ദുബായ്> യുഎഇ സെയിൽസ് ഗ്യാസ് പൈപ്പ്ലൈൻ നെറ്റ്‌വർക്ക് മെച്ചപ്പെടുത്തുന്നതിൻ്റെ ഭാഗമായി എസ്റ്റിഡാമ പ്രോജക്റ്റിനായുള്ള എഞ്ചിനീയറിംഗ്, പ്രൊക്യുർമെൻ്റ്, കൺസ്ട്രക്ഷൻ (ഇപിസി) കരാറുകൾ അഡ്‌നോക് ഗ്യാസ് പ്രഖ്യാപിച്ചു.
550 മില്യൺ ഡോളറിൻ്റെ (2 ബില്യൺ എഇഡി) കരാറുകൾ എൻഎംഡിസി എനർജി പിജെഎസ്സി, ഗാൽഫാർ എൻജിനീയറിങ് ആൻഡ് കോൺട്രാക്ടിങ് ഡബ്ല്യുഎൽഎൽ എമിറേറ്റ്‌സ് എന്നിവയ്‌ക്ക് നൽകി. പ്രാദേശിക സാമ്പത്തിക വളർച്ചയെയും വൈവിധ്യവൽക്കരണത്തെയും പിന്തുണയ്ക്കുന്ന അഡ്നോകിൻ്റെ ഇൻ-കൺട്രി വാല്യൂ (ICV) പ്രോഗ്രാമിലൂടെ കരാറുകളുടെ മൂല്യത്തിൻ്റെ ഏകദേശം 70% യുഎഇ സമ്പദ്‌വ്യവസ്ഥയിലേക്ക് തിരികെയെത്തുമെന്ന് പ്രതീക്ഷിക്കുന്നു.
വടക്കൻ എമിറേറ്റുകളിലെ ഉപഭോക്താക്കൾക്ക് ഉയർന്ന അളവിലുള്ള പ്രകൃതി വാതകം ലഭ്യമാക്കാൻ എസ്റ്റിഡാമ യുഎഇയുടെ പ്രകൃതി വാതക പൈപ്പ്ലൈൻ ശൃംഖല 3,200 കിലോമീറ്ററിൽ നിന്ന് 3,500 കിലോമീറ്ററിലേക്ക് വികസിപ്പിക്കും. പദ്ധതിക്ക് വേണ്ടിയുള്ള മൂലധന ചെലവുകൾ അഡ്‌നോക് വഹിക്കും. യുഎഇയുടെ ഗ്യാസ് പൈപ്പ്ലൈൻ ശൃംഖലയുടെ തുടർച്ചയായ വിപുലീകരണത്തെ ഈ അവാർഡ് പിന്തുണയ്ക്കുന്നുവെന്ന് അഡ്‌നോക് ഗ്യാസ് സിഇഒ ഡോ. അഹമ്മദ് അലബ്രി പറഞ്ഞു. ഇത് രാജ്യത്തെ കൂടുതൽ സ്ഥലങ്ങളിലേക്ക് സുസ്ഥിരവും ചെലവ് കുറഞ്ഞതുമായ പ്രകൃതി വാതകം എത്തിക്കുമെന്നും അദ്ദേഹം കൂട്ടിച്ചേർത്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
