വജൈനല്‍ ക്യാന്‍സറിന് ചില കാരണങ്ങളും ചില പ്രത്യേക ലക്ഷണങ്ങളുമുണ്ട്. ഇതെക്കുറിച്ചറിയൂ.
ക്യാന്‍സര്‍ ഇപ്പോഴും രോഗങ്ങളുടെ കൂട്ടത്തിലെ വില്ലനാണ്. വേണ്ട രീതിയില്‍ ചികിത്സ തേടിയില്ലെങ്കില്‍ ജീവന്‍ തന്നെ അപകടത്തിലാക്കാവുന്ന ഒന്നാണിത് തുടക്കത്തില്‍ കണ്ടെത്താന്‍ സാധിയ്ക്കാത്തതാണ് ഈ രോഗത്തെ ഏറ്റവും ഗുരുതരമാക്കുന്നത്. കാരണം പല ക്യാന്‍സറുകളുടെ ലക്ഷണങ്ങളും സാധാരണ രോഗങ്ങളോട് സാമ്യമുള്ളവയായിരിയ്ക്കും. ഇതിനാല്‍ തന്നെ നാം പലപ്പോഴും അവഗണിച്ചു കളയുകയും ചെയ്യും. പൊതുവായ ക്യാന്‍സറുകള്‍ കൂടാതെ സ്ത്രീയേയും പുരുഷനേയുമെല്ലാം ബാധിയ്ക്കുന്ന ചില പ്രത്യേക ക്യാന്‍സറുകളുണ്ട്. ഇതില്‍ സ്ത്രീകളെ ബാധിയ്ക്കുന്ന ഒരു ക്യാന്‍സറാണ് വജൈനല്‍ ക്യാന്‍സര്‍. അത്ര സാധാരണമല്ലെങ്കിലും ഗുരുതരമായ ഒന്നു തന്നെയാണിത്. പൊതുവെ അപൂര്‍വമാണെങ്കിലും 60 കഴിഞ്ഞ സ്ത്രീകളില്‍ ഇത് കാണാറുണ്ട്. ഇവിടെ വയസൊരു റിസ്‌ക് ഫാക്ടര്‍ തന്നെയാണെന്നു വേണം, പറയാന്‍. ചെറുപ്പക്കാരില്‍ ഇത് അപൂര്‍വമായേ കാണുന്നുള്ളൂ. എന്നു കരുതി തീരെയില്ലെന്നും പറയാനാകില്ല.
വജൈനല്‍ ക്യാന്‍സര്‍
വജൈനല്‍ ക്യാന്‍സര്‍ തന്നെ രണ്ടു വിധത്തിലുണ്ട് .സ്‌ക്വാമസ് സെല്‍ കാര്‍സിനോമ, അഡിനോകാര്‍സിനോമ എന്നിങ്ങനെ രണ്ടുതരം ക്യാന്‍സറുകളുണ്ട്. ഇതില്‍ ആദ്യം പറഞ്ഞതാണ് കൂടുതല്‍ വരിക. വജൈനയില്‍ തുടങ്ങി ലംഗ്‌സ്, എല്ല് എന്നിവിടങ്ങളിലേയ്ക്കു പടരാവുന്ന ഒന്ന്.അമിത മദ്യപാനം, പുകയില ഉല്‍പ്പന്നങ്ങളുടെ ഉപയോഗം എന്നിവ വജൈനല്‍ കാന്‍സര്‍ ഉണ്ടാക്കാന്‍ കാരണമാകുന്നു. മറ്റൊരു കാരണം, സെക്‌സിലൂടെയൊ ചര്‍മ്മം നേരിട്ടുള്ള സമ്പര്‍ക്കം വഴിയോ പകരുന്ന ഹ്യൂമണ്‍ പാപ്പിലോമ വൈറസ് ആണ്. അതുപോലെ തന്നെ വജൈനല്‍ കാന്‍സറിന് കാരണമാകുന്ന ഏറ്റവും പ്രധാന ഘടകം എച്ച് ഐ വി വൈറസാണ്. ഈ വൈറസ് സെര്‍വിക്കല്‍ കാന്‍സറിനും കാരണമാകുന്നു. വേണ്ട സമയത്ത് ചികിത്സ ലഭിച്ചില്ലെങ്കില്‍ വജൈനല്‍ കാന്‍സര്‍ മറ്റ് അവയവങ്ങളിലേക്ക് ബാധിക്കാനുളള സാധ്യത കൂടുതലാണ്.
വജൈനല്‍ ക്യാന്‍സറിനുളള ഒരു കാരണമാണ് വജൈനല്‍ അഡിനോസിസ്. സാധാരണ പരന്ന കോശങ്ങളായ സ്‌ക്വാമസ് കോശങ്ങളാണ് വജൈനല്‍ ഭിത്തിയിലുള്ളത്. എന്നാല്‍ ചിലരില്‍ ഈ ഭാഗത്തു ചിലയിടങ്ങളില്‍ യൂട്രസ്, ഫെല്ലോപിയന്‍ ട്യൂബ് ഭാഗത്തുള്ളതു പോലുള്ള ഗ്ലാന്റുലാര്‍ കോശങ്ങളുണ്ടാകും. വജൈനല്‍ ക്യാന്‍സര്‍ റിസ്‌ക് വര്‍ദ്ധിപ്പിയ്ക്കുന്ന അസാധാരണ കോശങ്ങളാണ് ഇവ. . ഇവയാണ് അഡിനോസിസ് എന്നറിയപ്പെടുന്നത്. ഇതുള്ളവര്‍ക്ക് വജൈനല്‍ ക്യാന്‍സര്‍ സാധ്യത കൂടുതലാണ്.
വൈകി ഗര്‍ഭധാരണം
സ്ത്രീകളില്‍ ഇതിന് കാരണമാകുന്ന ഒരു ഘടകം കൂടിയുണ്ട്. വൈകി ഗര്‍ഭധാരണം നടക്കുന്ന സ്ത്രീകളില്‍ അബോര്‍ഷന്‍ സാധ്യത ഒഴിവാക്കാന്‍ ഡിഇഎസ് അഥവാ ഡൈഈഥൈല്‍സ്റ്റില്‍ബെസ്റ്ററോണ്‍ എന്നൊരു മരുന്നു പണ്ടു കാലത്ത ഗര്‍ഭിണികള്‍ക്കു നല്‍കിയിരുന്നു. ഇത്തരം സ്ത്രീകള്‍ക്കുണ്ടാകുന്നതു പെണ്‍കുട്ടിയാണെങ്കില്‍ ഭാവിയില്‍ ഈ പെണ്‍കുട്ടിയ്ക്ക് വജൈനല്‍ ക്യാന്‍സര്‍ സാധ്യത ഏറെയാണ്.അമ്മയ്ക്കല്ല, ഈ അമ്മയ്ക്കുണ്ടാകുന്ന പെണ്‍കുഞ്ഞിനാണ് ക്യാന്‍സര്‍ സാധ്യത കൂടുതല്‍ എന്നതാണ് വാസ്തവം. ഇതിലെ കെമിക്കലുകല്‍ വരുത്തുന്ന പ്രശ്‌നങ്ങള്‍ തന്നെയാണ് കാരണം.മരുന്നിന്റെ സൈഡ് ഇഫക്ട് എന്നു തന്നെ വേണം, പറയാന്‍.
ചില സ്ത്രീകളില്‍ യൂട്രസ് വജൈനയിലേയ്ക്കു തള്ളിപ്പോരുന്ന അവസ്ഥയുണ്ടാകും. ഇത്തരം ഘട്ടത്തില്‍ പെസറി എന്നൊരു ഉപകരണം കൊണ്ട് ഇത് തള്ളി ഉള്ളിലേയ്ക്കു വയ്ക്കും. ഇതുകാരണം വജൈനലിലുണ്ടാകുന്ന അസ്വസ്ഥതയും ചിലപ്പോല്‍ വജൈനല്‍ ക്യാന്‍സര്‍ സാധ്യതയാകാറുണ്ട്ഹിസ്റ്ററോക്ടമി യൂട്രസ് സംബന്ധമായ പ്രശ്‌നങ്ങള്‍ക്കുള്ള ചികിത്സാരീതിയാണ്. ഇതും വജനല്‍ ക്യാന്‍സര്‍ സാധ്യത വര്‍ദ്ധിപ്പിയ്ക്കുന്ന ഒന്നാണ്.
വജൈനല്‍ ഡിസ്ചാര്‍ജിന്
വജൈനല്‍ ഡിസ്ചാര്‍ജിന് കാരണങ്ങള്‍ പലതുണ്ട്. സ്വാഭാവികമായി വജൈനല്‍ ഡിസ്ചാര്‍ജുണ്ടാകാറുണ്ട്. സാധാരണ അല്‍പം കട്ടിയുള്ള, പ്രത്യേകിച്ചു ഗന്ധമില്ലാത്തതാണ് സാധാരണ വജൈനല്‍ ഡിസ്ചാര്‍ജ്. അണുബാധകളെങ്കില്‍ നിറവ്യത്യാസവും ഗന്ധവുമുണ്ടാകും. വേദനയുമുണ്ടാകാം. എന്നാല്‍ വെള്ളം പോലെ അമിതമായ വജൈനല്‍ ഡിസ്ചാര്‍ജെങ്കില്‍ ഇതിനുളള ഒരു കാരണം വജൈനല്‍ ക്യാന്‍സറുമാകാം.വജൈനല്‍ ഭാഗത്തെ അസ്വഭാവികമായ ബ്ലീഡിംഗ് ശ്രദ്ധിയ്ക്കണം. മാസമുറ സമയത്തല്ലാതെയും ലൈംഗിക ബന്ധത്തിന്റെ സമയത്തുമെല്ലാം ബ്ലീഡിംഗുണ്ടാകുന്നുവെങ്കില്‍ ഇത് വജൈനല്‍ ക്യാന്‍സറിന്റെ ഒരു ലക്ഷണം കൂടിയാണെന്നു വേണം, പറയാന്‍
വജൈനല്‍ ഭാഗത്ത്‌
വജൈനല്‍ ഭാഗത്ത്‌ അസ്വാഭാവികമായ തടിപ്പുകളോ മുഴകളോ ഉണ്ടാവുകയാണെങ്കില്‍ പ്രത്യേകം ശ്രദ്ധിയ്ക്കുക. ഇത്തരം മുഴകള്‍ തെന്നി മാറുന്നവയോ വേദനയുള്ളവോ ഇല്ലാത്തതോ ആകാം. ഇത് വജൈനല്‍ ക്യാന്‍സര്‍ ലക്ഷണം കൂടിയാകാം. വജൈനല്‍ ക്യാന്‍സറുള്ളവരില്‍ സെക്‌സ് വേദനിപ്പിയ്ക്കുന്നതാകാറുണ്ട്. മറ്റു കാരണങ്ങളില്ലാതെ സെക്‌സ് വേദന നല്‍കുന്നുവെങ്കില്‍, ഇതിനു ശേഷം ബ്ലീഡിംഗെങ്കില്‍ കാരണം വജൈനല്‍ ക്യാന്‍സര്‍ കൂടിയാകാം. ഇതിന് അണുബാധ പോലുള്ള മറ്റു കാരണങ്ങളുണ്ടെങ്കിലും വജൈനല്‍ ക്യാന്‍സറിന്റെ ലക്ഷണമായും ഇതെടുക്കാം.
മറ്റേതു രോഗങ്ങളെ പോലെ നടുവേദന, പെല്‍വിക് ഭാഗത്തു വേദന തുടങ്ങിയ പല ലക്ഷണങ്ങളും വജൈനല്‍ ക്യാന്‍സറിനുമുണ്ടാകാം. മൂത്രമൊഴിയ്ക്കുന്ന സമയത്തുള്ള വേദന, മലബന്ധം എന്നിവയെല്ലാം വജൈനല്‍ ക്യാന്‍സര്‍ ലക്ഷണങ്ങള്‍ കൂടിയാണ്. ഇത്തരം പ്രശനങ്ങള്‍ പല തരത്തിലെ കാരണങ്ങളാല്‍ ഉണ്ടാകാമെങ്കിലും.ഇതും വജൈനല്‍ ക്യാന്‍സര്‍ ലക്ഷണമായി എടുക്കാവുന്നതാണ്. കാല്‍മുട്ടുവേദന: അര മുറി നാരങ്ങയില്‍ പരിഹാരം…..
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : vaginal cancer reasons and symptoms
Malayalam News from malayalam.samayam.com, TIL Network
