പൂ പോലെ മുഖം മിനുക്കാൻ പൂക്കൾ കൊണ്ട് ചില ഫെയ്‌സ് പാക്കുകൾ

​പൂക്കൾ നൽകും സൗന്ദര്യഗുണങ്ങൾ

ഇന്ന് പല തരം ചികിത്സകളിൽ തുടങ്ങി ബ്യൂട്ടിപാർലറുകളിൽ വരെ പൂക്കൾ ഉപയോഗിച്ചുകൊണ്ടുള്ള ചർമ്മ പരിപാലന രീതി ഉപയോഗിച്ചു വരുന്നു. പോഷകങ്ങൾ അടങ്ങിയതിനാൽ തന്നെ സൗന്ദര്യ കാര്യത്തിൽ ഏറ്റവുമധികം ഗുണം ചെയ്യുന്നതാണ് പൂക്കൾ. നിങ്ങൾ സാധാരണ പതിവായി ഉപയോഗിക്കുന്ന മാസ്കുകളിലും പൂക്കൾ ചേർത്ത് ഉപയോഗിക്കാനാവും. സുഗന്ധവും പുതുമയും നൽകുക മാത്രമല്ല, ചർമ്മത്തെ പുനരുജ്ജീവിപ്പിക്കാനും സഹായിക്കുന്ന പ്രകൃതിയുടെ സമ്മാനമാണ് പൂക്കൾ. ഫെയ്‌സ് മാസ്കുകളിൽ പൂക്കൾ ഉപയോഗിക്കാനായി നിങ്ങൾക്ക് ശ്രമിക്കാവുന്ന ചില വഴികൾ ഇതാ:

​റോസാപ്പൂ ഫെയ്സ് മാസ്ക്

റോസാപ്പൂ ദളങ്ങളിൽ പ്രകൃതിദത്ത എണ്ണകൾ അടങ്ങിയിട്ടുണ്ട്. ഇത് ചർമ്മത്തെ മോയ്സ്ചറൈസ് ചെയ്യുകയും കൂടുതൽ മൃദുത്വമുള്ളതാക്കി മാറ്റിയെടുക്കുകയും ചെയ്യും. ചർമ്മത്തിലേക്കുള്ള രക്തചംക്രമണം ഉത്തേജിപ്പിക്കാനും കൂടുതൽ ജലാംശം നൽകാനും സഹായിക്കുന്ന പ്രകൃതിദത്ത ഗുണങ്ങൾ റോസാപ്പൂക്കളിൽ അടങ്ങിയിരിക്കുന്നു. കുറച്ച് റോസ് ദളങ്ങൾ പറിച്ചെടുക്കുത്ത് വെയിലത്ത് വച്ച് ഉണക്കിയെടുത്ത് ഏറ്റവും നേർത്ത രീതിയിൽ പൊടിച്ചെടുക്കുക.

2 ടീസ്പൂൺ പാലും 1 ടേബിൾ സ്പൂൺ ഗോതമ്പ് പൊടിയും ഒപ്പം റോസാപ്പൂ ഉണക്കിപ്പൊടിച്ചതും ചേർത്ത് നന്നായി ഇളക്കി പേസ്റ്റ് രൂപത്തിലാക്കാം. നിങ്ങളുടെ മുഖത്തിൻ്റെ സ്വാഭാവിക തിളക്കം മെച്ചപ്പെടുത്തുന്നതിനായി മുഖത്തും കഴുത്തിലും ഈ മാസ്ക് പുരട്ടുക. തണുത്ത വെള്ളം ഉപയോഗിച്ച് കഴുകി കളയുതിനു മുൻപ് 20 ഇത് മുഖത്ത് സൂക്ഷിക്കണം.

​ജമന്തി ഫെയ്സ് മാസ്ക്

വിറ്റാമിൻ സി നമ്മുടെ ചർമ്മത്തെ പരിപോഷിപ്പിക്കുന്ന ഒരു പ്രധാന ആന്റിഓക്‌സിഡന്റാണ് എന്ന കാര്യം അറിയാമല്ലോ. ചർമ്മ സംബന്ധമായ മിക്കവാറും പ്രശ്‌നങ്ങളിൽ നിന്ന് സംരക്ഷണം നൽകാൻ ഈയൊരു പോഷകത്തിന് കഴിയും. വിറ്റാമിൻ സി പോഷകങ്ങൾ ഉയർന്ന അളവിൽ അടങ്ങിയിരിക്കുന്ന ഒരു പുഷ്പമാണ് ജമന്തി. അതുകൊണ്ടുതന്നെ ഈ പുഷ്പം നിങ്ങളുടെ ചർമ്മ പരിപാലനത്തിനായി ഉപയോഗിക്കുന്നത് ഏറ്റവും മികച്ച കാര്യമാണ്.

രണ്ട് ജമന്തി ദളങ്ങൾ എടുത്ത് നന്നായി അരച്ചെടുക്കുക. ഇതിലേക്ക് ഒരു ടീസ്പൂൺ തേനും അര ടീസ്പൂൺ വെള്ളവും ചേർത്ത് ഇളക്കുക. ഈ നേർത്ത പേസ്റ്റ് നിങ്ങളുടെ മുഖ ചർമ്മത്തിൽ തുല്യമായി പുരട്ടി ഏകദേശം 20 മിനിറ്റ് സൂക്ഷിക്കുക തുടർന്ന് ഇളം ചൂടുള്ള വെള്ളത്തിൽ ഇത് കഴുകിക്കളയുക.

Also read: മുഖക്കുരുവും പാടുകളും ഇല്ലാതാക്കാൻ മഞ്ഞൾ കൊണ്ട് സൂപ്പർ ടിപ്സ്

​ചെമ്പരത്തി പൂ പാക്ക്

ചർമ്മത്തിൽ അടിഞ്ഞു കൂടിയ മാലിന്യങ്ങളെ നീക്കം ചെയ്തുകൊണ്ട് മികച്ച തിളക്കം നൽകാൻ സഹായിക്കുന്ന പ്രകൃതിദത്ത ഫെയ്സ് പായ്ക്കിനായി തിരയുകയാണോ? എങ്കിൽ നിങ്ങളുടെ വീട്ടുമുറ്റത്തെ ചെമ്പരത്തി പൂക്കൾ ഇതിനു നിങ്ങളെ സഹായിക്കും. ഈയൊരു പുഷ്പം ചർമ്മത്തിൽ ഉപയോഗിക്കുന്നത് വഴി മികച്ച രീതിയിൽ ചർമത്തിലെ മാലിന്യങ്ങളെ പുറംതള്ളാനും ചർമ്മത്തെ ശുദ്ധീകരിക്കാനും എണ്ണമയം കുറയ്ക്കാനുമെല്ലാം സാധിക്കും. മുഖക്കുരുവിൻ്റെ പ്രശ്നങ്ങൾ നേരിടുന്നവർക്ക് ഉപയോഗിക്കാൻ കഴിയുന്ന ഏറ്റവും മികച്ച ചേരുവകളിൽ ഒന്നാണിത്.

ചെമ്പരത്തി പുഷ്പങ്ങളുടെ ദളങ്ങൾ ഒരു ദിവസം മുഴുവൻ വെള്ളത്തിൽ മുക്കിവെച്ച് നന്നായി അരച്ചെടുക്കുക. ഇതിലേക്ക് 3 ടേബിൾസ്പൂൺ ഓട്‌സും കുറച്ച് റ്റീ ടീ ഓയിലും ചേർത്ത് പേസ്റ്റ് തയ്യാറാക്കി മുഖത്ത് ഉടനീളം പുരട്ടിവച്ച് കഴുകിക്കളയാം.

Also read: മുഖത്തെ കറുത്ത പാടുകൾ സൗന്ദര്യം കെടുത്തിയോ? ഇവയെന്ന് പരീക്ഷിക്കൂ…

​മുല്ലപ്പൂ പായ്ക്ക്

നമ്മുടെ പൂന്തോട്ടത്തിലെ മുല്ലപ്പൂവിന് വശ്യ സുഗന്ധം മാത്രമല്ല ഒരുപാട് സൗന്ദര്യഗുണങ്ങളും ഉണ്ടെന്ന് പറഞ്ഞാൽ വിശ്വസിക്കുമോ? ചർമ്മത്തിൽ ഉണ്ടാവുന്ന ചൊറിച്ചിലിനെയും, വരണ്ട ചർമ്മത്തിൻ്റെ ലക്ഷണങ്ങളെയും മികച്ച രീതിയിൽ ഒഴിവാക്കാൻ ഇത് ഉപയോഗിച്ചുകൊണ്ട് തയ്യാറാക്കുന്ന ഫേസ് പാക്ക് സഹായിക്കും. മുല്ലപ്പൂ അതിൻറെ ആൻറി ഇൻഫ്ളമേറ്ററി ആശ്വാസ ഗുണങ്ങൾക്ക് പേരുകേട്ടതാണ്. ഇത് ചർമ്മത്തിന് ഒരു തികഞ്ഞ മോയ്‌സ്ചുറൈസറായി പ്രവർത്തിക്കുന്നു. പ്രകൃതിദത്ത ആന്റിസെപ്റ്റിക് പ്രോപ്പർട്ടികളും ആന്റി-ഏജിംഗ് ഗുണങ്ങളും ഇത് വാഗ്ദാനം ചെയ്യുന്നുമെന്ന് സൗന്ദര്യ വിദഗ്ധർ അഭിപ്രായപ്പെടുന്നു.

മുല്ലപ്പൂ ഇതളുകൾ നന്നായി ചതച്ചെടുക്കുക. ഇതിലേക്ക് ഒരു ടേബിൾ സ്പൂൺ തൈരും ഒരു ടീസ്പൂൺ പഞ്ചസാരയും ചേർത്ത് കലർത്തുക. ഈ മിശ്രിതം മുഖത്ത് പുരട്ടി വരേണ്ടതാകാൻ അനുവദിക്കുക. മുഖത്ത് പുരട്ടി 15 -20 മിനിറ്റിനു ശേഷം കഴിയുമ്പോൾ നിങ്ങളുടെ ചർമ്മത്തിന് ഉണർവ്വും പുതുമയും ലഭിക്കുന്നത് തിരിച്ചറിയും.