ക്രിസ്റ്റ്യാനോയുടെ മുത്തം വാങ്ങി ചിരിക്കുടുക്ക; കുട്ടിക്കുറുമ്പനൊപ്പം സെൽഫി, വീഡിയോ

Cristiano Ronaldo, UEFA Euro 2024 football: തുർക്കിക്കെതിരായ മത്സരത്തിൽ ഗോളടിച്ചില്ലെങ്കിലും പോർച്ചുഗലിന്റെ നായകൻ ക്രിസ്റ്റ്യാനോ റൊണാൾഡോ എപ്പോഴും വാർത്തകളിൽ നിറയുകയാണ്. മത്സരത്തിനിടെ താരാരാധന മൂത്ത് ആറ് പേരാണ് ഗ്രൌണ്ടിലേക്ക് ഇടിച്ചുകയറിയത്

Cristiano Ronaldo | Selfie with Kid — മത്സരത്തിനിടെ താരാരാധന മൂത്ത് ആറ് പേരാണ് ഗ്രൌണ്ടിലേക്ക് ഇടിച്ചുകയറിയത്

Cristiano Ronaldo, UEFA Euro 2024 football: തുർക്കിക്കെതിരായ മത്സരത്തിൽ ഗോളടിച്ചില്ലെങ്കിലും പോർച്ചുഗലിന്റെ നായകൻ ക്രിസ്റ്റ്യാനോ റൊണാൾഡോ എപ്പോഴും വാർത്തകളിൽ നിറയുകയാണ്. മത്സരത്തിനിടെ താരാരാധന മൂത്ത് ആറ് പേരാണ് ഗ്രൌണ്ടിലേക്ക് ഇടിച്ചുകയറിയത്. ഇത്രയും തവണ മത്സരം തടസ്സപ്പെട്ടതിൽ ക്രിസ്റ്റ്യാനോ തന്നെ നീരസം പ്രകടിപ്പിക്കുകയും ചെയ്തിരുന്നു.

F*CK IT, I’M CRISTIANO RONALDOpic.twitter.com/b74V2ZBHxx

— fan (@NoodleHairCR7) June 22, 2024

എന്നാൽ കുട്ടികളോടുള്ള ക്രിസ്റ്റ്യാനോയുടെ വാത്സല്യ പ്രകടനം ഇന്നലത്തെ മത്സരത്തിനിടയിലും ദൃശ്യമായിരുന്നു. മത്സരത്തിനിടെ തന്റെ അരികിലേക്ക് ഓടിയെത്തിയ ഒരു കുട്ടിക്കുറുമ്പനെ ചേർത്തു നിർത്തി സന്തോഷത്തോടെ സെൽഫിക്ക് പോസ് ചെയ്യാനും ക്രിസ്റ്റ്യാനോ റൊണാൾഡോ തയ്യാറായി.

— TC (@totalcristiano) June 22, 2024

സെൽഫി എടുത്ത കുഞ്ഞു ആരാധകൻ ഗ്രൌണ്ട് സെക്യൂരിറ്റി സ്റ്റാഫിനും പിടികൊടുക്കാതെ ഓടുമ്പോൾ കാണികൾക്ക് അതൊരു കൌതുക കാഴ്ചയായിരുന്നു.

A little boy ran onto the pitch during the Portugal vs. Turkey match to take a photo with Cristiano Ronaldo.

The footballer did not refuse the fan. pic.twitter.com/pxH4eeKE6L

— NEXTA (@nexta_tv) June 23, 2024

പലരും കയ്യടികളോടെയാണ് കുഞ്ഞ് റൊണാൾഡോ ആരാധകനെ പ്രോത്സാഹിപ്പിച്ചത്.

— GOAL Indonesia (@GOAL_ID) June 23, 2024

മത്സരത്തിന് ദേശീയ ഗാനത്തിനായുള്ള ലൈനപ്പ് സമയത്ത് ഒരു കുഞ്ഞു ആരാധികയുടെ ആവേശവും ഇന്റർനെറ്റിൽ വൈറലാണ്. ക്രിസ്റ്റ്യാനോയുടെ കൈപിടിച്ച് നടക്കാൻ അവസരം കിട്ടിയില്ലെങ്കിലും പോർച്ചഗലിന്റെ ഗോൾ കീപ്പർ പാട്രീഷ്യോയ്ക്ക് ഒപ്പമായിരുന്നു അവൾ ഗ്രൗണ്ടിലേക്ക് വന്നത്.

⁴ᵏ Cristiano Ronaldo ᴬᵁᴿᴬᴬᴬ 🐐✨ pic.twitter.com/mHZPGJQmZ5

— بزبلو . (@IBZBLUE) June 22, 2024

എന്നാൽ, താൻ ടി.വി യിൽ മാത്രം കണ്ടിരുന്നു ആ ഇതിഹാസത്തെ നേരിൽ കണ്ട സന്തോഷത്തിൽ അയാളുടെ മുഖത്ത് നിന്നും അവൾ കണ്ണെടുക്കാതെ നോക്കി നിന്നു.

ദേശീയഗാന സമയത്തും അവൾ ക്രിസ്റ്റ്യാനോയെ തന്നെ അത്ഭുതത്തോടെ നോക്കി നിന്നു. അപ്പോഴാണ് റോണോയും അവളെ ശ്രദ്ധിക്കുന്നത്. ദേശീയ ഗാനം അവസാനിച്ചതോടെ അവളെ ചേർത്തു പിടിച്ചു ഒരു മുത്തം നൽകി. അതോടെ അവളുടെ കൂട്ടുകാരിയെക്കാൾ കൂടുതൽ സന്തോഷം അവളുടെ മുഖത്ത് തിളങ്ങി നിൽക്കുന്നത് കാണാമായിരുന്നു.