ഭാര്യയുമായി അടുപ്പമെന്ന് സംശയം; പാകിസ്ഥാനിൽ യുവാവിന്‍റെ മൂക്കും ചെവിയും മുറിച്ചുമാറ്റി

ലാഹോർ: ഭാര്യയുമായി അടുപ്പം പുലർത്തുന്നെന്നാരോപിച്ച് യുവാവിന്‍റെ മൂക്കും ചെവിയും മുറിച്ചുമാറ്റി. പാക്കിസ്ഥാനിലെ പഞ്ചാബ് പ്രവിശ്യയിൽ വ്യാഴാഴ്ചയാണ് സംഭവം. ലാഹോറിൽ നിന്ന് 375 കിലോമീറ്റർ അകലെയുള്ള മുസാഫർനഗറിലാണ് യുവാവിനെ മൂക്കും ചെവിയും മുറിച്ചുമാറ്റപ്പെട്ട നിലയിൽ ആശുപത്രിയിൽ പ്രവേശിപ്പിച്ചതെന്ന് വാർത്താ ഏജൻസിയായ പിടിഐയാണ് റിപ്പോർട്ട് ചെയ്തത്.

അബ്ദുൾ ഖയൂം എന്നയാളാണ് മുഹമ്മദ് അക്രം എന്ന യുവാവിവെ കത്തികൊണ്ട് ആക്രമിച്ചതെന്നാണ് പോലീസ് പറയുന്നത്. ഇരുവരും ഒരേ ഗ്രാമത്തിൽ തന്നെയുള്ളവരാണ്. ഭാര്യയുമായി അക്രമിന് വിവാഹേതര ബന്ധം ഉണ്ടെന്ന് ആരോപിച്ചായിരുന്നു കൃത്യം.

Also Read : ആസൂത്രണ ബോർഡ് അംഗത്വം: ജോസ് കെ മാണി വിളിച്ചിരുന്നു, ഒരു പാർട്ടിയുമായും ബന്ധമില്ലെന്ന് സന്തോഷ് ജോർജ് കുളങ്ങര



“വ്യാഴാഴ്ച വീട്ടിലേക്ക് പോവുകയായിരുന്ന അക്രമിനെ തടഞ്ഞുനിർത്തിയ ഖയൂമും കൂട്ടാളികളും ആളൊഴിഞ്ഞ സ്ഥലത്തേക്ക് കൊണ്ടുപോയി അക്രമിക്കുകയായിരുന്നു. യുവാവിന്‍റെ മൂക്കും ചെവിയും കത്തി ഉപയോഗിച്ച് സംഘം മുറിച്ചുമാറ്റി. ഗുരുതരമായി പരിക്കേറ്റ ഇയാളെ ഉപേക്ഷിച്ച് അവർ കടന്നുകളയുകയും ചെയ്തു” പോലീസ് പറഞ്ഞു.

Also Read : ജി സുധാകരനെതിരെ നടപടിയുണ്ടാകുമോ? അമ്പലപ്പുഴയിലെ തെരഞ്ഞെടുപ്പ് വീഴ്ച; സിപിഎം അന്വേഷണ കമ്മീഷൻ തെളിവെടുപ്പ് ഇന്ന് മുതൽ



ഗുരതരമായി പരിക്കേറ്റ അക്രമിനെ മുൾട്ടാനിലെ ആശുപത്രിയിൽ പ്രവേശിപ്പിച്ചിരിക്കുകയാണ്. ഖയൂമിനെ അറസ്റ്റ് ചെയ്തതായും പ്രതി കുറ്റം സമ്മതിച്ചെന്നും പോലീസ് പറഞ്ഞു. ഇയാളുടെ കൂട്ടാളികളെ പിടിക്കാനുള്ള ശ്രമം തുടരുകയാണ്.