കാമുകിയുടെ വീട്ടുകാർ 17കാരനെ തല്ലിക്കൊന്ന് ജനനേന്ദ്രിയം മുറിച്ചുമാറ്റി; മുഖ്യപ്രതിയുടെ വീട് ആക്രമിച്ച് നാട്ടുകാർ

പാട്ന: പ്രണയത്തിൻ്റെ പേരിൽ പെൺകുട്ടിയുടെ വീട്ടുകാർ 17കാരനെ തല്ലിക്കൊന്ന് ജനനേന്ദ്രിയം മുറിച്ചുമാറ്റി. ബിഹാറിലെ മുസാഫർപുർ ജില്ലയിലെ രെപുര രാംപുർഷാ സ്വദേശിയായ സൗരഭ് കുമാറാണ് കൊല്ലപ്പെട്ടത്. സംഭവത്തിൽ മുഖ്യപ്രതി സുശാന്ത് പാണ്ഡെ അറസ്റ്റിലായി. രണ്ട് പ്രതികൾ ഒളിവിലാണെന്നും ഇവർക്കായി തെരച്ചിൽ തുടരുകയാണെന്നും പോലീസ് വ്യക്തമാക്കി.



കൊല്ലത്ത് അലമാരയിൽ അവശനിലയിൽ കണ്ടെത്തിയ വീട്ടമ്മ മരിച്ചു; ബന്ധുക്കളുടെ മൊഴിയെടുക്കുമെന്ന് പോലീസ്

സോർബാര ഗ്രാമത്തിൽ വെള്ളിയാഴ്ച രാത്രിയാണ് കൊലപാതകമുണ്ടായത്. കാമുകിയായ പെൺകുട്ടിയുടെ വീട്ടിലെത്തിയ സൗരഭിനെ പെൺകുട്ടിയുടെ വീട്ടുകാർ പിടികൂടി ക്രൂരമായി മർദ്ദിച്ചു. തുടർന്ന് അവശനായ ആൺകുട്ടിയുടെ ജനനേന്ദ്രിയം മുറിച്ചുമാറ്റി. ഗുരുതര പരിക്കുകളോടെ സൗരഭിനെ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിച്ചു.

പെൺകുട്ടിയുടെ വീട്ടുകാർ സൗരഭിനെ കൊലപ്പെടുത്തിയ വിവരം പുറത്തായതോടെ കൂടുതൽ ആളുകൾ ഗ്രാമത്തിലേക്ക് എത്തുകയും മുഖ്യപ്രതിയായ സുശാന്ത് പാണ്ഡെയുടെ വീട് ആക്രമിക്കുകയും ചെയ്തു. കൂടുതൽ പോലീസ് സ്ഥലത്തെത്തി പ്രശ്നം പരിഹരിക്കാൻ ശ്രമിച്ചെങ്കിലും പരിഹാരമുണ്ടായില്ല. സുശാന്ത് പാണ്ഡെയുടെ വീടിന് മുന്നിൽ വെച്ചാണ് 17കാരൻ്റെ ശവസംസ്കാര ചടങ്ങുകൾ നടത്തിയത്.

മൂന്നാം ഭാര്യയുടെ ചെറുമകളെ ലൈംഗീകമായി പീഡിപ്പിച്ചു; 66 കാരൻ പിടിയിൽ

സൗരഭിൻ്റെ ബന്ധുക്കളും അയൽവാസികളുമാണ് പ്രതിഷേധവുമായി എത്തിയത്. പ്രണയത്തിൻ്റെ പേരിലാണ് കൊലപാതകം നടന്നതെന്നും പോസ്റ്റ്മോർട്ടം റിപ്പോർട്ട് ലഭിച്ചാലേ മരണകാരണം വ്യക്തമാകുകയുള്ളൂവെന്നും മുസാഫര്‍പുര്‍ (സിറ്റി) പോലീസ് സൂപ്രണ്ട് രാജേഷ്‌ കുമാര്‍ പറഞ്ഞു. പ്രദേശത്ത് പോലീസ് സുരക്ഷ ശക്തമാക്കി. സുശാന്ത് പാണ്ഡെയുടെ വീട് ആക്രമിച്ച സംഭവത്തില്‍ മൂന്ന് പേരും പിടിയിലായതായി പോലീസ് പറഞ്ഞു.