കർണാടകയിൽ 13കാരിയെ ബലാത്സംഗം ചെയ്തു കൊന്നു; മൃതദേഹം കണ്ടെത്തിയത് ചോളപ്പാടത്ത് നിന്ന്

ചിത്രദുർഗ: കർണാടകയിൽ പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്തു കൊലപ്പെടുത്തി. ചിത്രദുർഗ ഇസ്സാമുദ്ര ഗ്രാമത്തിൽ വെള്ളിയാഴച സംഭവം. വീടിനോട് ചേർന്ന ചോളപ്പാടത്ത് നിന്നാണ് എട്ടാം ക്ലാസ് വിദ്യാർഥിനിയുടെ മൃതദേഹം കണ്ടെത്തിയത്. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.



കൊരട്ടി ദേശീയപാതയിൽ നിന്ന് 200 കിലോ കഞ്ചാവ് പിടിച്ചെടുത്തു; അഞ്ച് പേർ പിടിയിൽ

13 വയസുകാരിയുടെ മരണത്തിൽ അന്വേഷണം ആരംഭിച്ചെന്നും പോക്സോ നിയമപ്രകാരം കേസെടുത്തതായും പോലീസ് പറഞ്ഞു. പ്രതികളെക്കുറിച്ചുള്ള വിവരങ്ങൾ ഇതുവരെ ലഭ്യമായിട്ടില്ലെന്നാണ് റിപ്പോർട്ട്.

ഇളയ സഹോദരിയുമായി മാതാപിതാക്കൾ ആശുപത്രിയിൽ പോയതോടെ പെൺകുട്ടി വീട്ടിൽ ഒറ്റയ്ക്കായിരുന്നു. തിരികെ എത്തിയ മാതാപിതാക്കൾ കുട്ടിയെ അന്വേഷിച്ചെങ്കിലും കണ്ടെത്താനായില്ല. പ്രാഥമിക കൃത്യം നിർവഹിക്കാൻ സമീപത്തെ ചോളപ്പാടത്തേക്ക് കുട്ടി പോയതായി സമീപവാസികളിൽ നിന്നറിഞ്ഞതോടെ മാതാപിതാക്കൾ നടത്തിയ തെരച്ചിലിലാണ് മൃതദേഹം കണ്ടെത്തിയത്.

പരിയാരത്ത് വിദ്യാർത്ഥിനകൾക്കു മുന്നിൽ നഗ്നതാ പ്രദർശനം; തളിപ്പറമ്പ് സ്വദേശി പിടിയിൽ

മരിച്ച നിലയിലാണ് പെൺകുട്ടിയുടെ മൃതദേഹം കണ്ടെത്തിയതെന്ന് മാതാപിതാക്കൾ പറഞ്ഞു. ശരീരമാകെ പരിക്കേറ്റ പാടുകളുണ്ടായിരുന്നു. മുഖത്തും കഴുത്തിലും മുറിവുകളുണ്ടായിരുന്നു. മൃതദേഹം പോസ്റ്റ്മോർട്ടം നടപടികൾക്കായി അയച്ചു.