സൗന്ദര്യ ഗുണങ്ങൾക്ക് ദിവസവും ഫെയ്‌സ് പാക്ക് ഉപയോഗിക്കേണ്ടതുണ്ടോ?

ചർമ്മത്തെ മൃദുവും തിളക്കവും മുഖക്കുരു ഇല്ലാതെ സൂക്ഷിക്കുന്നതിനുമുള്ള ഏറ്റവും പ്രധാനപ്പെട്ട കാര്യമാണ് ഫെയ്‌സ് പാക്കുകളുടെ ഉപയോഗം. നമ്മളിൽ മിക്കവരും ദിവസേന എന്നോണം പല തരത്തിലുള്ള മാസ്കുകൾ പുരട്ടാറുണ്ട്. എന്നാൽ നിങ്ങൾ ആഗ്രഹിച്ച സൗന്ദര്യ ഗുണങ്ങൾ ലഭിക്കാൻ ഇത്തരം ഫെയ്‌സ് മാസ്കുകൾ എല്ലാ ദിവസവും ഉപയോഗിക്കേണ്ടതുണ്ടോ?



നിങ്ങളുടെ മിക്കവാറും എല്ലാ ചർമ്മ പ്രശ്നങ്ങളെയും നേരിടുന്ന മികച്ച ചർമ്മ സംരക്ഷണ ചികിത്സയാണ് ഫെയ്‌സ് മാസ്കുകൾ. നിങ്ങളുടെ ചർമ്മത്തിന് അനുയോജ്യമായ ഒരു ഫേയ്‌സ് മാസ്‌ക് പ്രയോഗിക്കുന്നത് നിങ്ങളുടെ മുഖത്തെ ജലാംശം നിലനിർത്താനും അധിക എണ്ണമയം നീക്കം ചെയ്യാനും മുഖക്കുരു പ്രശ്നങ്ങൾ തടയാനും സഹായിക്കും. ഫെയ്‌സ് മാസ്ക് പ്രയോഗിക്കുന്നതിന് മുമ്പ് എല്ലായ്പ്പോഴും നിങ്ങളുടെ ചർമ്മ തരവും ചർമ്മ പ്രശ്നങ്ങളും പരിശോധിക്കണം.

ഫെയ്‌സ് മാസ്കുകൾ യഥാർത്ഥത്തിൽ ഗുണകരമാണോ?



നേരത്തെ ചർച്ച ചെയ്തതുപോലെ, ഫെയ്സ് മാസ്ക് പ്രയോഗിക്കുമ്പോൾ ഏറ്റവും പ്രധാനപ്പെട്ട ഒരു ഘട്ടം നിങ്ങളുടെ ചർമ്മത്തിന്റെ തരവും അതിന്റെ ആവശ്യകതകളും അറിയുക എന്നതാണ്. പല തരത്തിലുള്ള ഫെയ്സ് മാസ്കുകൾ ഇന്ന് വിപണിയിൽ ലഭ്യമാണ്. ഇത് കൂടാതെ പ്രകൃതിദത്തമായി തയ്യാറാക്കി ഉപയോഗിക്കുന്നവ വേറെ. എന്നാൽ തെറ്റായ മാസ്ക് പ്രയോഗിക്കുന്നത് മോശം ഫലങ്ങളിലേക്ക് നയിച്ചേക്കാം അല്ലെങ്കിൽ ചർമ്മത്തിൽ യാതൊരു ഗുണവും ഉണ്ടായേക്കില്ല. ചുരുക്കത്തിൽ, ഇതെല്ലാം നിങ്ങൾ ഏത് ഫേയ്‌സ് മാസ്‌ക് ആണ് നിങ്ങളുടെ ചർമ്മത്തിൽ ഉപയോഗിക്കുന്നതെന്നും നിങ്ങളുടെ ആവശ്യങ്ങളെയും ആശ്രയിച്ചിരിക്കുന്നു.

അവ എങ്ങനെ പ്രവർത്തിക്കും?



നിങ്ങളുടെ മുഖത്തെ ചർമ്മത്തിന് ഗുണം ചെയ്യുന്ന നിരവധി ചേരുവകൾ ചേർന്നതാണ് ഫെയ്സ് മാസ്കുകൾ. അതിനാൽ, നിങ്ങൾ നിങ്ങളുടെ മുഖത്ത് പുരട്ടി 10-15 മിനുട്ട് തുടരാൻ അനുവദിക്കുമ്പോൾ, ചേരുവകൾക്ക് ചർമ്മത്തിന്റെ ഉപരിതലത്തിൽ തുളച്ചുകയറാനും അവയുടെ പ്രവർത്തി ചെയ്യാൻ ആവശ്യമായതുമായ സമയം ലഭിക്കും.

ഒരു ഫേയ്‌സ് മാസ്‌ക് പ്രയോഗിക്കുന്നതിലെ ഏറ്റവും പ്രധാനപ്പെട്ട ഘട്ടം അതിനുള്ള മിശ്രിതം ഉണ്ടാക്കുക എന്നതാണ്. ആത്യന്തിക ഫലം ലഭിക്കുന്നതിന് ചേരുവകളുടെ നല്ല തിരഞ്ഞെടുപ്പ് വളരെ പ്രധാനമാണ്. വീട്ടിൽ ഫെയ്‌സ് മാസ്ക് തയ്യാറാക്കുമ്പോൾ ഔഷധ ഉൽപ്പന്നങ്ങൾ / ചേരുവകൾ ഉപയോഗിക്കുന്നത് ഉറപ്പാക്കുക, നിങ്ങൾ അത് വിപണിയിൽ നിന്ന് വാങ്ങുകയാണെങ്കിൽ ചേരുവകളുടെ വിശദാംശങ്ങൾ ശ്രദ്ധാപൂർവ്വം വായിക്കുക. ചർമ്മത്തിന്റെ തരം അറിയുകയും അതിനനുസരിച്ച് ഫേയ്‌സ് മാസ്‌ക് പ്രയോഗിക്കുവാൻ ഓർമിക്കുകയും ചെയ്യുക.

എണ്ണമയമുള്ള ചർമ്മത്തിനും വേണം മോയ്‌സ്ചുറൈസർ, തിരഞ്ഞെടുക്കേണ്ടത് ഇത്

ഫെയ്‌സ് മാസ്കുകൾ ദിവസവും ഉപയോഗിക്കേണ്ടതുണ്ടോ?



ഒരു നല്ല ചർമ്മ സംരക്ഷണ ദിനചര്യയിൽ‌ നിരവധി ഘട്ടങ്ങൾ‌ ഉൾ‌പ്പെടുന്നു – ക്ലെൻസിംഗ്, ടോണിംഗ്, എക്സ്ഫോളിയേറ്റ്, മോയ്സചറൈസിംഗ് മുതലായവ. ഇത് കൂടുതലാണ് എന്ന് തോന്നുമെങ്കിലും ഓരോ ഘട്ടവും ഭംഗിയുള്ളതും യുവത്വം തുളുമ്പുന്നതും നിറമുള്ളതുമായ ചർമ്മത്തിന് നിർണ്ണായകമാണ്.

മറ്റെല്ലാം കൊണ്ടും മികച്ചതായി കാണപ്പെടുമ്പോഴും, ദിവസേന ഫെയ്‌സ് മാസ്കുകൾ പ്രയോഗിക്കുന്നതിൽ അപകടസാധ്യതകളില്ല എന്ന് പറയാനാവില്ല. പ്രസിദ്ധമായ ഒരു വാചകം നിങ്ങൾ കേട്ടിട്ടില്ലേ – “അമിതമായാൽ അമൃതും വിഷം” ഇത് ജീവിതത്തിലെ മറ്റ് മിക്ക കാര്യങ്ങളിൽ എന്ന പോലെ തന്നെ ഫെയ്സ് മാസ്കുകൾക്കും ബാധകമാണ്.

എങ്ങനെ ഉപയോഗിക്കണം?



നിങ്ങൾ എത്ര തവണ ഒരു ഫേയ്‌സ് മാസ്‌ക് ഉപയോഗിക്കണമെന്ന് വിശദീകരിക്കുന്നതിന് മുമ്പ്, അത് എങ്ങനെ പ്രയോഗിക്കണമെന്ന് ആദ്യം പറയാം. ഫെയ്സ് മാസ്ക് പ്രയോഗിക്കുന്നതിന് മുമ്പ് എല്ലായ്പ്പോഴും സൗമ്യമായ ഫെയ്സ് വാഷ് ഉപയോഗിച്ച് മുഖം വൃത്തിയാക്കുകയും നല്ല സ്ക്രബ്ബിംഗ് ജെൽ ഉപയോഗിച്ച് നിർജ്ജീവ ചർമ്മത്തെ പുറംതള്ളുകയും ചെയ്യുക.

ചില മാസ്കുകൾ ആഴ്ചയിൽ ഒരിക്കൽ ഉപയോഗിക്കാൻ നിർദ്ദേശിക്കപ്പെടുന്നു എങ്കിലും മറ്റുള്ളവ പതിവായി, ആഴ്ചയിൽ 3-4 തവണ വരെ ഉപയോഗിക്കാം. നിങ്ങൾ ഒരു ബ്രാൻഡഡ് ഉൽപ്പന്നം ഉപയോഗിക്കുകയാണെങ്കിൽ ഉൽപ്പന്നത്തിന്റെ ലേബലിലെ നിർദ്ദേശങ്ങൾ വായിക്കുക എന്നതാണ് ഏറ്റവും പ്രധാനപ്പെട്ട കാര്യം. ചർമ്മത്തിൽ നിങ്ങൾക്ക് എത്ര തവണ ഈ ഫോർമുല ഉപയോഗിക്കാമെന്നും അതിന്റെ ഘടകങ്ങളുടെ കരുത്ത് എന്താണെന്നും അതിൽ കൊടുത്തിരിക്കുന്ന നിർദ്ദേശങ്ങൾ വിശദീകരിക്കും. നിങ്ങൾ വീട്ടിൽ ഫെയ്‌സ് മാസ്ക് ഉപയോഗിക്കുമ്പോൾ, ഔഷധ, ജൈവ ചേരുവകൾ ഉപയോഗിക്കുക, കൂടാതെ ചേരുവകളുടെ ഗുണവിശേഷതകൾ പരിശോധിക്കുന്നത് ഉറപ്പാക്കുക.

നിങ്ങൾക്ക് ഉപയോഗിക്കാവുന്ന ചില ഫെയ്‌സ് മാസ്കുകൾ



തിളക്കമാർന്നതും പോഷിപ്പിക്കുന്നതുമായ ചർമ്മം ലഭിക്കാൻ നിങ്ങൾക്ക് വീട്ടിൽ തന്നെ സ്വയം എളുപ്പത്തിൽ ഉണ്ടാക്കാൻ കഴിയുന്ന വ്യത്യസ്ത തരം ഫെയ്സ് മാസ്കുകൾ നമുക്ക് നോക്കാം.

കടലപ്പൊടി ഫെയ്സ് മാസ്ക്



ഒരേ സമയം ശുദ്ധീകരണവും നിർജ്ജീവ ചർമ്മത്തെ നീക്കം ചെയ്യാനും കഴിയുന്ന ഒന്നാണ് ഒരു നല്ല ഫെയ്സ് മാസ്ക്. ചർമ്മത്തിന് തിളക്കം ലഭിക്കാൻ ഈ ഫെയ്സ് മാസ്ക് ആഴ്ചയിൽ മൂന്ന് തവണ ഉപയോഗിക്കുക.

ഇത് എങ്ങനെ തയ്യാറാക്കാം:

ഒരു പാത്രം എടുത്ത് ഒരു ടേബിൾ സ്പൂൺ കടലപ്പൊടി, തൈര്, ഒരു നുള്ള് മഞ്ഞൾ എന്നിവ ചേർക്കുക. എല്ലാം നന്നായി കലർത്തി മുഖം, കൈ, കഴുത്ത് എന്നിവിടങ്ങളിൽ ഈ മിശ്രിതം പുരട്ടുക. 10-15 മിനിറ്റ് വെച്ച് ഉണങ്ങാൻ അനുവദിക്കുക. ഇനി ചെറു ചൂടുള്ള വെള്ളത്തിൽ കഴുകുക.

തേനും പാലും ചേർന്ന ഫേയ്‌സ് മാസ്‌ക്



പാലും തേനും ചേർന്ന മിശ്രിതം പ്രയോഗിക്കുന്നതിലൂടെ ചർമ്മത്തിന് ധാരാളം ഗുണങ്ങൾ ലഭിക്കും. ചർമ്മത്തിന് തിളക്കവും ആരോഗ്യവും നിറവും നിലനിർത്താൻ ഈ രണ്ട് ചേരുവകളും കാലങ്ങളായി ഉപയോഗിച്ചു വരുന്നു.

ഇത് എങ്ങനെ തയ്യാറാക്കാം:

ഒരു പാത്രം എടുത്ത് ഒരു ടേബിൾ സ്പൂൺ തേനും അര സ്പൂൺ പാലും ചേർക്കുക. കട്ടിയുള്ള സ്ഥിരത ഉണ്ടാകുന്നതുവരെ രണ്ടും നന്നായി ഇളക്കുക. ചർമ്മത്തിൽ ഈ മാസ്ക് പുരട്ടാൻ ഒരു ബ്രഷ് ഉപയോഗിക്കുക. ഉണങ്ങിയ ശേഷം ചെറുചൂടുള്ള വെള്ളത്തിൽ കഴുകുക. മികച്ച ഫലം ലഭിക്കുന്നതിന് ഓരോ ഇടവിട്ടുള്ള ദിവസങ്ങളിൽ ഇത് പരീക്ഷിക്കുക. ചർമ്മത്തിലെ നേർത്ത വരകളും നിറവ്യത്യാസവും ഒഴിവാക്കാൻ നിങ്ങൾക്ക് ഈ പാൽ ഫെയ്സ് മാസ്ക് ഉപയോഗിക്കാം.

സൗന്ദര്യ സംരക്ഷണത്തിന് ഉപയോഗിക്കാം ചുവന്ന പരിപ്പ് ചേർത്ത ഫെയ്‌സ് പാക്ക്

വാഴപ്പഴം ഫേയ്‌സ് മാസ്‌ക്



ചർമ്മത്തിന് ഗുണകരമായ നല്ല ചേരുവകളാൽ സമ്പുഷ്ടമാണ് വാഴപ്പഴം. ഈ പഴത്തിൽ വിറ്റാമിൻ എ അടങ്ങിയിട്ടുണ്ട്, ഇത് ചർമ്മത്തിലെ കറുത്ത പാടുകളും കളങ്കങ്ങളും അകറ്റുവാൻ സഹായിക്കുന്നു. കൂടാതെ, ഇതിലെ വിറ്റാമിൻ ഇ ചുളിവുകൾ കുറയ്ക്കാനും, പൊട്ടാസ്യം ചർമ്മത്തിലെ ജലാംശം നിലനിർത്താനും സഹായിക്കുന്നു.

ഇത് എങ്ങനെ തയ്യാറാക്കാം:

ഒരു പാത്രം എടുത്ത് ഒരു പഴുത്ത പഴം ഉടച്ചെടുക്കുക, അതിലേക്ക് ഒരു ടേബിൾ സ്പൂൺ തേൻ ചേർത്ത് നന്നായി ഇളക്കി യോജിപ്പിക്കുക. ഇത് മുഖത്തും കൈയിലും കഴുത്തിലും പുരട്ടുക. 10-15 മിനിറ്റ് വച്ച്, ഉണങ്ങിയ ശേഷം, ചെറുചൂടുള്ള വെള്ളത്തിൽ കഴുകുക.

വീട്ടിലുണ്ടാക്കുന്ന ഫേയ്‌സ് മാസ്കുകൾ നിങ്ങളുടെ ചർമ്മത്തിന് തീർച്ചയായും ഒരു ശുദ്ധമായ അമൃതമാണ്. നിങ്ങളുടെ ചർമ്മത്തിന് മികച്ച ഫലങ്ങൾ നൽകുന്ന ഫേയ്‌സ് മാസ്‌ക് ഉണ്ടാക്കാൻ കറ്റാർ വാഴയും പപ്പായ പേസ്റ്റും ചേർക്കാം. നിങ്ങളുടെ മാസ്ക് തയ്യാറാക്കാൻ പ്രകൃതിദത്ത എണ്ണകളും പഴങ്ങളും പച്ചക്കറി പേസ്റ്റും ഉപയോഗിക്കാം. നിങ്ങളുടേത് ലോലമായ ചർമ്മമാണ് എന്നുണ്ടെങ്കിൽ, ബേക്കിംഗ് സോഡ, വിനാഗിരി മുതലായ അസിഡിറ്റി ഉള്ള എന്തും ചർമ്മത്തിൽ പ്രയോഗിക്കുന്നത് ഒഴിവാക്കുക. കാരണം, ഈ അസിഡിറ്റി ഘടകങ്ങൾ നിങ്ങളുടെ ചർമ്മത്തെ ദോഷകരമായി ബാധിക്കും.

അതിനാൽ, നിങ്ങൾ എത്ര തവണ ഫെയ്സ് മാസ്ക് ഉപയോഗിക്കണമെന്ന് ഇപ്പോൾ നിങ്ങൾക്കറിയാം. ഒന്നുകൂടി ആവർത്തിക്കുന്നു, ഇത് നിങ്ങളുടെ ചർമ്മത്തിന്റെ തരത്തെയും നിങ്ങൾ ഉപയോഗിക്കുന്ന മാസ്കിനെയും ആശ്രയിച്ചിരിക്കുന്നു, എന്നാൽ അമിതമായി ഉപയോഗിച്ചാൽ, എന്താണെങ്കിലും ഗുണകരമല്ല എന്ന കാര്യം എപ്പോഴും ഓർമ്മിക്കുക.