Sumayya P | Samayam Malayalam | Updated: 02 Jun 2021, 02:50:00 PM
മാസം 1800 ദിർഹം ശമ്പളം വാക്ദാനം നല്‍കിയാണ് യുവാക്കള സംഘം ദുബായില്‍ എത്തിച്ചത്. ഒന്നരലക്ഷത്തോളം രൂപയാണ് ഇവര്‍ ഏജന്‍റുകള്‍ക്ക് നല്‍കിയത്
കേരളത്തിന്‍റെ ഒരു അറ്റത്ത് നിന്നും തുടങ്ങി മറ്റേ അറ്റം വരെ ഉള്ളവര്‍ ഇതില്‍പ്പെടും. ഒന്നരലക്ഷത്തോളം രൂപ ഏജന്‍റുകള്‍ക്ക് നല്‍കിയാണ് ഇവര്‍ ദുബായില്‍ എത്തിയിരിക്കുന്നത്.
വിസിറ്റ് വിസയുടെ കാലാവധി അവസാനിച്ചതിനാല്‍ പലര്‍ക്കും നാട്ടിലേക്ക് മടങ്ങാന്‍ വലിയ തുക വേണം. വ്യാജ ഓഫർ ലെറ്ററും രേഖകളും നല്‍കിയാണ് തട്ടിപ്പ് സംഘം ഇവരില്‍ നിന്നും പണം തട്ടിയെ
ടുത്തത്. കേരളത്തിലെ വിവിധ ജില്ലകളിൽ സംഘം തട്ടിപ്പ് നടത്തിയിട്ടുണ്ടെന്നാണ് ഇവിടെ എത്തിയവര്‍ പറയുന്നത്. തിരുവനന്തപുരം മുതല്‍ കാസര്‍ഗോഡ് വരെയുള്ളവര്‍ തട്ടിപ്പിന് ഇരകളായിട്ടുണ്ട്.
മാസം 1800 ദിർഹം ശമ്പളം ആണ് ഇവര്‍ വാക്ദാനം നല്‍കിയിരുന്നത്. കൊവിഡ് കാലമായതിനാല്‍ തൊഴില്‍ വിസ കിട്ടുന്നില്ലെന്നാണ് ഇവര്‍ പറഞ്ഞതെന്ന് കബളിക്കപ്പെട്ടവര്‍ പറയുന്നു.
Also Read: 
ഖത്തര്‍ എയര്‍വെയ്‌സും ഒമാന്‍ എയറും തമ്മില്‍ 80 റൂട്ടുകളില്‍ കോഡ്‌ഷെയര്‍ പങ്കാളിത്തം
ദുബായില്‍ പാകിസ്ഥനികള്‍ നടത്തുന്ന ഒരു സ്ഥാപനത്തിലാണ് ഇവരെ സംഘം കെെമാറിയത്. ഇവിടെ ഇവര്‍ ഹോട്ടലിന്റെ സെക്യൂരിറ്റി ഗാർഡുകളായി ജോലി ചെയ്യുകയാണ്. എന്നാല്‍ ഇതുവരെ ശമ്പളം നൽകിയിട്ടില്ല. സന്ദർശക വിസയുടെ കാലാവധി അവസാനിക്കാന്‍ സമയമായി. ജോലി വാഗ്ദാനം ചെയ്തവരെക്കുറിച്ച് ഇപ്പോള്‍ ഒരു വിവരം ഇല്ലെന്നാണ് യുവാക്കള്‍ പറയുന്നത്. ദുബായ് ഇന്ത്യൻ കോൺസുലേറ്റിൽ യുവാക്കള്‍ പരാതി നല്‍കി. ഇതിന് പിന്നിലുള്ളവര്‍ക്കെതിരെ ശക്തമായ നടപടികള്‍ സ്വീകരിക്കണമെന്നാണ് ഇവരുടെ ആവശ്യം. മീഡിയാ വണ്‍ ആണ് വാര്‍ത്ത റിപ്പോര്‍ട്ട് ചെയ്തിരിക്കുന്നത്.
ബ്ലാക്ക് ഫംഗസ്: മണ്ണാര്‍ക്കാട് മരണം രണ്ടായി
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : big scam in kerala by offering security job in dubai
Malayalam News from malayalam.samayam.com, TIL Network
