‘കേരളത്തിന്റെ ദൈവം പച്ചരി വിജയൻ’; ക്ഷേത്ര കവാടത്തിലെ ഫ്ലക്സിനെതിരെ വിടി ബൽറാം

കൊച്ചി: പച്ചീരി ക്ഷേത്രത്തിനു മുന്നിൽ സ്ഥാപിച്ച മുഖ്യമന്ത്രി പിണറായി വിജയന്റെ ഫ്ലക്സിനെതിരെ പരിഹാസവുമായി തൃത്താല മുൻ എംഎൽഎ വിടി ബൽറാം. ‘ആരാണ് ദൈവമെന്ന് നിങ്ങൾ ചോദിച്ചു. അന്നം തരുന്നവനെന്ന് ജനം പറഞ്ഞു. കേരളത്തിന്റെ ദൈവം.’ എന്നാണ് പിണറായി വിജയന്റെ ചിത്രമുള്ള ഫ്ലക്സിലെ വരികൾ. ഇതിനെ പരിഹസിച്ചാണ് ബൽറാം രംഗത്തെത്തിയിരിക്കുന്നത്.



കരുവന്നൂർ വായ്പ തട്ടിപ്പ്: സിപിഎം അംഗങ്ങൾക്കെതിരായ നടപടി ചർച്ച ചെയ്യാൻ നാളെ ജില്ല സെക്രട്ടേറിയറ്റ് യോഗം

“രണ്ട് പ്രതിഷ്ഠയാണവിടെ. ഒന്ന് അനുഗ്രഹം തരുന്ന വൈകുണ്ഠത്തിൻ്റെ ദൈവം പച്ചീരി വിഷ്ണു, രണ്ട് അന്നം തരുന്ന കേരളത്തിൻ്റെ ദൈവം പച്ചരി വിജയൻ.” എന്നാണ് ബൽറാമിന്റെ ഫേസ്ബുക്ക് പോസ്റ്റ്. പച്ചീരി വിഷ്ണു ക്ഷേത്രത്തിനു മുന്നിലാണ് പിണറായി വിജയന്റെ ചിത്രമുള്ള ഫ്ലക്സ് ബോർഡ് സ്ഥാപിച്ചിരിക്കുന്നത്.

വാക്‌സിൻ നൽകുന്നതിൽ കേരളം ദേശീയ ശരാശരിയേക്കാൾ മുന്നിൽ; ബാക്കിയുള്ളത് 4,99,000 വാക്‌സിനെന്നും മുഖ്യമന്ത്രി

ക്ഷേത്രത്തിനു മുന്നിലെ ഫ്ലക്സ് ആരാണ് സ്ഥാപിച്ചതെന്ന് വ്യക്തമല്ല. ബൽറാമിനു പിന്തുണച്ച് കോൺഗ്രസ് അനുഭാവികൾ കമന്റ് ചെയ്തിട്ടുണ്ട്. “നിങ്ങൾ മതത്തിലേക്ക് ചുരുങ്ങുമ്പോൾ ഞങ്ങൾ മനുഷ്യരിലേക്ക് പടരും.” അതിലൊരാളുടെ പരിഹാസം. എന്നാൽ പേരിനു പോലും ഫ്ലക്സ് വെയ്ക്കാൻ അനുഭാവികളില്ലാത്ത ബൽറാമിന് അസൂയ ആണെന്നാണ് ഇടത് അനുഭാവി കമന്റ് ചെയ്തിരിക്കുന്നത്.