വണ്ണം കുറയാത്തതിന് പിന്നിലെ കാരണം ഇവ പതിവാക്കുന്നത്

ശരീരഭാരം കുറയ്ക്കാൻ പട്ടിണി കിടക്കുന്നവർ വരെയുണ്ട് നമുക്കിടയിൽ. ഇത് ഒട്ടും ആരോഗ്യകരമായ ശീലമല്ല എന്ന് ആദ്യം മനസ്സിലാക്കുക. എന്നാൽ ആരോഗ്യകരമായ രീതിയിൽ വണ്ണം കുറയ്ക്കാൻ ശ്രമിച്ചിട്ടും സാധിക്കുന്നില്ലെങ്കിലോ? അതിന്റെ കാരണമെന്താകും? തെറ്റായ ഡയറ്റ് ഭക്ഷണം തിരഞ്ഞെടുക്കുകയോ അല്ലെങ്കിൽ തെറ്റായ അളവിൽ ഡയറ്റ് ഭക്ഷണങ്ങൾ കഴിക്കുകയോ ചെയ്യുന്നത് ഭക്ഷണ പദ്ധതികൾ പരാജയപ്പെടുന്നതിന്റെ ഒരു കാരണമാണ്. നിങ്ങളുടെ ശരീരഭാരം വർദ്ധിപ്പിക്കാൻ കാരണമായേക്കാവുന്ന ചില ഡയറ്റ് ഭക്ഷണങ്ങൾ ഇതാ:



1. സ്മൂത്തി: പഴം, പച്ചക്കറി എന്നിവ ഉപയോഗിച്ച് തയ്യാറാക്കുന്ന സ്മൂത്തികൾ രാവിലെ.പ്രഭാതഭക്ഷണത്തിന് പകരം കുടിക്കാനും, വ്യായാമത്തിന് മുൻപോ ശേഷമോ കുടിക്കാനും ഉത്തമമായ പാനീയമാണ്. പ്രോട്ടീൻ ഷെയ്‌ക്കും പലപ്പോഴും ഡയറ്റിന്റെ ഭാഗമാണ്. എന്നിരുന്നാലും, ആരോഗ്യഗുണങ്ങൾ ഉണ്ടായിരുന്നിട്ടും, അവയിൽ അനാരോഗ്യകരമായ അളവിൽ പഞ്ചസാര അടങ്ങിയിരിക്കാം, ഇത് ശരീരഭാരം വർദ്ധിപ്പിക്കുന്നതിന് നേരിട്ട് കാരണമാകും.

2. പാക്കേജുചെയ്‌ത ഭക്ഷണങ്ങൾ: സംസ്കരിച്ചതും പാക്കേജുചെയ്‌തതുമായ ഭക്ഷണങ്ങളിൽ ഉപ്പ്, പഞ്ചസാര തുടങ്ങിയ പ്രിസർവേറ്റീവുകൾ അടങ്ങിയിരിക്കുന്നു. ഡയറ്റ് ഭക്ഷണങ്ങളായി കണക്കാക്കുന്നുവെങ്കിലും, കൃത്രിമ മധുരങ്ങൾ ഉള്ളതിനാൽ അവ ശരീരത്തിന് അനാരോഗ്യകരമാവുകയും ശരീരഭാരം വർദ്ധിപ്പിക്കുകയും ചെയ്യും.

അമിതമായാൽ ഔഷധ പാനീയങ്ങളും അപകടം വരുത്തിവെക്കും

3. ഡയറ്റ് സോഡ: ശരീരഭാരം കുറയ്ക്കാൻ ഡയറ്റ് സോഡകൾ സഹായിക്കും എന്നത് ഒരു മിഥ്യയാണ്. പഞ്ചസാര കൂടുതലായി അടങ്ങിയതിനാൽ ശരീരഭാരം തടയാൻ ഡയറ്റ് സോഡകൾ കുടിക്കരുത് എന്ന് വിദഗ്ദ്ധർ നിർദ്ദേശിക്കുന്നു. ഗ്രീൻ ടീ പോലുള്ള ആരോഗ്യകരമായ പാനീയങ്ങൾ ഇതിന് പകരം കുടിക്കുന്നത് നിങ്ങളുടെ മൊത്തത്തിലുള്ള ആരോഗ്യം വർദ്ധിപ്പിക്കും.

4.ഗ്രാനോള ബാറുകൾ: ശരീരഭാരം കുറയ്ക്കുന്നതിനുള്ള പദ്ധതികളിൽ പ്രോട്ടീൻ ബാറുകളും ഗ്രാനോള ബാറുകളും ലഘുഭക്ഷണങ്ങളായി ഉപയോഗിക്കുന്നു. എന്നിരുന്നാലും, വാണിജ്യപരമായി നിർമ്മിക്കുന്ന ഇവയിൽ അനാരോഗ്യകരമായ അളവിൽ പഞ്ചസാര അടങ്ങിയിട്ടുണ്ട്, ഇത് ശരീരഭാരം വർദ്ധിപ്പിക്കും. പകരം നിങ്ങൾക്ക് നിയന്ത്രിത പഞ്ചസാര കുറച്ച് മാത്രം ചേർത്ത വീടുകളിൽ തന്നെ തയ്യാറാക്കാവുന്ന പ്രോട്ടീൻ ബാറുകൾ കഴിക്കാം.

5. ജ്യൂസുകളും സലാഡുകളും: ജ്യൂസുകളും സലാഡുകളും ആരോഗ്യകരമാണ്, പക്ഷേ അവയുടെ ഉപഭോഗം പരിമിതമായ അളവിലാണെങ്കിൽ മാത്രം. പഴങ്ങൾ ഭക്ഷണക്രമത്തിൽ ഉൾപ്പെടുത്തണം, പക്ഷേ സ്വാഭാവിക പഞ്ചസാര കാരണം അവയുടെ ഉപഭോഗം മിതമായിരിക്കണം. ഇതിനുള്ള ആരോഗ്യകരമായ സമീപനം പച്ചക്കറികളും പഴങ്ങളും ജ്യൂസുകളിലും സലാഡുകളിലും ഉൾപ്പെടുത്തുക എന്നതാണ്.

ശ്രദ്ധിക്കുക: ഇവിടെ പ്രതിപാദിച്ചിരിക്കുന്ന പരാമർശിച്ചിരിക്കുന്ന നുറുങ്ങുകളും നിർദ്ദേശങ്ങളും പൊതുവായ വിവര ആവശ്യങ്ങൾക്ക് മാത്രമുള്ളതാണ്, മാത്രമല്ല ഇത് ഒരു വിദഗ്‌ദ്ധ ഉപദേശമായി കണക്കാക്കരുത്. ഏതെങ്കിലും ഫിറ്റ്നസ് പ്രോഗ്രാം ആരംഭിക്കുന്നതിനോ ഭക്ഷണത്തിൽ എന്തെങ്കിലും മാറ്റങ്ങൾ വരുത്തുന്നതിനോ മുൻപായി നിങ്ങളുടെ ഡോക്ടറുമായോ ഡയറ്റീഷ്യനോടോ ബന്ധപ്പെടുക.