മുടിയുടെ കരുത്തിന് ഒരു പ്രത്യേക ഉലുവാ പായ്ക്ക്…

ഉലുവ

ഇതില്‍ നാലു കൂട്ടുകളാണ് വേണ്ടത്. ചെമ്പരത്തി, ഉലുവ, മുട്ട, തൈര് എന്നിവായണ് ഇതിനായി വേണ്ടത്.ഉലുവ പ്രത്യേക രീതിയില്‍ ഉപയോഗിയ്ക്കുന്നത് മുടി കൊഴിയുന്നതു തടയും. മുടി വളര്‍ച്ച ത്വരിതപ്പെടുത്തും. താരന്‍ പോലുള്ള പ്രശ്‌നങ്ങള്‍ക്കു നല്ല പരിഹാരമാണ്. മുടിയ്ക്കു തിളക്കവും മൃദുത്വവുമെല്ലാം നല്‍കും. തികച്ചും സ്വാഭാവിക ചേരുവകള്‍ ആയതിനാല്‍ തന്നെ യാതൊരു ദോഷവും മുടിയ്‌ക്കോ തലയ്‌ക്കോ വരുത്തുന്നുമില്ല. ഇത് ഉപയോഗിയ്ക്കാനും വളരെ എളുപ്പമാണ്.ഇത് ഈസ്ട്രജന്‍ സമ്പുഷ്ടമാണ്. മുടിയുടെ വളര്‍ച്ചയ്ക്കും ആരോഗ്യത്തിനും ആവശ്യമായ ഏറെ പോഷകങ്ങള്‍ അടങ്ങിയ ഇത് മുടിയ്ക്കു തിളക്കം നല്‍കാനും നല്ലൊരു ഷാംപൂവിന്റെയും കണ്ടീഷണറുടേയും ഗുണം നല്‍കാനും നല്ലതാണ്.

​തൈര്

തൈര് മുടിയ്ക്ക് ആരോഗ്യകരമായ മറ്റൊരു ചേരുവയാണ്. തൈര് കാൽസ്യത്തിന്റെ മികച്ച ഉറവിടം മാത്രമല്ല, ബി 5, ഡി തുടങ്ങിയ വിറ്റാമിനുകളും, സിങ്ക്, മഗ്നീഷ്യം, പൊട്ടാസ്യം തുടങ്ങിയ ധാതുക്കൾ, ഫാറ്റി ആസിഡുകൾ, പ്രോട്ടീനുകൾ എന്നിവയാലും സമ്പുഷ്ടമാണ്. ഇവ ഒരുമിച്ച് മുടി സംബന്ധമായ വിവിധ പ്രശ്നങ്ങൾ പരിഹരിക്കുന്നതിന് ഒന്നിലധികം വഴികളിൽ പ്രവർത്തിക്കുന്നു. തൈര് രോമകൂപങ്ങൾക്ക് ആഴത്തിലുള്ള പോഷണം നൽകുന്നു, ഇത് മുടിയെ ശക്തവും ആരോഗ്യകരവുമാക്കുന്നു. താരന്റെ ശല്യം മൂലം കഷ്ടപ്പെടുന്നവർ ഒരുപാട് പേരുണ്ട്. അവർക്ക് വലിയ ആശ്വാസമാണ് തൈര്. തൈര് മുടിക്ക് ഉയർന്ന അളവിൽ പോഷണം നൽകുന്നു, പ്രത്യേകിച്ച് വരണ്ടതും മങ്ങിയതുമായ മുടിക്ക്.

ചെമ്പരത്തി

പണ്ടു കാലം മുതല്‍ മുടിയുടെ ആരോഗ്യത്തിന് ഉപയോഗിച്ചു വരുന്ന ഒന്നാണ് ഇത്. ചെമ്പരത്തി മുടിക്ക് ആഴത്തിലുള്ള പോഷണം നൽകാനും ശിരോചർമ്മത്തിലെ രക്തചംക്രമണം മെച്ചപ്പെടുത്താനും സാധിക്കുന്നു. സഹായിക്കുന്നു. നല്ലൊരു ഷാംപൂ, കണ്ടീഷണര്‍ ഗുണം നല്‍കുന്ന ഒന്നാണ് ചെമ്പരത്തി. ഇത് മുടിയുടെ മിനുസവും ഗുണവും വർദ്ധിപ്പിക്കുകയും, മുടി കൈകാര്യം ചെയ്യുവാൻ എളുപ്പത്തിലാക്കുകയും ചെയ്യുന്നു. മുടിയുടെ വേരുകൾ ശക്തമാക്കുന്നതിനു പുറമേ, മുടിയുടെ അകാല നര തടയുന്നതിനും ചെമ്പരത്തി സഹായിക്കുന്നു.

മുട്ട വെള്ള

ഇതില്‍ അടുത്തത് മുട്ട വെള്ളയാണ്. മുട്ട വെള്ള പൊതുവേ മുടിയുടെ ആരോഗ്യത്തിന് ഏറെ ഗുണകരമാണ്. ആരോഗ്യമുള്ള മുടിയ്ക്കും മുടി കൊഴിച്ചിലിനും ഏറ്റവും നല്ലൊരു പ്രകൃതിദത്തമായ വഴിയാണ് മുട്ടയുടെ വെള്ള. പ്രോട്ടീൻ ധാരാളം അടങ്ങിയിട്ടുള്ളത് കൊണ്ട് തന്നെ മുട്ടയുടെ വെള്ള നല്ലൊരു ഹെയർപാക്കാണെന്ന് പറയാം.ഇതിൽ ഒമേഗ 3, ഒമേഗ 6 തുടങ്ങിയ പോളി – സാച്ചുറേറ്റഡ് ഫാറ്റി ആസിഡുകൾ അടങ്ങിയിട്ടുണ്ട്. ഇവ രണ്ടും കോശങ്ങളുടെ സാധാരണ വളർച്ച നിലനിർത്താനും മുടിയുടെ ആരോഗ്യകരമായ വളർച്ചയെ പ്രോത്സാഹിപ്പിക്കാനും സഹായിക്കുകയും ചെയ്യുന്നു.

ഉലുവാ കുതിര്‍ത്തുക. ചെമ്പരത്തിയുടെ മുട്ട്, പൂവ് എന്നിവയും എടുക്കുക. അല്‍പം തൈര്, മുട്ട വെള്ള എന്നിവ ചേര്‍ത്ത് ഇത് നല്ല പേസ്റ്റാക്കി അരച്ചെടുക്കുക. ഇൗ ഹെയര്‍ പായ്ക്കില്‍ സുഗന്ധത്തിനായി ലാവെന്‍ഡര്‍ ഓയിലോ മറ്റോ ചേര്‍ക്കാം. ഇത് മുടിയില്‍ കവര്‍ ചെയ്തു പുരട്ടാം. ഇത് അര മണിക്കൂര്‍ കഴിഞ്ഞ് കഴുകാം. മുടിയ്ക്ക് നല്ല കരുത്തും ഉളളും നല്‍കുന്ന, മുടിയുടെ ആരോഗ്യത്തിന് സഹായിക്കുന്ന ഒരു ഹെയര്‍ പായ്ക്കാണിത്. Also read: ഒട്ടും ചെലവില്ലാതെ മുഖം മിനുക്കാം, ഐസ് ക്യൂബ് മസ്സാജ് ചെയ്തോളൂ