കത്തോലിക്ക പുരോഹിതന്‍ തമിഴ്‌നാട്ടില്‍ അറസ്റ്റില്‍; ഭാരതമാതാവിനെ അപമാനിച്ചെന്ന്, വൈദികനെതിരെ മുപ്പതോളം പരാതികൾ

മധുര: ഭാരതമാതാവിനെ അപമാനിച്ചെന്ന പരാതിയിൽ ക്രിസ്ത്യൻ പുരോഹിതൻ തമിഴ്നാട്ടിൽ അറസ്റ്റിൽ. ബിജെപിയുടെയും ഹിന്ദു സംഘടനകളുടെയും പരാതിയിൽ കന്യാകുമാരി സ്വദേശി ജോർജ് പൊന്നയ്യ ആണ് അറസ്റ്റിലായത്.



കേന്ദ്രത്തിന് ഉറപ്പില്ല, എന്ന് ഇന്ത്യയില്‍ എല്ലാവര്‍ക്കും വാക്സിന്‍ കിട്ടുമെന്ന്

കഴിഞ്ഞ ഞായറാഴ്ച കന്യാകുമാരി അരമനയിൽ നടന്ന യോഗത്തിൽ വൈദികൻ നടത്തിയ പ്രസംഗത്തിൻ്റെ ഭാഗങ്ങൾ പുറത്തുവന്നിരുന്നു. പ്രസംഗത്തിൻ്റെ ചില ഭാഗങ്ങൾ സമൂഹമാധ്യമങ്ങളിൽ ചർച്ചയാതോടെ ബിജെപി നേതാക്കളും ചില ഹിന്ദു സംഘടനകളും പോലീസിൽ പരാതി നൽകുകയായിരുന്നു.

വൈദികനെതിരെ കന്യാകുമാരിയിൽ മാത്രം മുപ്പതോളം പരാതികളാണ് ലഭിച്ചതോടെയാണ് പോലീസ് കേസെടുത്ത് അന്വേഷണം ആരംഭിച്ചത്. തമിഴ്നാട്ടിലെ മധുരയിൽ വെച്ചാണ് അറസ്റ്റ് ഉണ്ടായത്. മതസ്പർധ, സമൂഹത്തിൽ ഭിന്നിപ്പുണ്ടാക്കൽ എന്നീ കുറ്റങ്ങളാണ് പ്രധാനമായും ചുമത്തിയിരിക്കുന്നത്. കൊവിഡ് നിയന്ത്രണങ്ങൾ അവഗണിച്ച് യോഗം നടത്തിയെന്ന കേസും ചുമത്തിയിട്ടുണ്ട്.

മഹാരാഷ്ട്രയിൽ കനത്ത മഴയിൽ വ്യാപക നാശനഷ്ടം; രണ്ട് ദിവസത്തിനിടെ 129 മരണം

കൊവിഡ് വ്യാപനവുമായി ബന്ധപ്പെട്ട് നടത്തിയ പ്രസ്താവനയാണ് വൈദികനെതിരെ പരാതിക്ക് കാരണമായത്. ഭാരതമാതാവിൽ നിന്നും രോഗം പടരാതിരിക്കാൻ ചെരിപ്പും ഷൂസും ധരിക്കണമെന്ന പരാമർശമാണ് വിവാദമായത്. പ്രസംഗത്തിൻ്റെ വിവാദ ഭാഗങ്ങൾ സമൂഹമാധ്യമങ്ങൾ വ്യാപകമായി പ്രചരിച്ചിരുന്നു.