വോട്ടർമാർക്ക് 500 രൂപ; തെലങ്കാനയിൽ എംപിക്ക് 6 മാസം തടവ് ശിക്ഷ, ഹൈക്കോടതിയെ സമീപിക്കാനൊരുങ്ങി കവിത

ഹൈദരാബാദ്: പണം നൽകി വോട്ടർമാരെ സ്വാധീനിക്കാൻ ശ്രമിച്ചെന്ന കേസിൽ തെലങ്കാന സിറ്റിങ് എംപി കവിത മലോത്തിന് കോടതി ശിക്ഷ വിധിച്ചു. വോട്ടർമാർക്ക് പണം നൽകിയെന്ന ആരോപണം ശരിവച്ച കോടതി എംപിക്ക് ആറ് മാസം തടവും 10,000 രൂപ പിഴയും വിധിച്ചു.



‘കൊറോണ എങ്ങും പോയിട്ടില്ല’: ജനങ്ങൾ നിയന്ത്രണങ്ങൾ ക‍ര്‍ശനമായി പാലിക്കണമെന്ന് പ്രധാനമന്ത്രി

എംപിമാർക്കും എംഎൽഎമാർക്കുമെതിരായ കേസുകൾ കേൾക്കുന്ന പ്രത്യേക സെഷൻസ് കോടതിയാണ് തെലങ്കാനയിലെ മഹബൂബാബാദിൽ നിന്നുള്ള ടിആർഎസ് എംപിയായ കവിതയ്ക്ക് ശിക്ഷ വിധിച്ചത്. പോലീസ് ഹാജരാക്കിയ ശക്തമായ തെളിവുകളാണ് കവിതയ്ക്ക് തിരിച്ചടിയായത്. കോടതിയുടെ ഭാഗത്ത് നിന്നും കടുത്ത തീരുമാനം ഉണ്ടായതോടെ ഹൈക്കോടതിയിൽ അപ്പീൽ നൽകാനാണ് എംപിയുടെ തീരുമാനമെന്ന് ദേശീയ മാധ്യമങ്ങൾ റിപ്പോർട്ട് ചെയ്തു.

2019ലെ പൊതു തെരഞ്ഞെടുപ്പിലെ സംഭവത്തിലാണ് ഇപ്പോൾ കോടതി വിധിയുണ്ടായത്. കവിതയുമായി അടുത്ത ബന്ധം പുലർത്തുന്ന സഹായിയായ ഷൗക്കത്തലി മുഖേനെ വോട്ടർമാർക്ക് പണം നൽകിയെന്നാണ് കേസ്. 500 രൂപ വീതം വിതരണം ചെയ്തുവെന്ന ആരോപണം ശക്തമായതോടെയാണ് പോലീസ് കേസെടുത്തത്.

യെദ്യൂരപ്പയ്ക്ക് പകരം പ്രഹ്‌ളാദ് ജോഷി? മകന്‍ വിജേന്ദ്രയ്ക്കായി നീക്കം ശക്തമാക്കി മുഖ്യമന്ത്രി

വോട്ടിന് പണം നൽകിയെന്ന ആരോപണം ശക്തമായതോടെ റവന്യൂ ഉദ്യോഗസ്ഥർ നടത്തിയ പരിശോധനയിൽ ഷൗക്കത്തലി പണം നൽകുന്നത് കണ്ടെത്തി. വിശദമായ ചോദ്യം ചെയ്യലിൽ താൻ പണം നൽകിയത് കവിതയ്ക്ക് വേണ്ടിയാണെന്ന് പറഞ്ഞതോടെ പോലീസ് കേസെടുക്കുകയായിരുന്നു. ഒരു സിറ്റിങ് എംപിക്കെതിരെ വളരെ അപുർവമായാണ് ഇത്തരത്തിൽ ഒരു നടപടി.