ഫിറ്റ്നസ് സ്വന്തമാക്കാൻ ആദ്യം ഒഴിവാക്കണം ഈ ശീലങ്ങൾ

ആരോഗ്യ കാര്യത്തിൽ ആളുകൾ കൂടുതൽ ശ്രദ്ധ നൽകി തുടങ്ങിയിരിക്കുന്നു. ഭാരം കുറയ്ക്കുക എന്നതിനേക്കാൾ ശരീരം ഫിറ്റ് ആയി സൂക്ഷിക്കുക എന്നതിനാണ് പ്രാധാന്യം. ഫിറ്റ്‌നെസ് ഇന്ന് പരമപ്രധാനമാണ്, പ്രത്യേകിച്ച് കൊവിഡ് -19 പോലുള്ള ആഗോള ആരോഗ്യ പ്രതിസന്ധി നമ്മുടെ ജീവിതത്തെ മാറ്റിമറിച്ച ഈ സമയത്ത്. എന്നാൽ ആരോഗ്യകരമായ ശരീരവും മനസ്സും നേടാൻ എളുപ്പവഴികളൊന്നും ഇല്ല. പതിവായുള്ള വ്യായാമവും ആരോഗ്യകരമായ ഭക്ഷണ ശീലവും ഇതിന് പ്രധാന പങ്ക് വഹിക്കുന്നുണ്ട്.



അതെ സമയം, ആരോഗ്യകരമായ ജീവിതശൈലി നേടിയെടുക്കാൻ ഒരാൾ പൂർണ്ണമായും ഒഴിവാക്കേണ്ട ചില കാര്യങ്ങളുണ്ട്. തീർച്ചയായും, പോഷകസമൃദ്ധമായ ഭക്ഷണം കഴിക്കുന്നതും വ്യായാമവും പ്രധാനമാണ്, എന്നാൽ സമാനമായ പ്രാധാന്യമുള്ള മറ്റ് കാര്യങ്ങളും ഉണ്ട്, തീർച്ചയായും ഒഴിവാക്കേണ്ടവ!

1. രാവിലെ ഉറക്കമുണരുന്ന സമയം



ദിവസവും രാവിലെ അഞ്ച് മണിക്ക് തന്നെ ഉണരണം എന്നൊന്നും പറയുന്നില്ല. പക്ഷെ ആരോഗ്യകരമായ ജീവിതശൈലിക്ക് രാവിലെ ഉണരുന്ന സമയം പ്രധാനമാണ്. എല്ലാവരുടെയും ഉറക്ക രീതി വ്യത്യസ്തമാണ്. എന്നിരുന്നാലും നേരത്തെ ഉറങ്ങി നേരത്തെ ഉണരുന്നത് മികച്ച ആരോഗ്യം കൈവരിക്കാൻ സഹായിക്കുന്നു. കൂടാതെ ദിവസവും ഒരേ സമയത്ത് തന്നെ ഉണരാനും ശ്രദ്ധിക്കുക.

വെള്ളം കുടിക്കേണ്ടത് യോഗയ്ക്ക് മുമ്പോ ശേഷമോ?

2. തുടർച്ചയായി ദീർഘനേരം വ്യായാമം സഹായിക്കില്ല!



നമ്മിൽ മിക്കവരും ആരോഗ്യമുള്ളവരായിരിക്കുന്നതിനേക്കാൾ മെലിഞ്ഞവരാകണം എന്നാണ് ആഗ്രഹിക്കുന്നത്. അതുകൊണ്ടാണ് ധാരാളം വ്യായാമം ചെയ്യുന്നത് ശരീരഭാരം കുറയ്ക്കാൻ സഹായിക്കുമെന്ന് നാം കരുതുന്നത്. എന്നാൽ, അങ്ങിനെയല്ല എന്നതാണ് സത്യം! ഒരുപാട് സമയം വ്യായാമത്തിൽ ഏർപ്പെടുക എന്നതിലല്ല കാര്യം, മറിച്ച് ചെയ്യുന്ന വ്യായാമം കൂടുതൽ ശാരീരിക ക്ഷമത ഉള്ളതാക്കുക എന്നതാണ്. അതായത്, രണ്ട് മണിക്കൂർ വ്യായാമം ചെയ്യുന്നത് നിങ്ങളെ സഹായിക്കുമെന്ന് നിങ്ങൾ വിശ്വസിക്കുന്നുവെങ്കിൽ, അതിന് ഒരു സാധ്യതയുമില്ല. നിങ്ങളുടെ ശരീരം ഒന്നും നേടാത്തവിധം നിങ്ങൾ തളർന്നുപോകും. പകരം, എല്ലാ ദിവസവും 45 മിനിറ്റ് മാറ്റി വച്ച്, നിങ്ങളുടെ ശരീരത്തെ സഹായിക്കുവാൻ ഒരു കൂട്ടം ഫലപ്രദമായ വ്യായാമങ്ങൾ ചെയ്യുക, അനാവശ്യ കൊഴുപ്പ് എരിച്ച് കളഞ്ഞ് ശരീരത്തിന് ആവശ്യത്തിന് വിശ്രമം ലഭിക്കാൻ ഈ ഒരു രീതി പിന്തുടരാം.

3. ഭക്ഷണശീലം തോന്നുംപോലെ ആണോ?



ലാപ്ടോപ്പിന് മുമ്പിലിരുന്ന് ഒരു ഇമെയിൽ‌ ടൈപ്പുചെയ്യുമ്പോൾ‌ നിങ്ങൾ എത്ര തവണ ലഘുഭക്ഷണം കഴിക്കാറുണ്ട്? അങ്ങനെയാണ് നാം പലപ്പോഴും അനാരോഗ്യകരമായ ഭക്ഷണശീലത്തിൽ ഏർപ്പെടുന്നത്. ഭക്ഷണം ആവശ്യമില്ലാത്തപ്പോൾ എപ്പോൾ കഴിക്കുന്നത് നിർത്തണമെന്ന് നമ്മുടെ ശരീരം നമ്മളോട് പറയുന്നു, എന്നാൽ നിങ്ങൾ ശ്രദ്ധ കേന്ദ്രീകരിക്കാത്തപ്പോൾ, നിങ്ങൾ പതിവിലും കൂടുതൽ ഭക്ഷണം കഴിക്കാൻ തുടങ്ങും. അങ്ങിനെയുള്ളപ്പോൾ ശരീരഭാരം പെട്ടെന്ന് വർദ്ധിക്കുന്നതിൽ അതിശയിക്കാനില്ല! അമിതമായി ഭക്ഷണം കഴിക്കുന്നതും ലഘുഭക്ഷണം കഴിക്കുന്നതും ഒഴിവാക്കാൻ ശ്രദ്ധാപൂർവ്വം ഭക്ഷണം കഴിക്കേണ്ടത് വളരെ പ്രധാനമാണ്.

വ്യായാമശേഷം ഊർജ്ജനില വീണ്ടെടുക്കാൻ ഈ കാര്യങ്ങൾ ശ്രദ്ധിക്കാം

4. ചീറ്റ് ഡേ എന്നത് ദോഷം ചെയ്യും



എന്തുകൊണ്ടാണ് നമുക്ക് ചീറ്റ് ഡേ ഭക്ഷണം ആവശ്യമായി വരുന്നത് എന്നതാണ് വസ്തുത. ആഴ്ചയിൽ 6 ദിവസം ഡയറ്റ് ചെയ്ത്, ഏഴാം ദിവസം ഇഷ്ടമുള്ള ഭക്ഷണം വാരിവലിച്ചു കഴിക്കുന്നതിനെയാണ് ചീറ്റ് ഡേ മീൽ എന്ന് പറയുന്നത്. നിങ്ങൾ മിതമായും ശ്രദ്ധാപൂർവ്വമായും ഭക്ഷണം കഴിക്കുമ്പോൾ, ജങ്ക് ഫുഡ് അധികമായി കഴിക്കേണ്ടതേയില്ല. നിങ്ങൾ‌ക്കത് കഴിക്കാൻ‌ താൽ‌പ്പര്യമുണ്ടെങ്കിൽ‌, ജങ്ക് ഫുഡിനായി ഒരു ദിവസം മാറ്റി വയ്ക്കുന്നതിന് പകരം മിതമായി കഴിക്കുക. ഇതുവഴി നിങ്ങളുടെ ശരീരത്തെ ആരോഗ്യകരമായ ഡയറ്റിലൂടെ കൊണ്ടുപോയി, വാരാന്ത്യത്തിൽ പെട്ടെന്ന് അനാരോഗ്യകരമായ ഭക്ഷണം കഴിക്കുന്ന അവസ്ഥയിലേക്ക് കൊണ്ടുപോകുന്നത് തടയാൻ സാധിക്കുന്നു. എപ്പോഴും ഭക്ഷണം കഴിക്കുമ്പോൾ മിതത്വം പാലിക്കുക!

5. സപ്ലിമെന്റുകൾ നല്ലതല്ല



ഇതൊരു പൊതുവായ പ്രസ്താവനയല്ല, പക്ഷേ സപ്ലിമെന്റുകൾക്ക് അമിത പ്രാധാന്യമാണ് ഇപ്പോൾ പലരും നൽകുന്നത് എന്നതാണ് വസ്തുത. സപ്ലിമെന്റുകൾ കഴിക്കുന്നത് നമ്മുടെ പോഷകാഹാരത്തിന്റെ ആവശ്യകത നിറവേറ്റുന്നുവെന്ന് പലരും വിശ്വസിക്കുന്നു, പക്ഷേ ഇത് കഴിക്കുന്നതിന് പകരം, നിങ്ങളുടെ പോഷക ആവശ്യങ്ങൾ ഭക്ഷണത്തിലൂടെ നിറവേറ്റാൻ സാധിക്കും. പ്രോട്ടീൻ ഷേക്കും സപ്ലിമെന്റുകളും എപ്പോഴും നിങ്ങളെ സഹായിക്കണമെന്നില്ല. കൂടാതെ, നിങ്ങളുടെ കുറെ പണം അനാവശ്യമായി ചിലവാകുകയും ചെയ്യും!