‘കൊറോണ എങ്ങും പോയിട്ടില്ല’: ജനങ്ങൾ നിയന്ത്രണങ്ങൾ ക‍ര്‍ശനമായി പാലിക്കണമെന്ന് പ്രധാനമന്ത്രി

ന്യൂഡൽഹി: കൊവിഡ് 19 മഹാമാരി ആവസാനിച്ചിട്ടില്ലെന്നും നിയന്ത്രണങ്ങള്‍ കര്‍ശനമായി പാലിക്കണമെന്നും പ്രധാനമന്ത്രി നരേന്ദ്ര മോദി. ഉത്സവകാലം തുടങ്ങുന്നതിനു മുന്നോടിയായാണ് പ്രധാനമന്ത്രിയുടെ നിര്‍ദേശം. കൊവിഡ് 19 പ്രോട്ടോകോള്‍ എല്ലാവരും പാലിക്കണമെന്നും പ്രധാനമന്ത്രി പ്രതിമാസ റേഡിയോ പരിപാടിയായ മൻ കി ബാത്തിൽ വ്യക്തമാക്കി.



വരുന്ന ഓഗസ്റ്റ് 15 ഏറെ പ്രധാനമാണെന്നും രാജ്യം 75-ാം സ്വാതന്ത്യദിനം ആഘോഷിക്കുകയാണെന്നും പ്രധാനമന്ത്രി പറഞ്ഞു. നാളെ കാര്‍ഗിൽ വിജയ് ദിവസ് ആഘോഷിക്കുന്ന പശ്ചാത്തലത്തിൽ 1999ൽ ഇന്ത്യ പാക് യുദ്ധത്തിൽ മരണമടഞ്ഞ ധീരജവാന്മാരെ എല്ലാവരും ഓര്‍മിക്കണമെന്നും മോദി ഓര്‍മിപ്പിച്ചു. ടോക്യോ ഒളിമ്പിക്സിൽ ഇന്ത്യയുടെ വിജയം കാണുന്ന നമുക്ക് അഭിമാനമുണ്ടെന്നും നമ്മുടെ താരങ്ങളെ എല്ലാവരും പ്രോത്സാഹിപ്പിക്കണമെന്നും മോദി പറഞ്ഞു.

Also Read: ‘എസ് രാജേന്ദ്രൻ ദേവികുളത്ത് രാജയെ തോൽപ്പിക്കാൻ ശ്രമിച്ചു’: നടന്നത് കാലുവാരൽ നീക്കം, സിപിഎം അന്വേഷണം

മൻ കി ബാത്തിലേയ്ക്ക് വിവിധ സര്‍ക്കാര്‍ വകുപ്പുകള്‍ വഴി നിരവധി ആശയങ്ങളാണ് എത്തുന്നതെന്നും എന്നാൽ ഇവയെല്ലാം ഉള്‍ക്കൊള്ളിക്കാൻ കഴിയുന്നില്ലെന്നും പ്രധാനമന്ത്രി പറഞ്ഞു. ആകാശവാണി നിലയങ്ങള്‍ വഴിയിയും ദൂരദര്‍ശൻ വഴിയുമാണ് പ്രധാനമന്ത്രിയുടെ പ്രതിമാസ റേഡിയോ പരിപാടി സംപ്രേഷണം ചെയ്യുന്നത്. കൂടാതെ പ്രധാനമന്ത്രിയുടെ സോഷ്യൽ മീഡിയ പ്രൊഫൈലുകള്‍ വഴിയും വിവിധ മാധ്യമങ്ങള്‍ വഴിയും മൻ കി ബാത് സംപ്രേഷണം ചെയ്തു. കൊവിഡ് 19 മൂന്നാം തരംഗത്തെ നേരിടാൻ രാജ്യം ഒരുങ്ങുന്നതിനിടയിലാണ് പ്രധാനമന്ത്രിയുടെ പ്രഭാഷണം.

Also Read: ലോക്ഡൗൺ പ്രോട്ടോക്കോള്‍ ലംഘിച്ചുകൊണ്ട് നടന്ന ഐഎൻഎൽ യോഗത്തിൽ കൂട്ടത്തല്ല; കയ്യാങ്കളി മന്ത്രിയുടെ സാന്നിധ്യത്തിൽ



മണിപ്പൂരിലെ ആപ്പിള്‍ കൃഷിയെപ്പറ്റിയും ടിഎസ് റിങ്ഫാമി യങ് എന്ന എൻജിനീയറുടെ ഉദ്യമങ്ങളെപ്പറ്റിയും പ്രധാനമന്ത്രി സംസാരിച്ചു. ആന്ധ്രാ പ്രദേശിലെ കാലാവസ്ഥാ നിരീക്ഷകൻ ഐസക് മുണ്ടയെപ്പറ്റിയും മോദി പരിപാടിയിൽ സംസാരിച്ചു.