മഴക്കാലത്തും സൺസ്‌ക്രീൻ ഉപയോഗിക്കണം, കരണമിത്

ഓരോ കാലാവസ്ഥയിലും അതിന് യോജ്യമായ സൗന്ദര്യ സംരക്ഷണ വിദ്യകൾ സ്വീകരിക്കേണ്ടതുണ്ട്. മഴക്കാലത്ത് ചർമ്മത്തിനും മുടിക്കും പ്രത്യേക പരിപാലനം ആവശ്യമാണ്. മഴക്കാലത്ത് സൺസ്‌ക്രീൻ ഉപയോഗിക്കേണ്ടതുണ്ടോ എന്ന സംശയം പരക്കെ നിലവിലുണ്ട്. വേനലിൽ സൂര്യന്റെ ചൂടിൽ നിന്ന് ചർമ്മത്തെ സംരക്ഷിക്കാൻ സൺസ്‌ക്രീൻ ഉപയോഗിക്കണം എന്ന് നമുക്കെല്ലാം അറിയാം. എന്നാൽ മഴക്കാലമാകുന്നതോടെ ചർമ്മത്തെ ദോഷകരമായി ബാധിക്കുന്ന സൂര്യ രശ്മികൾ ഉണ്ടോ?



മഴക്കാലത്ത് സൂര്യനെ കഷ്ടിച്ച് കാണുന്നത് സൺസ്ക്രീൻ പുരട്ടുന്നത് ഒഴിവാക്കാൻ മതിയായ കാരണമാണോ? തീർച്ചയായും അല്ല. എന്തുകൊണ്ടാണ് നമ്മൾ സൺസ്ക്രീനുകൾ ഉപയോഗിക്കുന്നത് എന്നതിനെക്കുറിച്ചാണ് ആദ്യം മനസ്സിലാക്കേണ്ടത്. ദോഷകരമായ അൾട്രാവയലറ്റ് റേഡിയേഷൻ ഏൽക്കുന്നതിൽ നിന്ന് ചർമ്മത്തെ സംരക്ഷിക്കുക എന്നതാണ് സൺസ്ക്രീന്റെ പ്രധാന ഉപയോഗം. അൾട്രാവയലറ്റ് വികിരണങ്ങൾ ഏൽക്കുന്നത് ഒരുതരം ചർമ്മ കാൻസറായ മെലനോമ വരാനുള്ള സാധ്യത വർദ്ധിപ്പിക്കും. സൂര്യതാപത്തിൽ നിന്ന് ചർമ്മത്തെ സംരക്ഷിക്കാനും സൺസ്ക്രീനുകൾക്ക് കഴിയും.

മഴക്കാലത്ത് സൺസ്ക്രീൻ ഉപയോഗിക്കേണ്ടത് എന്തുകൊണ്ട്?



1. മേഘാവൃതമായ ആകാശത്തിലൂടെ സൂര്യൻ ദൃശ്യമാകണമെന്നില്ല. എന്നിരുന്നാലും, അത് സൂര്യൻ അവിടെ ഇല്ലെന്ന് അർത്ഥമാക്കുന്നില്ല. സൂര്യനിൽ നിന്നുള്ള അൾട്രാവയലറ്റ് രശ്മികളെ തടയുന്ന ഫിൽട്ടറായി മേഘങ്ങൾ പ്രവർത്തിക്കില്ല. അതിനാൽ തന്നെ സൂര്യനിൽ നിന്നുള്ള അൾട്രാവയലറ്റ് രശ്മികൾ ഏൽക്കുന്നത് മൂലമുണ്ടാകുന്ന നാശത്തിൽ നിന്ന് സ്വയം പരിരക്ഷിക്കുന്നതിന്, മഴക്കാലത്ത് പോലും സൺസ്ക്രീൻ പ്രയോഗിക്കുക.

2. മഴയുള്ളപ്പോഴും, നിങ്ങൾക്ക് സൂര്യതാപം എൽക്കാം. എന്നിരുന്നാലും, സൺസ്‌ക്രീൻ ഉപയോഗിക്കുമ്പോൾ, മഴക്കാലത്ത് സൂര്യതാപത്തെക്കുറിച്ച് നിങ്ങൾ വിഷമിക്കേണ്ടതില്ല.

3. അൾട്രാവയലറ്റ് രശ്മികൾ ഏൽക്കുന്നത് ചർമ്മത്തിൽ ചുളിവുകൾ, നേർത്ത വരകൾ, പിഗ്മെന്റേഷൻ അഥവാ നിറവ്യത്യാസം, കറുത്ത പാടുകൾ എന്നിവ ഉണ്ടാകാനുള്ള സാധ്യത വർദ്ധിപ്പിക്കുന്നു. അത്തരം അവസ്ഥകൾ ഉണ്ടാകാതിരിക്കാൻ സൺസ്ക്രീൻ പ്രയോഗിക്കുകയും ചർമ്മത്തെ കൂടുതൽ നേരം ചെറുപ്പമായി നിലനിർത്തുകയും ചെയ്യുക.

സൗന്ദര്യ ഗുണങ്ങൾക്ക് ദിവസവും ഫെയ്‌സ് പാക്ക് ഉപയോഗിക്കേണ്ടതുണ്ടോ?

ശരിയായ സൺസ്ക്രീൻ തിരഞ്ഞെടുക്കുക



മഴക്കാല സമയത്ത് സൺസ്ക്രീൻ ഉപയോഗിക്കുന്നത് പ്രധാനമായിരിക്കാമെങ്കിലും പരിരക്ഷണം വർദ്ധിപ്പിക്കുന്നതിന് ശരിയായ തരത്തിലുള്ള സൺസ്ക്രീൻ തിരഞ്ഞെടുക്കേണ്ടത് പ്രധാനമാണ്. ഈ മഴക്കാലത്ത് സൺസ്ക്രീൻ തിരഞ്ഞെടുക്കുമ്പോൾ നിങ്ങൾ ശ്രദ്ധിക്കേണ്ട ചില കാര്യങ്ങൾ ഇതാ:

1. സൺസ്ക്രീൻ ഒരൊറ്റ തവണ പുരട്ടുന്നത് ചർമ്മത്തിൽ ദിവസം മുഴുവൻ നിലനിൽക്കില്ല. അതിനാൽ, നിങ്ങൾ ദീർഘനേരം സൂര്യപ്രകാശം ഏൽക്കുകയാണെങ്കിൽ സൺസ്ക്രീൻ കൃത്യമായ ഇടവേളകളിൽ വീണ്ടും പ്രയോഗിക്കാൻ ഓർമ്മിക്കുക.

2. ഒലിച്ച് പോകുന്നത് തടയാൻ ജല പ്രതിരോധശേഷിയുള്ള സൺസ്ക്രീൻ തിരഞ്ഞെടുക്കുക.

3. മഴക്കാലം ഈർപ്പമുള്ളതാകാം, അതായത് അമിത ജലാംശം ഉണ്ടാവാൻ സാധ്യതയുണ്ട്. ജെൽ അടിസ്ഥാനമാക്കിയുള്ള സൺസ്ക്രീൻ തിരഞ്ഞെടുക്കുന്നത് വിയർക്കുന്ന സമയത്ത് പോലും ചർമ്മത്തിന് സംരക്ഷണം നിലനിർത്താൻ സഹായിക്കും.

ചർമ്മത്തിന്റെ സൗന്ദര്യത്തിന് കുടിക്കാം ഈ വിറ്റാമിൻ സി ജ്യൂസുകൾ

4. പരമാവധി സംരക്ഷണം പ്രാപ്തമാക്കുന്നതിന് ഉചിതമായ എസ്‌പി‌എഫ് തിരഞ്ഞെടുക്കുന്നതിന് മുമ്പ് ചർമ്മത്തിന്റെ ഘടനയും നിറവും മനസ്സിൽ സൂക്ഷിക്കണം. വിദഗ്ദ്ധോപദേശത്തിനായി ഒരു ഡെർമറ്റോളജിസ്റ്റിനെ സമീപിക്കുകയും മികച്ച സൺസ്ക്രീൻ തിരഞ്ഞെടുക്കുന്നതിന് നിങ്ങളുടെ ചർമ്മത്തിന്റെ തരം ഏതെന്ന് മനസ്സിലാക്കുകയും ചെയ്യുക.

5. വസ്ത്രങ്ങൾക്കടിയിൽ മറഞ്ഞിരിക്കുന്ന പ്രദേശങ്ങളും അൾട്രാവയലറ്റ് രശ്മികൾ ഏൽക്കാൻ സാധ്യതയുണ്ട്. സൂര്യപ്രകാശം ഏൽക്കാൻ സാധ്യത കൂടുതലുള്ള ശരീരഭാഗങ്ങളിൽ സൺസ്ക്രീൻ പ്രയോഗിക്കുന്നത് ഉറപ്പാക്കുക.

ശ്രദ്ധിക്കുക: ലേഖനത്തിൽ പരാമർശിച്ചിരിക്കുന്ന നുറുങ്ങുകളും നിർദ്ദേശങ്ങളും പൊതുവായ വിവര ആവശ്യങ്ങൾക്ക് മാത്രമുള്ളതാണ്, മാത്രമല്ല ഇത് ഒരു വിദഗ്‌ദ്ധ വൈദ്യോപദേശമായി കണക്കാക്കരുത്. ഏതെങ്കിലും ഫിറ്റ്നസ് പ്രോഗ്രാം ആരംഭിക്കുന്നതിനോ ഭക്ഷണക്രമത്തിൽ എന്തെങ്കിലും മാറ്റങ്ങൾ വരുത്തുന്നതിനോ മുൻപായി എല്ലായ്പ്പോഴും നിങ്ങളുടെ ഡോക്ടറുമായോ ഡയറ്റീഷ്യനോടോ ബന്ധപ്പെടുക.