വ്യായാമം ചെയ്യാനുള്ള ഉചിതമായ സമയം ഏതാണ് ?

നിങ്ങളുടെ ശരീരത്തിന് എല്ലാ ദിവസവും കുറഞ്ഞത് 30 മിനിറ്റ് നേരമെങ്കിലും മിതമായ തീവ്രതയുള്ള ശാരീരിക പ്രവർത്തനങ്ങൾ ലഭിക്കുന്നത് പ്രധാനമാണ്. എന്നാൽ നിങ്ങൾ ശരീരഭാരം കുറയ്ക്കാൻ ലക്ഷ്യമിടുന്നെങ്കിൽ, നിങ്ങൾക്ക് ദിവസവും ഒരു മണിക്കൂർ നേരത്തെ വ്യായാമമെങ്കിലും ആവശ്യമാണ്. നിങ്ങളുടെ ശരീരഭാരം കുറയ്ക്കാനുള്ള ലക്ഷ്യത്തിലെത്താൻ സഹായിക്കുന്നതിൽ വ്യായാമ സമയത്തിന്റെ കാര്യത്തിലെ സ്ഥിരത ഒരു വലിയ പങ്ക് വഹിക്കുന്നു.

വ്യായാമ സമയത്തെ സ്ഥിരത ശരീരഭാരം കുറയ്ക്കാൻ ഒരു വ്യക്തിയെ ഫലപ്രദമായി സഹായിക്കുമെന്ന് ചില പഠനങ്ങൾ വ്യക്തമാക്കുന്നുണ്ട്.

വ്യായാമം ചെയ്യാനുള്ള ഏറ്റവും മികച്ച സമയം ഏതാണ്?



നമ്മുടെ തിരക്കേറിയ സമയക്രമത്തിൽ നിന്ന് വ്യായാമത്തിനായി സമയം ചെലവഴിക്കുന്നത് ഒട്ടും എളുപ്പമല്ല. എന്നാൽ വ്യായാമം ചെയ്യാൻ അനുയോജ്യമായ സമയം കണ്ടെത്തുന്നത് കൂടുതൽ ബുദ്ധിമുട്ടാണ്, പ്രത്യേകിച്ചും നിങ്ങൾ സ്ഥിരത പുലർത്തുകയും എല്ലാ ദിവസവും ഒരേ സമയം അത് ചെയ്യുകയും ചെയ്യേണ്ടിവരുമ്പോൾ. കലോറി എരിയാൻ ദിവസത്തിലെ ഒരു നിശ്ചിത സമയമാണ് ഏറ്റവും നല്ലതെന്ന് സൂചിപ്പിക്കുന്ന വിശ്വസനീയമായ ശാസ്ത്ര പിന്തുണയുള്ള തെളിവുകളൊന്നും ഇല്ലെങ്കിലും, ദിവസേനയുള്ള വ്യായാമത്തെ ഇത് സ്വാധീനിക്കും. നിങ്ങൾക്ക് അനുയോജ്യമായ ഏറ്റവും മികച്ച സമയം തിരഞ്ഞെടുക്കുന്നതിന്, പകൽ വ്യത്യസ്ത സമയങ്ങളിൽ വ്യായാമം ചെയ്യുക, ഏത് സമയമാണ് നിങ്ങൾക്ക് ഏറ്റവും അനുയോജ്യമെന്ന് നോക്കുക.

രാവിലെയും ഉച്ചയ്ക്കും രാത്രിയും വ്യായാമം ചെയ്യുന്നതിന്റെ ഗുണങ്ങൾ വെളിപ്പെടുത്തിക്കൊണ്ട് നിങ്ങളുടെ ചുമതല അൽപ്പം എളുപ്പമാക്കാൻ ഞങ്ങൾ ഇവിടെ ശ്രമിക്കുകയാണ്. നിങ്ങൾക്ക് ഏറ്റവും അനുയോജ്യമായ സമയം തിരഞ്ഞെടുക്കുക.

കഷ്ടപ്പെട്ട് വേണ്ട, ഇഷ്ടപ്പെട്ട് ചെയ്യാം സുംബ ഡാൻസ്

രാവിലെയുള്ള വ്യായാമം



രാവിലെ വ്യായാമം ചെയ്യാൻ നല്ല സമയമാണ്. ഒരു നീണ്ട രാത്രി ഉറക്കത്തിന് ശേഷം നിങ്ങളുടെ വയറു ശൂന്യമായതിനാലാണ് ഇത് ശരീരത്തിൽ സംഭരിച്ചിരിക്കുന്ന കൊഴുപ്പ് കത്തുന്നതിനെ പിന്തുണയ്ക്കുന്നത്. നിങ്ങളുടെ മെറ്റബോളിസത്തെ സ്വാധീനിക്കുന്ന കോർട്ടിസോൾ എന്ന വളർച്ചാ ഹോർമോണിന്റെ അളവ് കൂടിയ സമയം കൂടിയാണ് രാവിലെ. നിങ്ങളുടെ കൊഴുപ്പ് ശേഖരത്തിൽ നിന്ന് കൂടുതൽ ഊർജ്ജം ഉപയോഗിക്കാൻ ഇത് നിങ്ങളെ പ്രാപ്തമാക്കുന്നു. രാവിലെ 7 മണിക്ക് വ്യായാമം ചെയ്യുകയാണെങ്കിൽ നിങ്ങളുടെ ജൈവഘടികാരത്തെ അതിന് അനുസരിച്ച് മാറ്റാമെന്നും രാവിലെ നിങ്ങൾക്ക് കൂടുതൽ ജാഗ്രത അനുഭവപ്പെടുമെന്നും ജേണൽ ഓഫ് ഫിസിയോളജി ഒരു പഠനം പ്രസിദ്ധീകരിക്കുകയുണ്ടായി.

ഇത് രാത്രി നേരത്തെ നിങ്ങളെ ക്ഷീണിതരാകുകയും, അതുകൊണ്ട് നിങ്ങൾ നേരത്തെ ഉറങ്ങാൻ പോകുകയും ചെയ്യും. ഇത് നിങ്ങൾ അടുത്ത ദിവസം രാവിലെ നേരത്തെ എഴുന്നേൽക്കുന്ന ഒരു ശീലത്തിലേക്കും നയിക്കുന്നു. രാത്രി നേരത്തെ ഉറങ്ങുക, പിറ്റേന്ന് അതിരാവിലെ എഴുന്നേൽക്കുക. നിങ്ങൾ രാവിലെ നേരത്തെ എഴുന്നേൽക്കുന്ന ശീലമുള്ള ആളല്ലെങ്കിൽ പോലും, നിങ്ങൾക്ക് ഇത് പരീക്ഷിക്കാൻ കഴിയും. നിങ്ങളുടെ ശരീരം വേഗത്തിൽ ഇതുമായി പൊരുത്തപ്പെടും. ബാക്കിയുള്ള ദിവസങ്ങളിൽ നിങ്ങൾക്ക് തിരക്കേറിയ ഒരു സമയക്രമമാണ് ഉള്ളതെങ്കിൽ രാവിലെ വ്യായാമം ചെയ്യുന്നത് നല്ലതാണ്.

ഉച്ചകഴിഞ്ഞുള്ള വ്യായാമം



ദൈർഘ്യമേറിയതും കഠിനവുമായ വ്യായാമ വ്യവസ്ഥകൾക്കായി നിങ്ങൾ ആസൂത്രണം ചെയ്യുകയാണെങ്കിൽ ഉച്ചകഴിഞ്ഞ് ചെയ്യുന്നത് മികച്ച ആശയമാണ്. കാരണം, നിങ്ങളുടെ ശരീരത്തിൽ ഇതിനകം തന്നെ ഭക്ഷണം എത്തിക്കഴിഞ്ഞതിനാൽ ഇത് നിങ്ങളുടെ ശരീരത്തിലെ രക്തത്തിലെ പഞ്ചസാരയുടെ അളവ് വർദ്ധിപ്പിക്കുന്നതിന് കാരണമാകുന്ന സമയമാണ്. നിങ്ങൾ തീവ്രത കൂടുതലുള്ള ഒരു വ്യായാമ ദിനചര്യയ്ക്കായി ശ്രമിക്കുകയാണെങ്കിൽ നിങ്ങളുടെ രക്തത്തിലെ ഗ്ലൂക്കോസിന്റെ രൂപത്തിൽ ഈ പഞ്ചസാര ആവശ്യമാണ്. ഫിസിയോളജി ജേണലിലെ ഒരു പഠനത്തിൽ, അതിരാവിലെ ചെയ്യുന്ന വ്യായാമത്തിന്റെ കാര്യത്തിലെന്നപോലെ ഉച്ചയ്ക്ക് ഒരു മണിക്കും നാല് മണിക്കും ഇടയിൽ വ്യായാമം ചെയ്യുമ്പോൾ, നിങ്ങളുടെ പതിവ് അനുസരിച്ച് നിങ്ങളുടെ ശരീരത്തിന് അതുമായി പൊരുത്തപ്പെടാൻ കഴിയും. ദിവസാവസാനം ഒരു മന്ദത അനുഭവപ്പെടുന്നത് ഒഴിവാക്കാൻ ഇത് നിങ്ങളെ സഹായിക്കും.

കൂടാതെ, സാധാരണയായി, നമ്മുടെ ശരീര താപനില ദിവസം മുഴുവൻ വർദ്ധിക്കുന്നു. അതിനാൽ ഉച്ചകഴിഞ്ഞ്, നമ്മുടെ ശരീര താപനില ഏറ്റവും ഉയർന്നതാണെങ്കിൽ, പേശികളുടെ ശക്തിയും സഹിഷ്ണുതയും ഏറ്റവും ഉയർന്ന അളവിലായിരിക്കും. പ്രതികരണ സമയം വേഗത്തിലും ഹൃദയമിടിപ്പും രക്തസമ്മർദ്ദവും ഏറ്റവും താഴ്ന്ന നിലയിലും ആവുന്നതിനാൽ നിങ്ങളുടെ ശരീരത്തിന്റെ പ്രകടനവും ഉച്ചതിരിഞ്ഞ് മെച്ചപ്പെടാൻ സാധ്യതയുണ്ട്.

പ്ലാങ്ക് എക്സർസൈസ് ചെയ്യുമ്പോൾ ഈ അബദ്ധങ്ങൾ കാണിക്കല്ലേ!

രാത്രിയിലെ വ്യായാമം



കൂടുതൽ ഫലപ്രദമായ രീതിയിൽ ശരീരഭാരം കുറയ്ക്കുന്നതിന് രാവിലെയും ഉച്ചയ്ക്കുമുള്ള വ്യായാമ സമയങ്ങളുടെ പ്രയോജനങ്ങളെക്കുറിച്ച് അറിയാം. രാത്രിയിൽ വ്യായാമം ചെയ്യുന്നതും ഒരുപോലെ ഗുണം ചെയ്യും.

രാത്രിയിൽ വ്യായാമം ചെയ്യുന്നത് നിങ്ങളുടെ ഉറക്കത്തെ പ്രതികൂലമായി ബാധിക്കില്ല എന്ന് വ്യക്തമാക്കിക്കൊണ്ട് എക്സ്പിരിമെന്റൽ ഫിസിയോളജി ജേണൽ ഒരു പ്രബന്ധം പ്രസിദ്ധീകരിക്കുകയുണ്ടായി. രാത്രിയിൽ വ്യായാമം ചെയ്യുന്നത് കാലക്രമേണ വിശപ്പ് ഉത്തേജിപ്പിക്കുന്ന ഹോർമോണായ ഗ്രെലിൻ കുറയ്ക്കും. ഇത് നിങ്ങളുടെ ശരീരഭാരം കുറയ്ക്കാനുള്ള ലക്ഷ്യങ്ങൾ കൈവരിക്കാനും നിങ്ങളുടെ ഭാരം ആരോഗ്യകരമായി നിലനിർത്താനും സഹായിക്കും. നിങ്ങളുടെ ശരീരത്തിന് എളുപ്പമാകുമെന്നതിനാൽ രാവിലെ എഴുന്നേൽക്കാൻ ബുദ്ധിമുട്ടുള്ളവർക്ക് രാത്രിയിൽ വ്യായാമം ചെയ്യുന്നത് ഒരു മികച്ച ആശയമാണ്. രാത്രിയിൽ, നിങ്ങളുടെ പേശികളുടെ പ്രവർത്തനവും ശക്തിയും ഒരു ഉച്ചസ്ഥായിയിലെത്തും, ഇത് വ്യായാമം ചെയ്യുമ്പോൾ അത് കൂടുതൽ നേരം നീണ്ടുനിൽക്കാൻ നിങ്ങളെ സഹായിക്കും. മാത്രമല്ല, രാത്രിയിൽ ഹോർമോണുകളുടെ ഏറ്റക്കുറച്ചിലുകൾ ഈ വ്യായാമങ്ങളെ കൂടുതൽ ഫലപ്രദമാക്കും. രാത്രിയിൽ വ്യായാമം ചെയ്യുന്നത് പുരുഷന്മാർക്ക് പ്രത്യേകിച്ചും പ്രയോജനകരമാണ്, കാരണം രാത്രിയിൽ അവരുടെ ടെസ്റ്റോസ്റ്റിറോൺ അളവ് ഏറ്റവും ഉയർന്ന നിലയിലാണ്. ഇത് അവരുടെ പേശികളുടെ വളർച്ചയെ സഹായിക്കും. രാത്രി ഉറങ്ങുന്നതിന് 90 മിനിറ്റ് മുമ്പ് നിങ്ങൾ വ്യായാമം ചെയ്യുകയാണെങ്കിൽ, ഇത് കൂടുതൽ നല്ല ഉറക്കം നേടാൻ സഹായിക്കും.