ഹൈലൈറ്റ്:
- തൃശൂരിൽ നിന്ന് കണ്ണൂരിലേയ്ക്ക് സ്ഥലം മാറ്റം
- ഉത്തരവ് എംഡിയുടെ ഓഫീസിൽ നിന്ന്
- ഇൻസ്പെക്ടർക്കെതിരെ അച്ചടക്ക നടപടി
ഇക്കഴിഞ്ഞ മെയ് ഏഴിനു നടന്ന സംഭവമാണ് വിചിത്രമായ നടപടിയിലേയ്ക്ക് എത്തിച്ചത്. ത‍ശൂര്‍ യൂണിറ്റിലെ ക്യാൻ്റീനു സമീപമായിരുന്നു ഉദ്യോഗസ്ഥര്‍ തമ്മിൽ നടന്ന തര്‍ക്കം കൈയ്യേറ്റത്തിൻ്റെ വക്കിലെത്തിയത്. കെഎസ്ആര്‍ടിസി ഇൻസ്പെക്ടറായ കെഎ നാരായണൻ സംസാരിച്ചു കൊണ്ടു നിൽക്കേ വനിതാ കണ്ടക്ടറായ എം വി ഷൈജ അടുത്തെത്തി ലീവിൻ്റെ കാര്യം പറയുകയായിരുന്നുവെന്നാണ് കോര്‍പ്പറേഷൻ്റെ മെമോറാണ്ടത്തിൽ പറയുന്നത്. സംസാരത്തിനിടെ കെഎ നാരായണൻ്റെ പുറത്ത് ഷൈജ അടിക്കാൻ ശ്രമിക്കുകയായിരുന്നു. എന്നാൽ ഉടൻ തന്നെ നാരായണൻ ഒഴിഞ്ഞു മാറിയതോടെ ഷൈജ നിലത്തു വീഴുകയായിരുന്നു. ഇതാണ് കേസിന് ആസ്പദമായ നടപടിയെന്നാണ് ഔദ്യോഗിക രേഖയിൽ പറയുന്നത്.
Also Read: ‘മൂന്നരക്കോടി എൻ്റേതല്ല’: പണം ബിജെപി നേതാക്കൾ പറഞ്ഞിട്ട് കൊണ്ടുവന്നതെന്ന് ധർമരാജൻ
എന്നാൽ മറ്റു ജീവനക്കാര്‍ക്ക് മാതൃകയാകേണ്ട ഉദ്യോഗസ്ഥൻ കെഎസ്ആര്‍ടിസിയുടെ സൽപ്പേരിനു കളങ്കം വരുത്തിയെന്നാണ് കെഎസ്ആര്‍ടിസി എംഡിയുടെ ഓഫീസിൽ നിന്നു പുറത്തിറക്കിയ മെമോയിൽ പറയുന്നത്. കെ എ നാരായണൻ ഗുരുതരമായ കൃത്യവിലോപവും അച്ചടക്കലംഘനവും നടത്തിയെന്ന് രേഖയിൽ പറയുന്നു. നാരായണനെ അച്ചടക്ക നടപടിയുടെ ഭാഗമായി മറ്റൊരു ഡിപ്പോയിലേയ്ക്ക് സ്ഥലം മാറ്റണമെന്നാണ് യൂണിറ്റ് അധികാരിയ്ക്ക് നല്‍കിയിരിക്കുന്ന നിര്‍ദേശം.
Also Read: ഇന്ന് മുതൽ കടുത്ത നിയന്ത്രണം; വാഹന പരിശോധന ശക്തമാക്കും, ആശങ്കയായി ഈ കണക്കുകൾ
“തൃശൂര്‍ യൂണിറ്റിലെ സൂപ്പര്‍വൈസറി തസ്തികയിലുള്ള ശ്രീ കെ എ നാരായണൻ മറ്റു ജീവനക്കാര്‍ക്ക് മാതൃകയാകേണ്ട ഉദ്യോഗസ്ഥൻ ആണെന്നിരിക്കേ ഒരു വനിതാ ജീവനക്കാരിയെ പ്രകോപിപ്പിച്ച് പൊതുജനമധ്യത്തിൽ ടിയാനെ തന്നെ കയ്യേറ്റം ചെയ്യുന്ന തരത്തിൽ എത്തിച്ച് കോര്‍പ്പറേഷൻ്റെ സൽപ്പേരിന് കളങ്കം വരുത്തുകകയും ഔദ്യോഗിക കൃത്യനിര്‍വഹണത്തിൽ വീഴ്ച വരുത്തുകയും ചെയ്തതിനാൽ” ഇദ്ദേഹത്തെ കണ്ണൂര്‍ യൂണിറ്റിലേയ്ക്ക് സ്ഥലം മാറ്റിയെന്നാണ് മെമോയിൽ വ്യക്തമാക്കുന്നത്.
ചേർത്തലയിലെ യുവതിയുടെ മരണം, സഹോദരി ഭർത്താവ് പിടിയിൽ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : ksrtc inspector transferred after allegedly provoking female conductor in thrissur unit and escaped her attack
Malayalam News from malayalam.samayam.com, TIL Network
