പഴം ആരോഗ്യത്തിന് ഗുണകരമാണ്. ഇത് സൗന്ദര്യ വര്‍ദ്ധക പായ്ക്കുകള്‍ തയ്യാറാക്കാനും ഹെയര്‍ പായ്ക്കായുമെല്ലാം ഉപയോഗിയ്ക്കാറുണ്ട്. എന്നാല്‍ പഴത്തൊലി നാം വെറുതേ എറിഞ്ഞു കളയുന്നതാണ് പതിവ്. പഴത്തൊലി പല സൗന്ദര്യ, മുടി പ്രശ്‌നങ്ങള്‍ക്കും മരുന്നാക്കാവുന്ന ഒന്നാണ്. പഴത്തൊലിയിൽ വിറ്റാമിൻ സി, വിറ്റാമിൻ ഇ എന്നിവ അടങ്ങിയിട്ടുണ്ട്. അവയിൽ പൊട്ടാസ്യം, സിങ്ക്, അയൺ, മാംഗനീസ് എന്നിവയും ധാരാളമുണ്ട്.ഇത് പല തരത്തിലും ഇത്തരം പ്രശ്‌നങ്ങള്‍ക്ക് ഉപയോഗിയ്ക്കാം. ഇതിലെ ഗുണങ്ങള്‍ തന്നെയാണ് ചര്‍മത്തിനും മുടിയ്ക്കും ഗുണകരമാകുന്നത്.

​വാഴപ്പഴത്തിൽ

വാഴപ്പഴത്തിൽ ധാരാളം ആന്റിഓക്‌സിഡന്റുകൾ അടങ്ങിയിട്ടുണ്ട്, ചർമ്മത്തിന്റെ ഇലാസ്തികതയും ദൃഢതയുമെല്ലാം നഷ്ടപ്പെടുമ്പോഴാണ് മുഖത്ത് ചുളിവുകൾ പ്രത്യക്ഷമായി തുടങ്ങുന്നത്. പഴത്തൊലിയിലെ ആന്റിഓക്‌സിഡന്റുകളും വിറ്റാമിൻ സി യുമെല്ലാം ചുളിവുകളുടെ രൂപഘടന കുറയ്ക്കാൻ സഹായിക്കുന്നു. രാത്രി ഉറങ്ങുന്നതിന് മുമ്പായി പഴത്തൊലി ഉപയോഗിച്ചുകൊണ്ട് മുഖത്ത് തടവി ഒരു രാത്രി വിടുക. അതിരാവിലെ മുഖം കഴുകി മോയ്‌സ്ചറൈസ് ചെയ്യുക. ആഴ്ചയിൽ 3 തവണ ആവർത്തിക്കാം. അതിനാൽ തന്നെ ചർമത്തിലുണ്ടാകുന്ന നേർത്ത വരകളും ചുളിവുകളും ഇല്ലാതാക്കാൻ ഇവ സഹായിക്കുന്നു. വിറ്റാമിൻ എ, സിങ്ക്, മാംഗനീസ് തുടങ്ങിയ പോഷകങ്ങൾ വാഴപ്പഴത്തിൽ അടങ്ങിയിട്ടുണ്ട്. മുഖ ചർമത്തിൽ ഒരു പഴത്തൊലി ഉപയോഗിച്ച് പതിവായി മസാജ് ചെയ്യുന്നത് മുഖക്കുരുവിനെ ഇല്ലാതാക്കാൻ സഹായിക്കുന്നു.

​മുഖക്കുരു

മുഖക്കുരു വളരെ എളുപ്പത്തിൽ ചികിത്സിക്കാൻ, പഴുത്ത വാഴത്തൊലി നന്നായി ഉടച്ച് കുറച്ച് തുള്ളി തേനും അല്പം നാരങ്ങാനീരും ചേർത്ത് ഇളക്കുക. ശേഷം ഇത് മുഖക്കുരു ഉള്ള ഭാഗങ്ങളിൽ പുരട്ടി 15 മിനിറ്റിനു ശേഷം കഴുകിക്കളയുക.കൺതടത്തിലെ കറുപ്പ് നിറവും ഡാർക്ക് സർക്കിളുകളും അകറ്റാൻ പഴത്തൊലി ഉപയോഗിച്ച് ഒരു വിദ്യയുണ്ട്. പഴത്തൊലിയും കറ്റാർവാഴയും ചേർത്ത് അരച്ച മിശ്രിതം ഒരു മണിക്കൂർ ഉറങ്ങുന്നതിന് മുൻപോ, രാവിലെ വരെയോ ൺ തടത്തിൽ പുരട്ടാം. രാവിലെ തണുത്ത രാത്രിയോ കണ്ണുകൾക്ക് താഴെയായി വയ്ക്കുക.

​തലയിൽ

തലയിൽ താരൻ നിറഞ്ഞിരിയ്ക്കുന്നുവെങ്കിൽ പഴത്തൊലി നന്നായി ഉടച്ച് അതിൽ രണ്ട് ടേബിൾസ്പൂൺ തേങ്ങാപ്പാൽ ചേർത്ത് ഇളക്കുക. ഇതിലേയ്ക്ക് ഒരു ടേബിൾ സ്പൂൺ വെളിച്ചെണ്ണയും റോസ് വാട്ടറും പേസ്റ്റിലേക്ക് ചേർക്കാം. ഒരു ടേബിൾ സ്പൂൺ തൈര് ഉപയോഗിച്ച് പേസ്റ്റ് ഇളക്കുക. തലയോട്ടിയിലും മുടിയിലും പേസ്റ്റ് നന്നായി പുരട്ടുക. മാസ്ക് കഴുകിക്കളയുന്നതിനുമുമ്പ് 15-20 മിനുട്ട് നേരമെങ്കിലും ഇത് തലയോട്ടിയിൽ നിലനിർത്തണം. പഴത്തിൻ്റെ തൊലിയിൽ പൊട്ടാസ്യം ധാരാളമായി അടങ്ങിയിട്ടുണ്ട്. ഈ ഘടകം പല്ലിലെ മഞ്ഞ കറ കുറയ്ക്കാൻ ഏറ്റവും സഹായകമാണ്. നിങ്ങളുടെ പല്ല് ബ്രഷ് ഉപയോഗിച്ച് നന്നായി തേച്ച ശേഷം കഴുകുക. പഴത്തൊലിയുടെ ഉൾഭാഗം ഉപയോഗിച്ചുകൊണ്ട് 2 മിനിറ്റ് നേരം പല്ലിൽ ഉരയ്ക്കുക. പല്ലുകൾ വീണ്ടും വെള്ളം ഉപയോഗിച്ച് കഴുകിക്കളയുക, ദിവസവും ആവർത്തിക്കുക.

​പഴത്തൊലി

പഴത്തൊലി നിങ്ങളുടെ ചർമ്മത്തിന് മാത്രമല്ല, തലയോട്ടിയിലും മുടിയിഴകളിലും മനോഹാരിത നൽകാൻ സഹായിക്കും. തലയോട്ടിയിൽ ഈർപ്പം നിലനിർത്തുകയും വരൾച്ച കുറയ്ക്കുകയും ചെയ്യും, തലയോട്ടിക്ക് താരൻ ബാധിയ്ക്കാതിരിയ്ക്കാനുള്ള ഘടകങ്ങളും പഴത്തൊലിയിൽ അടങ്ങിയിട്ടുണ്ട്. കൂടാതെ ഇതിൽ ഉയർന്ന സിലിക്ക ഉള്ളതിനാൽ മുടി മൃദുവാക്കാനും സഹായിക്കുന്നു. ആന്റിഓക്‌സിഡന്റുകളാൽ സമ്പുഷ്ടമായ വാഴപ്പഴത്തിന് തലയോട്ടിയിലും മുടിയിലും ശക്തമായ പ്രതിരോധ സംവിധാനമുണ്ട്. മുടിയിഴകൾ പൊട്ടി പോകുന്നത് തടയാനും മുടി നരയ്ക്കുന്നതിന് പ്രധാന കാരണമായ ഓക്സിഡേറ്റീവ് സ്ട്രെസും ഇത് കുറയ്ക്കുന്നു.