ലോകകപ്പിൽ ഇന്ത്യയുടെ ചരിത്രം തിരുത്തിക്കുറിച്ച തകർപ്പൻ ക്യാച്ചുകൾ

ഡേവിഡ് മില്ലർ ഉയർത്തിയടിച്ച പന്ത് ബൌണ്ടറി ലൈനിൽ സൂപ്പർമാനെ പോലെ കൈപ്പിടിയിലൊതുക്കി സൂര്യകുമാർ യാദവ് ഇന്ത്യയ്ക്ക് നേടിക്കൊടുത്തത് ടി20 ലോകകപ്പ് തന്നെയായിരുന്നു. ആ പന്ത് സിക്സർ പോയിരുന്നുവെങ്കിൽ കളി തിരിഞ്ഞേനെ

Suryakumar Yadav catch | Kapil Dev catch

ടി20 ലോകകപ്പിൽ ദക്ഷിണാഫ്രിക്കയുടെ ഡേവിഡ് മില്ലറെ പുറത്താക്കിയ സൂര്യ കുമാർ യാദവിന്റെ തകർപ്പൻ ക്യാച്ചിന് കയ്യടിച്ച് ക്രിക്കറ്റ് ലോകം. ഇന്ത്യ ഉയർത്തിയ 177 റൺസിന്റെ വിജയലക്ഷ്യം അനായാസം പ്രോട്ടീസ് പട മറികടക്കുമെന്ന് വിചാരിച്ചിരിക്കെയാണ് അവസാന ഓവറുകളിൽ കാര്യങ്ങൾ കീഴ്മേൽ മറിഞ്ഞത്. അക്സർ പട്ടേൽ എറിഞ്ഞ 15ാം ഓവറിൽ ഹെൻറിക് ക്ലാസൻ 24 റൺസാണ് അടിച്ചെടുത്തത്. ഇതോടെ കാര്യങ്ങൾ ഇന്ത്യയുടെ കൈവിട്ടുവെന്നാണ് ഏവരും കരുതിയത്.

എന്നാൽ പ്രതീക്ഷ കൈവിടാതെ ഇന്ത്യൻ പേസ് പട തിരിച്ചടിക്കുന്ന കാഴ്ചയാണ് പിന്നീട് കണ്ടത്. ജസ്പ്രീത് ബുമ്രയെ തിരിച്ചുവിളിച്ച രോഹിത് അടുത്ത ഓവറിൽ വിട്ടുനൽകിയത് വെറും നാല് റൺസാണ്. 17ാം ഓവറിൽ അപകടകാരിയായ ക്ലാസനെ (52) പുറത്താക്കി ഹാർദിക് പാണ്ഡ്യയും ഇന്ത്യൻ പ്രതീക്ഷകൾ കാത്തു. നാല് റൺസ് മാത്രമാണ് അദ്ദേഹം വിട്ടുനൽകിയത്.

Historic! @surya_14kumar’s catch will be remembered for ages, just the way Kapil Dev’s catch in the 1983 World Cup final of Sir Viv Richards. pic.twitter.com/L8RtHOLmjy

— Anupam Pratihary (@IPratihary) June 29, 2024

18ാം ഓവറിൽ വെറും രണ്ട് റൺസ് മാത്രം വിട്ടുനൽകി മാർക്കോ ജാൻസനെയും വീഴ്ത്തി ബുമ്ര ഇന്ത്യയ്ക്ക് മേധാവിത്തം നൽകി. വെറും നാല് റൺസ് മാത്രം വിട്ടുനൽകി അർഷ്ദീപ് സിങ് ഒരു വിക്കറ്റും ഉൾപ്പെടെ 19ാം ഓവർ എറിഞ്ഞു തീർത്തപ്പോൾ കളി ഇന്ത്യയുടെ വരുതിയിലായിരുന്നു.

Kapil Dev’s catch of Viv Richards in the 1983 World Cup.

Suryakumar Yadav’s catch of David Miller in the 2024 T20 World Cup.

– Two iconic catches in Indian cricket history! 🇮🇳 pic.twitter.com/aJvptwQUtC

— Mufaddal Vohra (@mufaddal_vohra) June 30, 2024

അവസാന ഓവറിൽ ആറ് പന്തിൽ 16 റൺസാണ് ദക്ഷിണാഫ്രിക്കയ്ക്ക് ജയിക്കാൻ വേണ്ടിയിരുന്നത്. ഈ ഓവർ എറിയാനെത്തിയതാകട്ടെ ഹാർദിക് പാണ്ഡ്യയും. ഹാർദിക് എറിഞ്ഞ ഈ ഓവറിലെ ലോ വൈഡ് ഫുൾ ടോസാണ് കളി തിരിച്ചത്.

ആദ്യ പന്ത് നേരിട്ട ഡേവിഡ് മില്ലർ ഉയർത്തിയടിച്ച പന്ത് ബൌണ്ടറി ലൈനിൽ സൂപ്പർമാനെ പോലെ കൈപ്പിടിയിലൊതുക്കി സൂര്യകുമാർ യാദവ് ഇന്ത്യയ്ക്ക് നേടിക്കൊടുത്തത് ടി20 ലോകകപ്പ് തന്നെയായിരുന്നു. ആ പന്ത് സിക്സർ പോയിരുന്നുവെങ്കിൽ കളി തിരിഞ്ഞേനെ.

On Kapil Dev’s birthday, re-live his greatest moment as India captain – the 1983 @cricketworldcup final win, including his stunning catch running back to dismiss Sir Viv Richards. pic.twitter.com/89H9chRRDa

— ICC (@ICC) January 6, 2019

‘ക്യാച്ചുകൾ മാച്ചുകൾ ജയിപ്പിക്കുന്നു’ എന്ന പ്രശസ്തമായ ക്രിക്കറ്റ് വാക്കുകൾ കടമെടുത്താൽ മത്സരത്തിൽ ഏറെ നിർണായകമായ നിമിഷങ്ങളിലൊന്നായിരുന്നു സൂര്യ നേടിയ ഈ വണ്ടർ ക്യാച്ച്.

1983 ഏകദിന ലോകകപ്പ് ഫൈനലിൽ ഇന്ത്യൻ നായകൻ കപിൽ ദേവ് എടുത്ത വിവിയൻ റിച്ചാർഡ്സിന്റെ ക്യാച്ചിനോടാണ് പലരും സൂര്യയുടെ ഈ അവിസ്മരണീയ ക്യാച്ചിനെ ഉപമിക്കുന്നത്.