിപ്പിന് എംഎ യൂസുഫലി തുകയ്ക്കുള്ള ചെക്ക് കൈമാറി. ചടങ്ങില്‍ സിഎസ്‌ഐ ബിഷപ്പ് റവ. ഡോ. മലയില്‍ സാബു കോശി ചെറിയാന്‍ ഓണ്‍ലൈനായി പങ്കെടുത്തു. ലോകത്തിലെ ഏറ്റവും സമാധാന പൂര്‍ണവും സഹിഷ്ണുതയില്‍ അധിഷ്ഠിതമായതുമായ രാജ്യമായി യുഎഇയെ മാറ്റിയെടുത്ത ഭരണാധികാരികള്‍ക്ക് ഫാദര്‍ ലാല്‍ജി നന്ദി പറഞ്ഞു. ഇത്തരത്തിനലുള്ള എല്ലാ മഹദ് സംരംഭങ്ങള്‍ക്കും പൂര്‍ണ പിന്തുണയും സഹായവും നല്‍കുന്ന മലയാളി വ്യവസായി യൂസുഫലിക്കും നന്ദി അറിയിക്കുന്നതായും അദ്ദേഹം കൂട്ടിച്ചേര്‍ത്തു.
യുഎഇ സഹിഷ്ണുതയുടെ മാതൃക
200ലേറെ രാജ്യക്കാരും എല്ലാ മതവിഭാഗങ്ങളുടെയും ആരാധനാലയങ്ങളുമുള്ള യുഎഇയില്‍ വ്യത്യസ്ത മതക്കാര്‍ക്ക് പരസ്പരം സഹകരണത്തോടെയും സഹവര്‍ത്തിത്തത്തോടെയും കഴിയാനുള്ള സാഹചര്യമാണ് ഭരണാധികാരികള്‍ ഒരുക്കിയിരിക്കുന്നതെന്ന് യൂസുഫലി പറഞ്ഞു. യുഎഇ രാഷ്ട്രപിതാവ് ശെയ്ഖ് സായിദ് ബിന്‍ സുല്‍ത്താന്‍ അല്‍ നഹ്‌യാന്‍ വിഭാവനം ചെയ്ത ബഹുസ്വരതാ ആശയങ്ങളാണ് നിലവിലെ യുഎഇ ഭരണകൂടവും പിന്തുടരുന്നത്. ഈ മഹദ് സംരംഭത്തിന്‍റെ ഭാഗമാവാന്‍ സാധിച്ചതില്‍ അഭിമാനിക്കുന്നതായും യൂസുഫലി കൂട്ടിച്ചേര്‍ത്തു.
നിര്‍മാണം ഈ വര്‍ഷം പൂര്‍ത്തിയാവും
15,000 ചതുരശ്ര അടി വിസ്തൃതിയില്‍ നിര്‍മ്മിക്കുന്ന ക്രിസ്ത്യന്‍ പള്ളിയില്‍ 750 പേര്‍ക്ക് ഒരേ സമയം പ്രാര്‍ഥിക്കാനുള്ള സൗകര്യമുണ്ട്. യുഎഇ സഹിഷ്ണുതാ-സഹവര്‍ത്തിത്വ വകുപ്പ് മന്ത്രി ശെയ്ഖ് നഹ്‌യാന്‍ ബിന്‍ മുബാറക് അല്‍ നഹ്‌യാനാണ് സിഎസ്‌ഐ ദേവാലയത്തിന് കഴിഞ്ഞ വര്‍ഷം തറക്കല്ലിട്ടത്. കഴിഞ്ഞ വര്‍ഷം നവംബറില്‍ ആരംഭിച്ച പള്ളിയുടെ നിര്‍മാണപ്രവൃത്തി ഈ വര്‍ഷം അവസാനത്തോടെ പൂര്‍ത്തിയാക്കാനാണ് പദ്ധതി.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : businessman ma yusuf ali donated one crore rupees to abudhabi csi church construction
Malayalam News from malayalam.samayam.com, TIL Network
