ആട്ടിടയർ നൽകിയ സന്ദേശത്തിന് പിന്നാലെ മലനിരകളിൽ സംഭവിച്ചത്; അഭിമാനമായി കാർഗിൽ വിജയ് ദിവസ്

ന്യൂഡൽഹി: കാർഗിലിലെ ഐതിഹാസിക വിജയത്തിൻ്റെ ഓർമ ദിനമാണ് ജൂലൈ 26. പാകിസ്ഥാൻ സൈന്യത്തിൻ്റെ സഹായത്തോടെ നുഴുഞ്ഞു കയറിയവർക്ക് നേരെ ഇന്ത്യൻ സൈന്യം തോക്കെടുത്തതോടെയാണ് തണുത്തുറഞ്ഞ കാർഗിലിലെ ഉയരമേറിയ കുന്നുകൾ യുദ്ധമുഖമായത്. 1999 മെയ് എട്ട് മുതൽ 26വരെ നീണ്ടുനിന്ന യുദ്ധത്തിൽ ചങ്കൂറ്റം കവചമാക്കി എതിരാളികളെ നേരിട്ട ഇന്ത്യൻ സൈന്യം ഒടുവിൽ വിജയം നേടി.



‘കൊറോണ എങ്ങും പോയിട്ടില്ല’: ജനങ്ങൾ നിയന്ത്രണങ്ങൾ ക‍ര്‍ശനമായി പാലിക്കണമെന്ന് പ്രധാനമന്ത്രി

നാടോടികളായ ഇടയന്മാർ നൽകിയ സൂചനകളിൽ നിന്നും വിവരങ്ങളിൽ നിന്നുമാണ് കാർഗിൽ യുദ്ധത്തിൻ്റെ തുടക്കമെന്നതാണ് ശ്രദ്ധേയം. ഇന്ത്യക്കാരല്ലാത്ത ആളുകളുടെ സാന്നിധ്യം മലനിരകളിലുണ്ടെന്ന് ഇടയന്മാർ സൈന്യത്തെ അറിയിച്ചു. സന്ദേശത്തിൻ്റെ ഗൗരവം തിരിച്ചറിഞ്ഞ ഇന്ത്യൻ സൈന്യം പാക് സൈന്യത്തിൻ്റെയും നുഴഞ്ഞു കയറ്റക്കാരുടെയും സാന്നിധ്യമുറപ്പിച്ചു. ഇടയന്മാർ നൽകിയ വിവരങ്ങൾ പിന്തുടർന്ന് പട്രോളിംഗിനിറങ്ങിയ ക്യാപ്റ്റൻ സൗരഭ് കാലിയയുടെ നേതൃത്വത്തിലുള്ള അഞ്ചംഗ സംഘം മടങ്ങിയെത്താതെ വന്നതോടെ ‘ഓപ്പറേഷൻ വിജയ്’ എന്ന പേരിൽ ഇന്ത്യൻ സൈന്യം നീക്കം ആരംഭിച്ചതോടെ മെയ് – ജൂലൈ മാസങ്ങളിൽ കാർഗിൽ യുദ്ധമുഖമായി.

നിരീക്ഷണ പറക്കൽ നടത്തിയ വ്യോമസേനയുടെ മിഗ് 21 യുദ്ധ വിമാനം പാക് സൈന്യം വെടിവച്ചിട്ടു. പിന്നാലെ മിഗ് 27 ഹെലികോപ്റ്റർ വെടിവച്ചിടുകയും ചെയ്തതോടെ ഏറ്റുമുട്ടൽ ആരംഭിച്ചു. 16,000 മുതൽ 18,000 അടിവരെ ഉയരത്തിലുള്ള മലനിരകളിലെ പ്രധാന ഇടങ്ങളിലെല്ലാം നുഴഞ്ഞു കയറ്റക്കാർ നിലയുറപ്പിച്ചുവെന്ന് ഇന്ത്യ തിരിച്ചറിഞ്ഞു. നിർണായക പ്രദേശങ്ങളായ കാർഗിൽ, ദ്രാസ്, ബതാലിക് മേഖലകളിൽ 800ലധികം നുഴഞ്ഞു കയറ്റക്കാർ എത്തിയതായി വ്യക്തമായി.

‘ഹെലികോപ്റ്റർ സഹോദരന്മാർ’ തട്ടിയെടുത്തത് 600 കോടി; പാർട്ടിയിൽ നിന്നും പുറത്താക്കിയെന്ന് ബിജെപി

മലമുകളിൽ നിന്നുള്ള ആക്രമണത്തെ ഇന്ത്യൻ സൈന്യം ശക്തമായി നേരിട്ടു. വ്യാമസേനയുടെ കരുത്തായ മിഗ്, മിറാഷ് യുദ്ധവിമാനങ്ങൾ ആകാശത്ത് നിന്ന് തീ തുപ്പിയപ്പോൾ വിദേശ നിർമ്മിത ബോഫേഴ്സ് ഗണ്ണുകൾ ഉപയോഗിച്ച് താഴ്വരയിൽ നിന്നും സൈന്യം കടന്നാക്രമണം നടത്തി. പാക് ഒളിസങ്കേതങ്ങൾ തിരിച്ചറിഞ്ഞായിരുന്നു ഇന്ത്യൻ സൈന്യത്തിൻ്റെ ആക്രമണം. 250000 ഷെല്ലുകളാണ് ട്രൈഗര്‍ ഹിൽ, തോലോലിംഗ്, ബട്ടാലിക് മലകൾ തിരിച്ചുപിടിക്കാൻ ബോഫേഴ്സ് പീരങ്കികൾ തൊടുത്തത്.

മൂന്ന് മാസത്തോളം നീണ്ടുനിന്ന യുദ്ധത്തിൽ വിജയം ഇന്ത്യക്കൊപ്പം നിന്നുവെങ്കിലും കനത്ത നഷ്ടം സംഭവിച്ചു. പാക് ആക്രമണത്തെ ചെറുത്ത ധീരന്മാരായ 527 സൈനികരെയാണ് ഇന്ത്യക്ക് നഷ്ടമായത്.