പിഴയിടുന്നത് ചോദ്യം ചെയ്ത പതിനെട്ടുകാരിക്കെതിരെ ജാമ്യമില്ലാ വകുപ്പ് ചുമത്തി പോലീസ്

കൊച്ചി: കൊല്ലം ചടയമംഗലത്ത് കൃത്യനിർവ്വഹണം തടസ്സപ്പെടുത്തിയെന്നാരോപിച്ച് പതിനെട്ടുകാരിക്കെതിരെ ജാമ്യമില്ലാ വകുപ്പ് ചുമത്തി പോലീസ്. പ്ലസ് ടു പരീക്ഷയെഴുതി ഫലം കാത്തിരിക്കുന്ന ചടയമംഗലം അക്കോണം സ്വദേശി ഗൗരിനന്ദയ്ക്കെതിരെയാണ് കേസെടുത്തത്. ബാങ്കിനു മുന്നിൽ ക്യൂ നിന്നയാൾക്ക് കൊവിഡ് മാനദണ്ഡങ്ങൾ ലംഘിച്ചെന്നാരോപിച്ച് പോലീസ് പിഴ ചുമത്തിയത് പെൺകുട്ടി ചോദ്യം ചെയ്തിരുന്നു. വിഷയത്തിൽ സംസ്ഥാന യുവജന കമ്മീഷനെ സമീപിച്ചിരിക്കുകയാണ് പെൺകുട്ടി.



നാല് ജില്ലകളില്‍ ഇന്ന് യെല്ലോ അലര്‍ട്ട്; വരും ദിവസങ്ങളില്‍ മഴ കുറയും

അമ്മയെ ആശുപത്രിയിൽ കൊണ്ടുപോയി മടങ്ങി വരുന്ന വഴി എടിഎമ്മിൽ നിന്നും പണം എടുക്കുന്നതിനാണ് പെൺകുട്ടി ബാങ്കിനു മുന്നിലെത്തിയത്. അവിടെവെച്ച് പ്രായമുള്ള ആളോട് പോലീസ് കയർത്ത് സംസാരിക്കുന്നത് കണ്ടപ്പോൾ വിഷയത്തിൽ ഇടപെടുകയായിരുന്നു.

അനാവശ്യമായി പിഴ ചുമത്തിയെന്ന് വൃദ്ധൻ പറഞ്ഞപ്പോൾ ഇടപെട്ട പെൺകുട്ടിക്കും പോലീസ് പിഴ ചുമത്തിയെന്നാണ് ആരോപണം. തുടർന്നാണ് പോലീസുമായി വാക്കുതർക്കം ഉണ്ടായത്. ഇതോടെയാണ് ഔദ്യോഗിക കൃത്യനിർവ്വഹണം തടസ്സപ്പെടുത്തിയെന്നാരോപിച്ച് പെൺകുട്ടിക്കെതിരെ പോലീസ് ജാമ്യമില്ലാ വകുപ്പ് പ്രകാരം കേസെടുത്തത്.

75 ലക്ഷം ഈ ഭാഗ്യവാന് സ്വന്തം; ഇവർ മറ്റ് വിജയികൾ, സ്ത്രീശക്തി SS 271 ലോട്ടറി ഫലം അറിയാം

പെൺകുട്ടി സ്റ്റേഷനിലെത്തി മാപ്പ് പറഞ്ഞാൽ കേസ് പിൻവലിക്കാമെന്ന നിലപാടാണ് പോലീസ് സ്വീകരിച്ചതെന്ന് ഏഷ്യാനെറ്റ് റിപ്പോർട്ട് ചെയ്തു. സംഭവത്തിൽ റൂറൽ എസ്പിയോട് സംസ്ഥാന യുവജന കമ്മീഷൻ റിപ്പോർട്ട് തേടിയിട്ടുണ്ട്.