പാകിസ്ഥാനില്‍ ചൈനീസ് പൗരന്മാര്‍ക്ക് നേരെ വീണ്ടും ആക്രമണം; വെടിവെപ്പ് ഐഇഡി ആക്രമണത്തിന് പിന്നാലെ

ഇസ്ലാമാബാദ്: പാകിസ്ഥാനില്‍ ചൈനീസ് പൗരന്മാര്‍ക്ക് നേരെ വീണ്ടും ആക്രമണം. കറാച്ചിയിൽ വെച്ച് രണ്ട് ചൈനീസ് സ്വദേശികൾക്ക് നേരെ ബൈക്കിലെത്തിയ അജ്ഞാതർ വെടിയുതിക്കുയായിരുന്നു. പരിക്കേറ്റ രണ്ടുപേരെയും കറാച്ചിയിലെ സിവില്‍ ആശുപത്രിയിലേക്ക് മാറ്റിയതായി ഇംഗ്ലീഷ് വാർത്താ ചാനലായ ഇന്ത്യ ടുഡേ റിപ്പോർട്ട് ചെയ്തു.

വാർത്തയോട് പ്രതികരിച്ച ചൈനീസ് വിദേശകാര്യ വക്താവ് ഷാവോ ലിജിയാന്‍ ഒറ്റപ്പെട്ട സംഭവമാണിതെന്നാണ് പറഞ്ഞത്. പാകിസ്ഥാനിലുള്ള ചൈനീസ് പൗരന്മാര്‍ക്ക് സംരക്ഷണം നല്‍കുന്ന കാര്യത്തില്‍ പാകിസ്ഥാനെ വിശ്വാസമുണ്ട്. ചൈനീസ് പൗരന്മാരുടെ പാകിസ്ഥാനിലെ സ്വത്തുവകകള്‍ സംരക്ഷിക്കുന്ന കാര്യത്തിലും വിശ്വാസമുണ്ടെന്നും അദ്ദേഹം പറഞ്ഞു.

Also Read : അഫ്ഗാൻ ഹാസ്യനടനെ താലിബാൻ തീവ്രവാദികൾ കഴുത്തറുത്ത് കൊന്നു: വീഡിയോ പുറത്ത്



ചൈനീസ് എൻജിനീയർമാരുമായി പോയ ബസിന് നേരെ ഐഇഡി ആക്രമണം നടന്ന് രണ്ടാഴ്ച കഴിയുമ്പോഴാണ് വീണ്ടും അക്രമ സംഭവം റിപ്പോർട്ട് ചെയ്തിരിക്കുന്നത്. ഖൈബര്‍ പഖ്തുന്‍ഖ്വയിലെ ദാസു ഡാം സൈറ്റിലേക്കുള്ള എന്‍ജിനീയര്‍മാര്‍ക്ക് നേരെയായിരുന്നു അന്ന് അക്രമണം ഉണ്ടായത്.

Also Read : ‘വീട്ടുജോലി ചെയ്യാൻ ആവശ്യപ്പെടുന്നു’; പിതാവിനെതിരെ 14കാരൻ പരാതി നൽകി, ബാലവേല നിയമ പ്രകാരം കേസെടുക്കണമെന്ന് ആവശ്യം



ജൂൺ 14ന് നടന്ന അക്രമണത്തിൽ 13 പേരായിരുന്നു കൊല്ലപ്പെട്ടത്. ഒന്‍പത് ചൈനീസ് പൗരന്മാര്‍ ഉൾപ്പെടെയായിരുന്നു ഇത്. ഈ വർഷം ഏപ്രിലിൽ ചൈനീസ് അംബാസഡർ താമസിച്ച ഒരു ഹോട്ടലിൽ നടന്ന ബോംബാക്രമണത്തിൽ നാല് പേർ കൊല്ലപ്പെടുകയും ചെയ്തിരുന്നു.