Gokul Murali | Samayam Malayalam | Updated: 27 Jul 2021, 02:40:00 PM
കേരളത്തിൽ ഇൻഫൊര്‍മേഷൻ കേരള മിഷന്റെ കണക്ക് അനുസരിച്ച് 23,486 മരണമാണുള്ളത്. എന്നാൽ മുഖ്യമന്ത്രിയുടെ ഓഫീസ് ഇന്നലെ പുറത്തുവിട്ട വാര്‍ത്താക്കുറിപ്പ് പ്രകാരം ആകെ മരണം 16,170 മാത്രമാണ്. ഇത് ശരിവയ്ക്കുന്ന വിവരാവകാശ രേഖകളും പ്രതിപക്ഷ നേതാവ് പുറത്തുവിട്ടിട്ടുണ്ട്.
കേരളത്തിലെ കൊവിഡ് മരണം (പ്രതീകാത്മക ചിത്രം)
ഹൈലൈറ്റ്:
- കേരളത്തിൽ ഇൻഫൊര്‍മേഷൻ കേരള മിഷന്റെ കണക്ക് അനുസരിച്ച് 23,486 മരണമാണ്.
- എന്നാൽ മുഖ്യമന്ത്രിയുടെ ഓഫീസ് ഇന്നലെ പുറത്തുവിട്ട വാര്‍ത്താക്കുറിപ്പ് പ്രകാരം ആകെ മരണം 16,170 മാത്രമാണ്
- ഇത് ശരിവയ്ക്കുന്ന വിവരാവകാശ രേഖകളും പ്രതിപക്ഷ നേതാവ് പുറത്തുവിട്ടിട്ടുണ്ട്
Also Read : സംസ്ഥാനത്ത് കടുത്ത വാക്സിൻ ക്ഷാമമെന്ന് ആരോഗ്യമന്ത്രി; നാല് ജില്ലകളില്‍ ഇന്ന് വിതരണം മുടങ്ങും
അടിയന്തര പ്രമേയ നോട്ടീസുമായി ബന്ധപ്പെട്ട ചര്‍ച്ചയിൽ സംസാരിക്കുകയായിരുന്ന പ്രതിപക്ഷ നേതാവ് വി ഡി സതീശനാണ് ഇക്കാര്യം നിയമസഭയിൽ ഇക്കാര്യം ഉന്നയിച്ചത്. ഇത് ശരിവയ്ക്കുന്ന വിവരാവകാശ രേഖകളും പ്രതിപക്ഷ നേതാവ് പുറത്തുവിട്ടിട്ടുണ്ട്.
കേരളത്തിൽ ഇൻഫൊര്‍മേഷൻ കേരള മിഷന്റെ കണക്ക് അനുസരിച്ച് 23,486 മരണമാണുള്ളത്. എന്നാൽ മുഖ്യമന്ത്രിയുടെ ഓഫീസ് ഇന്നലെ പുറത്തുവിട്ട വാര്‍ത്താക്കുറിപ്പ് പ്രകാരം ആകെ മരണം 16,170 മാത്രമാണ്.
2020 ജനുവരി മുതൽ 2021 ജൂലൈ 13 വരെയുള്ള കണക്കാണിത്. ജൂലൈ 13ന് നൽകിയ വിവരാവകാശ അപേക്ഷയിൽ 23നാണ് മറപടി ലഭിച്ചത്. വിശദമായ പരിശോധനയിൽ ഒന്നാം തരംഗത്തിൽ മരണ കണക്കുകളിലാണ് വലിയ വിത്യാസം ഉണ്ടായിരിക്കുന്നത്.
ഒന്നാം തരംഗ വീശിയടിച്ച സമയമായ ഓഗസ്റ്റ് മാസത്തിൽ 105 മരണമാണ് റിപ്പോര്‍ട്ട് ചെയ്തിട്ടുള്ളത്. 271 മരണം സെപ്റ്റംബര്‍ മാസത്തിലും, 683 മരണം ഒക്ടോബറിലും, 630 മരണം നവംബര്‍ മാസത്തിലുമാണ് സ്ഥിരീകരിക്കപ്പെട്ടുവെന്നാണ് അന്നത്തെ കണക്കുകള്‍ കാണിക്കുന്നത്.
അതേസമയം, രണ്ടാം തരംഗത്തിൽ മെയ് മാസത്തിൽ മാത്രം 11258 പേര്‍ കൊവിഡ് മൂലം മരിച്ചുവെന്ന് ഇപ്പോഴത്തെ കണക്കുകള്‍ സൂചിപ്പിക്കുന്നത്.
Also Read : വാളയാർ ചെക്ക്പോസ്റ്റിൽ മിന്നൽ പരിശോധന; ഉദ്യോഗസ്ഥരിൽ നിന്നും കണ്ടെത്തിയത് 1.70 ലക്ഷം രൂപ, സര്‍ക്കാരിന് ലഭിക്കുന്നത് 2.50 ലക്ഷം
നേരത്തേയും ഇത്തരത്തിൽ കേരളത്തിലെ കൊവിഡ് കണക്കുകളില്‍ പൊരുത്തക്കേടുകള്‍ വിവാദമായിരുന്നു. കേന്ദ്രസര്‍ക്കാരും ഐസിഎംആറും ഇത് സംബന്ധിച്ച് വിമര്‍ശിച്ചിരുന്നു. അതിന് പിന്നാലെയാണ് സര്‍ക്കാരിനെ കുടുക്കി പ്രതിപക്ഷം കണക്കുകള്‍ പുറത്തുവിട്ടത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : kerala covid death report rti data
Malayalam News from malayalam.samayam.com, TIL Network
